Creḍ ulawen qeblen
Asmuḥyet n tezlit "Hymne à L'amour" n Édith Piaf.
Sγur Sεid At Mεemmer
Igenni azegzaw anef-as ma yessefk a d-yeγli
Lqaεεa ma tra ad telli
Imi d iyi-tḥemmleḍ kan
Bu tmeẓẓuγt awer d-yegri
Skud tayri treffed lawanat n tnekra-w
Skud ifassen-ik d dduḥ n tfekka-w hraw
Iγeblan fell-i regglen
S tayri-k a win d iyi-ḥemmlen
Aqu yuqan ad tawḍeγ
Udem-iw s tbuxin ad s-ḍleγ
Deg-i aya ma tessutreḍ-t
Tiziri a d-ṣṣubbeγ aggur-is
A d-akreγ akk lbankat n Swis
Deg-i aya ma tessutreḍ-t
Ad zzenzeγ akk tamurt
Tadukli ad tt-rreγ temmut
Deg-i aya ma tessutreḍ-t
Anef ad ṛwun medden taḍṣa
Ad cummeγ war lmaṣṣa
Deg-i aya ma tessutreḍ-t
Tamettant lemmer ad iyi-k-taker kra n wass
Lemmer ad temmteḍ akken yemmut Lwennas
Ma tḥemmleḍ-iyi i yebγun yeḍru
Ula d nekk yid-k ad mmteγ γas ur d-sskireγ "Aγurru"
Imiren ad γ-d-iṣaḥ lebda
Di tizzegzewt ideg ulac lebla
Deg igenni ugur γur-neγ ur d-yettmal
Mel-iyi a win ḥemmleγ, d tidet nemyeḥmal?
Σemmar Buzwar izeddi wid yemyeḥmalen