Aḍris-agi d tukkist seg wayen d-yura MAX STIRNER deg udlis-ines "Der Einzige und sein Eigentum" (Winna kan d wayla-s), suqqleɣ-tt-id si tefransist ar tinna-nneɣ.
D acu n tadyant ur ḥuddeɣ ara ? tidyanin akk yellan d ayla-w, tid n Rebbi, tid n nnbi, n ṣṣellaḥ d lawliya, n tidet, n tlelli, n talsa, n teɣdemt, tid n ugellid d weɣref-is, tid n tmurt, n leqran, d wayen akk-nniḍen yuran... Maca, annect-agi d ayen d iyi-yeɛnan s tidet, neɣ d akellex kan ? ad yexzu Rebbi bu yiman-is kan d timanit-is.
Maca, werğin ad n-muqlet ar tigi d wamek urǧant deg-neγ nekk yid-wen akken ad nḥuddet fell-asent :
Ihi ad nebdu kan seg uqemqum gar-asent; si Rebbi. Ssawleɣ-d i lmumnin, i wid d-iḥuǧen, i lɛuqqal, d wid yettuẓumen ṣṣabrin, i kenwi i yessnen Rebbi, i kenwi i yeɣran awal-is, muqlet-d yid-i tamsalt-agi. Atan ihi bism llah. Acu yebɣa Rebbi ? Sani yebɣa ad yaweḍ ? Yella wasmi i yennuɣ ɣef wemdan-nniḍen, neɣ ahat iḥudd ɣef teɣdemt d tidet ? Tesselmadem dakken tidet d Rebbi, Rebi d tidet. Ihi ma yennuɣ Rebbi ɣef tidet, ihi ɣef yiman-is i yennuγ. Daɣnetta dagi, ma yella kra yellan d Rebbi, Rebbi i d kra yellan, ihi Rebbi yettḥuddu kan ɣef yiman-is, neɣ ayen yebɣa ad yili. Ihi dɣa Rebbi yelha-d kan d yiman-is ! Wid deg-neɣ ur nettḥudd ɣef Rebbi, neɣ win yezwaren yelha-d d tedyant-is zdat tin n Rebbi, yecmet-it, yecmet akk dderya-ines. Ziɣen Rebbi-yagi yettḥebbir kan i yiman-is....
Yyaw tura ad nwalit talsa. Ɣef wacu i tettnaɣ talsa ? ɣef wemdan, ɣef wayen tt-yugaren ? Talsa tettnaɣ kan ɣef yiman-is. Awi-d kan ad t-tgemmu trennu. Ur s-d-tewqiɛ deg yemdanen n yal d aγref yefkan kra yellan fell-as, tettawwi deg-sen ayen s-yehwan, ayen-nniḍen ad t-yejmeɛ umezruy. Wid iruḥen, ruḥen, talsa tewwi asfel-nsen. Talsa-yagi ihi rnut-tt kan γer Rebbi, ula d nettat tḥemmel kan iman-is....
[...]
Rebbi, talsa, aɣref, ṣṣeltan... wigi akken ma llan deg yimanen-nsen kan i d asen-d-tewqeε. Ihi ula d nekk am Rebbi, ad ttmuquleɣ kan iman-iw di lemri, ayen-nniḍen akk d ulac γur-i. Ad nnaɣeɣ ɣef yiwet tedyant kan: IMAN-iW. Ur telli d tin n Rebbi, wala d tin n talsa, tadyant-iw d iman-iw, d ayla-w, ur telli d tamatut, d tadyant n Muḥend n yiman-iw kan, am nekk n yiman-iw kan, ulac ayen yellan sennig YIMAN-IW.
yir.taqcict@imyura.net