Tadiwennit (an interview) sγur Mark Twain , tasuqilt Amor Rekis .

Udem yeččur d tiḥerci, Ilemẓi aqlaqal yeddem akwersi is fkiγ , yenna-d d akken ixeddem γer uγmis '' Daily Thunderstorm ''.yerna-d :
-Sarameγ kan, testufaḍ .ussiγ ad εellaγ tadiwennit yid-k.
-d acu-ik-d yewwin ?
- ussiγ ad geγ tadiwennit .
-Tadiwennit ? Yah? Yelha…..d lεali…..igerrez…
Tasebḥit-nni , ukkiγ s yiman-iw ẓẓay cwiṭ. S tidett, allaγ-iw yerwi maca skerkreγ iman-iw alarmi tamkarḍit . Deffir mi nudaγ seddis neγ ma sa n dqayeq. Terra-yi tmara ad steqsiγ ilemẓi-nni.
-Amek i tettaruḍ tadiwennit akkenni? is nniγ.
-D acut? Tadiwennit ? Ayhuh ! Ayγer teḥwağeḍ a taruḍ ?
- Ur ḥwağeγ ara ad ttaruγ, bγiγ kan ad nadiγ anamek ines.
-Tessewhameḍ s tidett. Yeshel fell-i ad-ak sfehmeγ anamek ines limer….
-Igerrez. D ayen kan ig laqen, m' ulac aγilif. Ad-iyi terreḍ lemziya.
-Nadi deg DWN .
-Ddaw usekkil "d'' id tessersen.
-ihi amek ? D ayen ibanen!
-Deg imi akka i nudaγ acḥal ur ufiγ .
-D acu tebγiḍ ad yili uẓar-is ihi?
-Anda ẓriγ nekkini . Amawal sεiγ ikmel kra. Tufiḍ-iyi ttnadiγ deg iwlafen amahat ad afeγ teṣwira ines . Ma tazrigt illan γur-i taqdimt aṭas.
-A yaḥbib-iw , ur tettafeḍ ukan yiwet n teṣwira n tdiwennit γas di tezrigt taneggarut. Ad-iyi tesurfeḍ, ur bγiγ ara ak jerḥeγ, ak sneqseγ di leqder-ik lamaεna ur tettbanḍ ara tḥerceḍ annect i γileγ….ad ak ggaleγ ma bγiγ ak jerḥeγ.
-Ulac aγilif. Aya selleγ-as dima, yernu sγur yimdanen ur tsetḥin seg-i . Fkiγ-asen azref.
-Umneγ-k ur ttaggad. Iyya a nuγal ar lecγal nneγ m' ulac aγilif, teẓriḍ tura d lεada ad weqmen tadiwennit i imdanen yettwasnen.
-Yah, ur sliγ ara s wannect-a .s-wayes i tettegem aya ?
-D tidett tesewhameḍ , tikwal ad iniγ ilaq ad tnewqem s uεekkaz maca tikkelt-a m' ulac aγilif ad tili kan s isteqsiyen, nek ad ak nefkeγ isteqsiyen iwulmen akken ad nbeggen tudert inek n yal ass d tin umaru i imdanen, kečč ad-iyi d rreḍ. Aya ileḥḥu akken ilha ger medden ussan-a.
-D lεali, d ayen yelhan. Maca sarameγ ad-iyi tsurfeḍ, tettuγ aṭas, aya yesbehdil-iyi dima. Cwi kan tikwal ttmektayeγ kulci .
-Ulac aγilif , ad tεarḍeḍ ayen iwumi tzemreḍ d aya .
-Yirbeḥ, ad rreγ akk ddehn-iw .
-Tanemmirt-ik. Ad nebdu ihi?
-Dayen wejdeγ.
Asteqsi : -Acḥal di lεamer-ik?
Tiririt : -Tsaεtac di yunyu id iteddun .
Asteqsi: -S tidet aεni? Nek, fkiγ-ak-d 35 neγ 36. Anida tluleḍ ?
Tiririt : -Deg Missouri .
Asteqsi: -Melmi tebdiḍ tira?
Tiririt : -Deg 1836.
Asteqsi: -Amek akka ? Tura kan id nniḍ 19 di lεamer-ik .
Tiririt : -Ur ẓriγ ara maca tidet ur tefri ara .
Asteqsi: -Tidet. D lewhayem. Anwa amyaru lεali akk id temlaleḍ ?
Tiririt : -Aaron Burr .
Asteqsi : -Amek? Ur tezmireḍ ara ad temlileḍ Aaron Burr ma d 19 kan I γur-k.
Tiririt : -Sled tura. Ma tessenḍ -iyi nnig wayen sneγ iman-iw acuγer id iyi steqsayeḍ ?
Asteqsi: -D tamuγli-inu kan d aya .Amek id temlaleḍ Burr?
Tiririt : - Ḥeḍreγ I tanṭelt-is yiwen wass, yessuter deg-i ad sadreγ taγect-iw .
Asteqsi : -I tura. Ma telliḍ di tanṭelt-is , yewwid ad yilli yemmut.Ma yemmut ur yetḥarew ara seg ṣṣut I tettegeḍ.
Tiririt : -Ur ẓriγ ara , akka I yega netta .
Asteqsi : -Ur εad id tefhimeγ tagi, ad qqareḍ yemeslay yid-k γas netta yemmut.
Tiririt : -Ur d nniγ ara yemmut.
Asteqsi :-Yemmut neγ ala ?
Tiririt : -Llan kra qqaren yemmut, wiyaḍ qqaren ur yemmut ara .
Asteqsi : - I kečč d acu tenniḍ?
Tiririt : - Aya mačči d cceγl-iw yernu mačči d tanṭelt-iw .
Asteqsi : -Te….acu kan ur nezmir ara att nefru . Eğğ-iyi ak steqsiγ ayen niḍen. Melmi id tluleḍ?
Tiririt : -Ass n letnin 31 di tuber 1693.
Asteqsi : -D acu ? Aya d awezγi. Aya yettar-ak 180 iseggasen .Amek ara tesefruḍ aya?
Tiririt : -Ur yelli wayra ad sefruγ .
Asteqsi: -Tenniḍ di tazwara d 19 kan I telliḍ , tura terriḍ iman-ik 180. D ashetref id tetthetrifeḍ!
Tiririt : -D acu tgereḍ-as tamawt I wannect-a (yetthuzu ifasen-is). Geddac tikkal teswehem-iyi maca ur ẓriγ ara amek ur tḥeqqeqγ-ara. Ziγ ulac ayen-ik ittaεraqen !
Asteqsi : - Tanemmirt-ik . Γur-k atmaten neγ tiyestmatin?
Tiririt : -ah! Y…y..y..yeceba-iyi Ṛebbi γur-i maca ur cfiγ ara .
Asteqsi: -D acu ? Werğin sliγ i waya!
Tiririt : -Ayγer twehmeḍ ?
Asteqsi :-Amek ur wehhemγ ara ? Muqel dihin, anwa-t wuwlaf ihin yellan γef weγrab.Mačči d gma-k ?
Tiririt : -Ih, ih, tesmektiḍ-iyi-d . Tidet d gma William ayenni , Bill is neqqar . Ah Bill ageswaḥ meskin!
Asteqsi :-Ayen? Aεni yemmut ?
Tiririt : -Ur yelli win I zemren ad inni. Ahat yemmut.
Asteqsi : -D tawaγit s tidet. Ihi yenejla ?
Tiririt : -Ih, nezmer ad ninni akka. Neneṭl-it.
Asteqsi : -Tneṭlemt! Tneṭlemt war ma teẓram ma yemmut neγ ala !
Tiririt : -Ala, ala, mačči akkenni, ddeqs I yemmut.
Asteqsi: -Ur fhimeγ ula d tigert, ma tneṭlemt yernu teẓram d akken yemmut.
Tiririt : -Ala, ala, nγil kan yemmut .
Asteqsi: -Yah, yuγal yedder ihi?
Tiririt : -Ur d yuγal ara .
Asteqsi: -Aww! aya werğin is sliγ.Yemmut walbaεḍ. Yettwanṭel walbaεḍ. D acu tebγiḍ ad iniḍ ?
Tiririt : -Tura ak sfehmeγ, d akniwen I nella ….mi nella d imectaḥ , medden ur ttaεqqalen ara yiwen seg wayeḍ .dγa yiwen seg-neγ yeγreq deg temcuceft (binwar) maca ur neẓri ara anwa deg-neγ ig γerqen. Kra nnan d Bill , wiyaḍ nnan-d d nek .
Asteqsi: -D laεjeb! I kečč d acu tenniḍ ?
Tiririt : -Ala Ṛebbi I yeẓran, ur yelli d acu ur ttakeγ ara akken ad isineγ tidet. Aya yeswehm-iyi teγzi n tuder-iw. Iyyan tura ak inniγ yiwen sser. Aqcic iγerqen yesεa azumbil ameqran di timceṭ ufus-is aẓelmaḍ . Aqcic-nni d nek. D winna ig γerqen.
Asteqsi: -Ah, ihi ur yelli d acu yesewhamen ihi.
Tiririt : -Ur-k-d iban ara d acu yesewhamen, ma d nek iḍeher-iyi-d mliḥ. Maca susem kan…ur d bedder ara aya zdat at wexxam .Ddeqs I tmeḥḥenen akken asen ternuḍ tagi.
Asteqsi: -Lεali d ayen tura ddeqs I zedmeγ . Tanemmirt-ik s tusda, surf-iyi, aṭas ik sεetbaγ.Bγiγ ad isineγ ugar γef tanṭelt n Aaron Burr. Tzemreḍ ad-iyi tinniḍ acu-ik yeğğan ad inniḍ d akken d argaz ixulfen ?
Tiririt : -D ayen isehlen, ur yukki ula d yiwen s wayen yeḍran.mi t heggan ad yettwanṭel , tafekka di lekfen. Din id yenna yebγa ad iẓer I tikkelt taneggarut i wayen is yezzin, yekkren yedda d unehhar tkerrust .
Syen ijbed iman-is ilemẓI-nni . Yekkes-iyi γef ul-iw , xaqeγ mi gruḥ .