B.C Tanaslit d taqbaylit id yekkren di temdint n Wehran, d tanelmadt di tesdawit . Ur tettu ara tameslayt n lejdud-is, telmed tira n tmaziγt di tiddukla Numidya n Wehran, syen tɛedda srid ara tira, tebda s tira n imagraden di tesγunt Tafukt i d-yettefγen yal ayyur seg useggas 2003, ass-a tessaweḍ ad taru adlis ines amezwaru “Lemmer a d-yuγal zzman “, i d-yefγen γer tizrigin Numidya deg wayyur n mayyu 2006.

Lemmer a d-yuγal zzman d tullizt n 58 isebtaren, id yewwin γef tayri . Krad (3) imeddukal myefkan lɛahed ad ilin am atmaten akken ibγu yili , Ssaɛid anelmad di tesdawit , Farid d Murad iwumi temmut tmeṭṭut-is Tilas, teğğa-yas-d aqrur, Lunis , at iwanes .

Krad imeddukal-a ḥemmlen Jeğğiga tagujilt id yegwran tura deg ufus n tmeṭṭut n baba-s .Kul yiwen yebγa ad tili ines, nettat yiwen kan tḥemmel ger-asen. Maca tewwi-tt tmara ad taγ wayeḍ , win itt-irefden , win-itt isetren .

D tullizt  yettwarun s teqbaylit timsereḥt, teshel maḍi i wefham, ur testugget ara deg-s awalen imaynuten anagar wid yelḥan mliḥ  ass-a, txaḍ-itt  akken iwata maca taggara n tullizt teswehmeγ kra imi macci d tagara i nella nettrağu .Lawan I deg nella nettrağu ad mlilen ulawen, amaray yettu taɛzizt-is , yufa tayri nniḍen … tayri n tutlayt d idles amaziγ . Yettban-ed dakken d tayri n tutalyt taqbaylit itt yiwwin ar tira .Dayen igerzen imi tefka-yas azal-is i teqbaylit, temla-yaγ i tikkelt nniḍen dakken taqbaylit tezmer i iman-is, nezmer a naru yis ayen iγ-yehwa.

Akken neğğ a tt-teγrem tullizt a tt-teẓrem amek ara tefru  di tagara.

A.R

Tzemrem ad tarum i Tiddukla Tadelsant Numidya  n Wehran

tansa: BP 101 Oran RP 31000

numidya@yahoo.fr

Tel: 070-41-13-63

Fax:041-45-56-55

Compte bancaire cpa 416418144661149. agence Khemisti, Oran

Azul
Atan kenwi acki-ken. Adlis ilha maḍi. Turim-d fell-as imeslayen ilhan dayen kan. Ma d tafin anda a t-naf iqiḥ, tren, azeγbib. A wen-in-azneγ idrimen a yi-t-id-ceggεem ? Init-d kan acḥal "iẓuṛṛuten", tansa, ad ttekleγ fell-awen.

"ṛṛuzma" kan d kenwi s iyennaten-agi, tili ad terwiγ ass-agi. Aqli yuli-yi-d demmaṛ nni aseṭṭaf.

Akken ttwaliγ, cukteγ teffeγ-d γer tidukla n Numidya d-yessufuγen yakan tisγunin d awayen nniḍen, ihi a ttili tettnuz dinna kan di Wihṛen.

Wejṭuṭi d agrud amecṭuḥ iteddu yid-wen.

Tanemmirt a Wejṭuṭi,
A Wejṭuṭi, tanemmirt.

Ma di Wihran i telliḍ, aru-yi-d tabṛatt, tiniḍ-iyi-d ma tzemreḍ ad iyi-d-tceggεeḍ adlis-agi. Neγ ma yella ur tezmireḍ a Wejṭuṭi, siwl-as-d i Ssi Qasi ahit netta ad izmer.

Bon ! Ihi d asseḍmeε kan ?

Ma yella win t iγran a d-yirr dagi kra deg-s akken a nwali ma yella d tidett ayen d teqqarem akka neγ d ajemmel kan.

Bγiγ a d-iniγ ameslay γef awalen itraren. Smuzguteγ i isalen deg BRTV n unaγmas nni azuran, Abderrezaq, ad aγ-d-iṛezq ugellid jmiε. Netta daγ ittugad ad isseqdec awalen itraren. Dacu kan isseqdac awalen n taεrabt, uma di ENTV almi i tt-cerwen meṛṛiγet i ten-id-ḥettmen i "lγaci". Abderrezaq Yeqqaṛ "NNEWWAB LUMMA", "ELMURACAḤ", "ESSIASSA"...At "L'arabisation" nni n tmurt n mqidec wten almi nuγal nfehhm-iten i yenaten-agi. Tura dayen ula d nekni s teqbaylit d wigi i yssefk a nesseqdec...a nnegr-im a taγeddiwt !
Agensas: représentant
Aγlan: nation
Tasertit: politique

Tin iγ-yewten ar yiγes dγa d imḍanen(leḥsab). Ahṛuḥut ! Tillin llan, maca, neṭṭef kan deg "talatatun, rabεatoun, xemsatun..." Tamettant, nezmer a nemmet γef IMAZIΓEN, a neṛṛez wala a neknu. Ma d kennu n kennu i "xemsatun, ṛebεatun..atg" nkennu, nṛeṭṭu...

Win izemren ad iy-d-iceggeε adlis-a, attan tansa-inu n email, DdaHemmu@hotmail.com, akken a nemsefham γef wamek.

Tanemmirt

Azul a Ḥemmu n At Yiraten (ahat γur-k cclaγem anect-ilaten?!! haha)

Ula d nek ufiγ-asent-ed akk anamek i tlufa iceγben allaγ-iw ḥala taqbaylit yesseqdac bu ṣegnin nni n brtv! M' a s-smuzguteḍ ad t-iniḍ d alebεaḍ n lmuḥafiḍin nni n laqasma n zik yettmeslayen akka: "Asm' ara tweffṛen ccuruṭ a wen-d-nexdem akk lbiṭaqat lmunxariṭ .." Yenna-yas Muḥ n Muḥ ay turewemt a tilawin!!

Tura a dda Ḥemmu unagal agi nneγ tella γur-i tekti: Walaγ yettaru dagi akka am nekni Mas Ğamal Benεuf (ẓer aḍris nni γef Yiḍ d Wass n dda Σmeṛ). netta akken ttwaliγ dinna di Wihṛan i yettidir u yessen iqeddacen n tidukla Numidya, ahat yezmer ad temsefhameḍ yid-s a k-t-id yaγ u a s-tazneḍ idrimen?

Lḥaṣun tagi d ttikti-iw kan nek ara d-ssawal Smina n Tazart a nruḥ a s-d-nenγed ccemma i jeddi Yebrahim...

Azul wa rah'matu...ahhh, macc'i d âebdrz'aq nek!

Tura i wakken ad ughalegh ar wayen akken ifughef i d-ih'ekku H'emmu af Wedlis n Tnas'lit:
-- D tidett ayen i d-yenna Wejt'ut'i. Adlis-a n Tnas'lit, yeffegh-d di ddemma n Tdukla Numydia n Wihran. Tiddukla ayaki (nessaram-asen ufad n tzemmurt i wakken ad rnun ar zdat di leqdic nsen), sufughen-d ayen zemren. Amek?
-- Ur ilaq a tt-ttud' dakken d tiddukla, ulac ghur-sen at'as n wedrim i wakken ad sufghen 1000 negh 2000 d wudmawen n yiwen n wedlis. Nutni sufughen-d kan ayen imu zemren: ma yella llan at'as n medden i d-yessuturen adlis, dgha atan nutni ad âard'en amek ad xels'en tizrigin i wakken a sen-d-sufghen wiyad'...mulac, haten-an warrac d tullas tekkan(t) ghef yiman-nsen.

Nek ghrigh at'as seg isabtaren n Wedlis: D afellaq akken yeqqar umedakkel nnegh A.R deg umagrad-is. Mi d-yenna belli taqbaylit-is d tin fessusen, macc'i anamek-is belli ugten wawalen n "tâerbubt" (akka am teqbaylit-nni n âebderz'aq bu-icenfiren). Awwah, macc'i dayenni dayen nnid'en:
- BC tanas'lit tettres'i tifyirin fessusen i wakken amdan a ten-tt-yegzu. Amek tettaru...d asif, d aman i wakken a tt-gz'ud' ayen i d-th'ekku.
Waki d adlis-is amenzu: s ddeqs-is!! Nek yecc'ur-iyi tit' akken iwilem.

Tiddukla Numidya d afus n tallalt kan i s-fkan i "tanas'lit" akken a tt-sufgh-ed adlis-is amenzu. Ayen akken i d-yefghen n yedlisen gher tez'rigin, a ten-ferqen ghef tdukkliwin tidelsanin, ghef imussnawen n teqbaylit, ghef temkard'iwin...atg. Iswi nnsen amezwaru dakken a (tt)yettwassen (t)umeskar.

Neddja-yawen talwit wa rah'matu... (ala, macc'i d âbderz'aq bu-ixenfiren nek).

C'iw c'iw

azul akk,
aqli rniγ-d ayen ixusen , tukkist d tansa anda tzemrem ad tafem adlis-agi .am akken tettwalim d tizrigin n tiddukla, iswi nsen d asebγes imyura d tira s teqbaylit s umata .

Tanemmirt tameqrant a Wamur,
Tanemmirt diγen i Ḥlima n tazart, Amnay.

Tura deg-i i d-gra. Ad sen-ceggεeγ idrimen, ad iyi-d-ceggεen adlis...ar zdat ahat idlisen nniḍen. Yif-itt ma nefka-ten deg idlisen wala deg "rray rray". Bon ! Tagi d tamacahutt nniḍen.

Ar tufat...γurwat anda i s-tberrum acku atan ggunin ad wen-kkiwen ifadden.

Cerheγ nezzeh imi d-ufiγ tullist n C.B.Tanaṣlit: "Lemmer a d-yuγal zzman", deg wesmel-agi. s tidet kan ḥemmleγ-tt nezzeh teqcict-agi , ( am yelli neγ am weltama). Γas tettaru s tugdi, neγ s tuffra , maca, wellah ar tesεa imal ijuğğgen deg tira n tmaziγt. Tella tettaru s taεrabt akken yessefk, icuba nezzeh uγanib, neγ tira-ines γer wemyaru Ğubran Xalil; di taggara nwelleh-itt akken ad taru s tagi-nneγ. Taqcict-agi werεad i tt-tekcim teḥraymit-nni-nneγ s "Librubru"! Iḍelli kan i lliγ ttεawadeγ-as taγuri i wedlis-agi, ass-agi atan ufiγ-t-id da. Tura daγen ddeqs isefra...
Ssya ar kra n wussan a d-aruγ fell-as kra n weḍris.
Nekk, acḥal iseggasen-aya segmi i s-semmaγ
" Amazan n tayri" ( rrasul n tayri). Tanemmirt.

Azul,

tidet kan nekk ur cr´ihe& ara, acku mass Ben3uf
s yisem n llah i yettmeslay, anecta yella d awez&i
yettbe3nunuzen akken d-as-yehwa deg tesga n walla&-iw.

" Skud nettidir, nnsel". Akka i d tameddurt.
War isem

Taddart nni nneγ,

Neqqar akk wellah. Ticki i d-faqeγ i iman-iw reffuγ γef iles-iw ma d tikwal "Aḥeq rebbi" akk d "wellah" rran ili deg imi-w. Akk-a llum γef imezwura iğğan imanen-nsen irekb-iten buṭelliṣ. Ad awen-d-awiγ yiwet n win akken yeṭṭfen lmaki:

+++++++++++++++++++++++++
Taddart nni nneγ ufiγ-tt-in tbeddel tura,
bnan lğamaε deg tlemmast-ines
teẓram anda akken netturar zik nni ?
iiih ! Tura dinna ibnan lğamaε
Ufiγ ddunit testewḥac teqḍeε tuffγa d unekcum
Zik din itturaren warrac
tecfam fell-as umkan nni ?
uuuh ! M' ulac dγa kkret ad telḥum
Tura kra dinna ibna d iẓekwan
ur tturaren warrac dinna
rrant d timeqbeṛt i terran, ur dessen ara warrac dinna
keččini !!! Gar iẓekwan nni, ur dessen warrac tura !
++++++++++++++++++++++++++++++

Ur d-qqaṛet ara ism-is neγ m' ulac ad txellṣem tajεalt
Hemmu

Ah'eq win d win ar d-steqsi& isem-is... Ach'al n tje33alt iyi-tettlased'?
Ass mi yemmut uh'eddad-agi n wawal, nnigh-asen i kra n yemdukal: "aqli nneghnagh acku yemmut...(ur d-qqare& ara isem-is)", Nnan-d: "Anwa-t wagi"? Nni&-asen: "Ssurfet-iyi a librubru, acku ttu& d akken ulamek ara t-issinem yiwen am netta!!"
yak yejja-d awal...Ahya ddin qessam!!!!!

S tegmatt (ne& s teltmatt????)
Newara.

A Newara,

Zemmem qemmem, kem ur d-qqar, nek ur d-qqareγ.

Ssurf-iyi a taqbaylit, zeglegh anda akken d-urigh "terran" "rrant"

+++++++++
rran-t d timeqbeṛt i t-rran
++++++++++
Wissen "i" nni ma issefk a nernu gar-as akk d umyag azerrig n tuqqna ?

Ar tufat

Azul fell-awent, azul fell-awen. Γas ḥṣut d akken ur lliγ d ccix Muḥend, ur lliγ d sidi Ugistan. Ay ack-iken ay imeddukal, yelha uqeṣṣer yid-wen! Ur yessefk ara a d-neḍḥu di tinna akken: "Win d-ineṭqen ad yeqqen aγyul". Ihi , ay imeddukal fiḥel a tt-nettaṭṭafet di tmeckukkal-agi, Tebra jida ar εyiγ si tigi!
Dagi, qqaren-iyi-d: kečč ur tettamneḍ ara akk, amkan-ik di tmess! Kunwi ahat tebγam a yi-terrem d yiwen seg ixuniyen n Ḥasan Lbenna?! Init-d ayen tebγam, ulac fell-as, fiḥel tuččḥa. Tanemmirt a timeddukal, d imeddukal. Ass n wemhad( lexmis), a n-azneγ yiwet tamawt γef yedlisen n Σmer Mezdad.

Azul a dadda Ğamal, nek cukteγ War isem yessen-ik akken yessefk ugeswaḥ maca ira ad inebbec deg-k cwiṭ ad iẓer ziγ amek iga wul-ik, ma tzemreḍ a terfuḍ neγ ala..(haha d amcum war isem agi nneγ!)..tali nek yeγγaren ayen tettaruḍ a dda Ğamal ẓriγ texḍiḍ "qul hullahu".

Qim di talwit u ttḥadar iman-ik, ula d kečč a dadda War isem, idles γef tuyat nwen i ires.

Wejṭuṭi d agrud amecṭuḥ iteddu yid-wen.

Azul fell-awen, a " librubru"! Usiγ-d s tazzla akken a d-iniγ kra γef wedlis n Tnaṣlit, di taggara ufiγ-d tgam-aγ-d abazin! Ihi tebra taγaṭ-iw ar d-qqneγ aγyul-iw ula d nekk! Kečč a Wejṭuṭi, d argaz n lεali. Bγiγ a k-steqsiγ: D acu i k-yettili Wejṭṭef-nni yukren ibulunen deg webrid n tmacint ( tamezgunt-nni n Dda Muḥend At Yiγil)?! Sliγ yeffeγ-d si lḥebs ilmend n lmuṣalḥa elwaṭaniyya! Ihi kullec mebṛuk.
I kečč a " War isem"! D acu i k-yewwin ar wayen i k-yexḍan?! Truḥeḍ-d am warẓeẓ γer Dda Ğamal a s-tiniḍ yir awal! Ma netta iquḍer-ik, yessetḥa seg warrac-nni-nneγ n Bgayet; nekk ur ttsetḥiγ, ur ttneḥcameγ. A k-iniγ: Ma tebγiḍ ad nesker ṭṭrad gar " Likapičču" n Wehran akk d wid n Bgayet, aql-aγ da! Simmal ara d-tafeḍ isem i yiman-ik, a "War isem, a k-iniγ ayen i k-d-tenna Nna Ququ: A k-d-yefk Rebbi ahdum, ay amcum! Ma d Dda Qiqi, yeqqar-ak: Tuklaleḍ ahuddu sγur "Gudu"! Tamxixt-ik! Ma d Dda ¨Hemmu, tebra taγaṭ-iw ar d argaz yelhan, yuklal azul. Wissen ḥqa ma tejweğ xalti Ḥlima-nni n tala?! Newwara yelha yisem-is, ahat taγect-ines am tin n Newwara-nni tacennayt. Ssya, ar kra n wussan a wen-d-azneγ " Liẓavuntir n Dda Qiqi"; wagi d yiwen wemγar azemni n Wehran! A s-d-rnuγ yiwen wawal i ddigurdi-nni n War isem: Aḥeqq " jeddi Amsed, d lxalat yakk yessefsed, ma d awal-nni n welleh i k-d-yesγuccen! Ayen i k-d-yesγuccen d awal-agi:" Ḥemmleγ-tt teqcict-nni ( am weltma, neγ am yelli) ". Netta, yenna-tt-id s nniya-as, acku nessen Dda Ğamal ḥnin nezzeh, iḥemmel-aγ akk. Aḥeqq Ssi Pertuf d Lla Mjilat ar d tidet i d-nniγ! Ssuref-iyi a Tanaṣlit a weltma, nettεuzzu-kem ayendin, maca ur aγ-yeğği ara wemcum-agi n war isem " ṭrankil", yerwi-yaγ! Ur ilaq ara ad nessusem γef tigi-ines, ma ikemmel akka, ad ruḥeγ a sen-d-akreγ akk iḥalumen-nni (ibkan) yellan di Ẓigwaṭ ! Ihi ar tikkelt-nniḍen, a d-mmeslayeγ cwiṭ γef wedlis-inem a weltma. Tanemmirt-nwen, ladγa at Numidya n Wehran.

Azul fell-awen akken ma tellam(t).

Ad sbilḥeγ tagnitt-a imi atnan ger-aneγ yizmawen d tsedwa n tmurt n Wihran akken a sen-nefk kra n yesteqsiyen. Nessaram kan ur ttεeṭṭilen ara aṭas i wakken ay-id-fken tiririwt.

-- ḥemmu d asawen-a yesteqsa-yaγ-d amek i yezmer ad yaγ adlis. Ur ẓriγ ma yella kunwi txemmem i waya: a tt-aznem idlisen ar Turr'uft neγ ar temrikt i win a wen-t-id-yessutren? Amek i yezmer a ken-ixelleṣ??
Nek siweḍen-iyi-d adlis wat-leεraḍ " iccriken-iw" mi ṣubben ar tmurt ussan yezrin...maca llan aṭas i yebγan a en-id-aγen yedlisen ur ten-ttafen ara di Kanada, di Fransa, di Lalman neγ anda nniḍen deg umaḍal...wammag widak-nni n Ustr'aliya, ulayγer akk a ten-id-nebder...ur ttekkan ara awk di lmisa.

- Asteqsi wis 2 d tamawt i xseγ ad greγ γef wedlis. Lemmer xas ufiγ ay-tterr-ed "TANAṣLIT" s timad-is, maca mačči akken nbeqqu ay-nettaf tal tikkelt, asteqsi d wa:
----\ Taqesṣit d afellaq d afellaq.. dγa di tazwara, tanaṣlit d acrured i t-ttecrurud ger twinas. Umreγ aṭas imi tebda-tt s tayri : Farid, Murad akk d Lunis yekkat wul nnsen γef Ğeğiga (hummm, awim-aγ-d ğeğiga a tt-nẓer a yut-igawawen)...Tanaslit tuγ-ed yiwen n webrid anda ur banen ara isaffen: amek a tt-ḍru d Ğeğiga? Nettat tḥemmel kan yiwen ger warrac-nni maca ur s-yefki ara lḥal amek a tt-aweḍ ar yiswi-s "ar win akken fuγef terγa"...
Lḥasun, seg yir isal ar yifal yelhan, Tanaṣlit ur aγ-teğği a nerr ula d nnefs imi taqessiṭ-is tgerrez....MACA di tagara, tbeddel-as udem! Lunis-nni yetti-tt d ameγnas n teqbaylit, Ğeğiga-nni daγen kif kif...dγa tayri n wulawen tuγal d tayri n imeγnasen...d tayri-nni i s-yettḥulfu yal (t)azwaw(t) i yemma-s.
Nek qimeγ seqḍeγ i wakken kan a wen-iniγ tidett...ur rğiγ ara a tt-beddel tayri-nni talqayant, nek qimeγ εuseγ kan melmi a tt-temlil Ğeğiga akk d win tḥemmel di Tala...neγ albaεḍ n tezgiwin anda zemren ad semlilen ulawen nnsen.
Asteqsi ahat mačči d win tessaram Tanaṣlit a s-tefkeγ maca: i wacu ur tt-tfuk ara akken nniḍen?


Siweḍ-t-as azul d aḥmayan i tnaṣlit!
Sγur warrac-nni n Kanada

A^dris-a yura s “ Gentium”.
Alɣu !
Izen-agi ur ilaq ara a t-ɣren wigi : Ibezṭuḥen am: Wejṭuṭi ameḥruc. Tiqcicin i werɛad nejwiǧ am : C. B.Tanaṣlit akk d Newwara. Imɣaren am: Dda Ǧamal akk d Dda Ḥemmu ( Dda Qiqi akk d Nna Ququ, wigi d tasureft, maɛlic.
Iḍelli, nniɣ-as-d kra imeslayen ur nlaq ara i War isem. Sebba-w d yiwet tlemẓit ( d tacriḥt amḥayen-k!) txeddem deg usibar-agi iseg d-ttaruɣ. S yixef n Karbun ar “teddibuṣul-iyi”, tsderwec-iyi! Tcudd-d iman-is deg tserwalt n” ǧǧin” teḥzeqq ( tẓeyyer) fell-as, terna-d yiwen “ubudi”d taceṭṭiṭ kan, kullec yettban-d!... Aḥeqq jeddi Amsed, d lxalat akk yessefsed, ma ṭeǧǧa-d deg-i kra! Yal tikkelt ssawaleɣ-as: “Madmuzal”! Mel-iyi-d amek ara t-ldiɣ (le fichier). Madmuzal! Mel-iyi-d amek ara t-ɛelleɣ ( le fichier). Madmuzal ! mel-iyi-d amek ara t-id-kkseɣ ( le fichier)… Tikkelt taneggarut, mi d-tqerreb ɣur-i ( ssraḥeɣ deg-s yiwet rriḥa ay acek-itt), nniɣ-as : Waqila tessneṭḍeḍ-iyi-d « avirus » ! Terra-yi-d s wecmummeḥ : Ɛni tettruḥuḍ anda nniḍen ( les cyber-nniḍen) ? Rriɣ-as : Tikkwal. Terra-yi-d nettat : Ilaq ad « ttepruṭijiḍ » ad ttḥadreḍ leḥwal-ik ( flashdisque, disquettes…) ! akken i twala tira-nni tcukk deg-s, tenna-yi-d : S wacu tettaruḍ akka? Dindin, nekreɣ tamazirt-nni, nniɣ-as: Tagi d “Ispiranṭu”.
Tura d acu tenniḍ, a War isem?! Meɛḍureɣ, neɣ sɛiɣ lḥeqq? Err (-d) ahh!...
Qqim di talwit.

Azul d izumal akk fell-awen. Tuklaleḍ tanemmirt d wazul a gma-tneγ Amnay. S tidet d amnay! ¨Hṣiγ ad tefreḥ aṭas yes-k Tnaṣlit, ladγa s yesteqsiyen-inek. Tanaṣlit ssneγ-tt , iḥulfan-ines rqiqit nezzeh, ḥninet ayendin. Nniγ-d yakan: Tettaru s tuffra, s tugdi, acku tiwtilin neγ addad ideg tettidir yewεer nezzeh. Llan kra n leqbayel tennerna deg-sen tirrugza akk d nnif. Lemmer ad slen yeγli kra n weqbayli, neγ amaziγ s umata, ad azzlen ad wwten akk yes-sent: adrim, iγil... maca, lemmer ad slen s yessi-tsen ttarunt tamaziγt ( s tmaziγt) terwi, a d-yeγli igenni! Ahat tfehmeḍ, acku ḥṣiγ tfehmeḍ! Isteqsiyen-inek a s-ten-awiγ azekka n lexmis, akken ara yi-d-terr , a k-in-taweḍ tririt ( a k-tt-in-azneγ nekkini). Tegra-d deg usenzi n yedlisen: Ma d yiwen umedya kan i tebγiḍ ( i texseḍ/ i triḍ) a k-t-in-nazen, ulac fell-as; ma d aṭas imedyaten , aru-d γer tansa n Numidya , ahat a s-d-naf tifrat.
Kra isalan kan γef isenfaren n C.B.Tanaṣlit: Qrib ad tekfu yiwen wungal s yezwel" Tikli war lebγi". Si tama-nni^den, attan tettaru deg yiwet tullist s yezwel" Akli n tayri. Γur-s daγen yiwen wammud isefra werεad i s-tgi azwel' wagi atan yettrağu asiẓreg ( asufeγ). C.B. Tanaṣlit aseggas-a i d-tewwi agerdas n "liṣusn" di tfurmatikt , di tesdawit n wehran, attan tezzazzal akken ad tkemmel taγuri-ines. Teγra tamaziγt di tiddukla Numidya n Wehran. Kra n wedlis ara d-yeγlin gar ifassen-iw, mi ara t-γreγ, ttawiγ-as-t teqqar-it. Ur tesεi ara aselkim( amikru) tettaru s ufus kan, yernu ur tzemmer ara ad tettruḥu γer " cyber", acku γlay : 60 idinaren i ssaεa. A wi yufan wi ara tt-id-iεiwnen s umikru, akka am isuduten-agi-nneγ: H.C.A.
Llan wid i s-yeqqaren:akken i t-yenna Muḥya: "Imexluqen-agi heddṛen kan"; maca, ur ẓrin ara amek i yedder Muḥya di tudert-ines.
Ssurfet-iyi ssugteγ awal.

Ur z´ri& ara anect a yili wazal n uselkim deg tmurt.

Dacu tennam ( t ) krad´ ne& ukkuz´ deg-ne& s wid-ak-agi ized&en deg tmura-agi n tmacinin, a nd´eggert azal-agi &er yiwet n teqbuct, ad ya& wemdan yes-s aselkim-agi i deg ne3ya nekkni s wid umi ye3uqqer´ walla&.

Akkagi ad yezmer ad yennecr´ah´ wul n tmedyazt-tamarut-nne& s lfal ad s-ner i tunt´ict-is.

Ssarame& ad tarrem ti&r´i i usiwel-iw

( War isem zeddig wul-is )

Azul a War Isem

Aqli ad kkiγ. Ma yella win iweεεan ad d-issegrew idrimen-agi ad d-ifk uṭṭun-ines n tbankatt(d asnulfu) ad as-nazen idrimen i netta. War isem, keč ẓriγ anwa-k, ẓriγ daγen nezmer a nettkel fell-ak...

Azul a Winna,

tanemmirt i wawalen-agi izid´anen, ula d nekk ttekle& fell-ak!

Dacu tennid´ ad ssutre& ancta deg uzerrad´, z´ri& netta yessen mass Ben3uf, ad s-yessiwed´ idrimen s afus-is, ad ya& aselkin yessen, ta&awsa ad tawed´ amd´iq-is?

War isem

D tikti igerrzen,

Aqli ttṛajuγ amayel-inek ihi, ticki tt-tefriḍ d Mas Kamel Uzerrad.
Tiγri, imir nni, ad tt-id-nger deg usmel-a deg tiγmeṛt iman-is. Ad d-nernu yal ass anda tewweḍ tebzert.

A nettekki yakk neγ a neqqim akk!

Wejṭuṭi d agrud amecṭuḥ iteddu yid-wen, u ad yettikki yid-wen!

Azul fell-awen akk, ladγa kečč a Wejṭuṭi.
Teḥrem remṭan-iw ar d a k-iniγ aya: Ala kečč i yi-iεeğben a Wejṭuṭi a mmi! Ssuguneγ ( ttxayaleγ)-k-id d agrud amecṭuḥ, tettmurudeḍ, s tbessasin akk d usutel( tattalt), tbubbeḍ-d " Z" ( aferciḍ)-nni γef teεrurt-ik, abeyyiḍ n wedrim deg ufus-ik, tettsuγuḍ: Aql-aγ da! Aql-aγ da!...
Tebra ar tesmektaḍ-iyi-d s tezlit-nni n Ferḥat: " Llufan-nneγ ur negzim
Yemla-yaγ-d amek ad neddu
Deg iberdan n tegrawliwin"
S yixef-ik a Wejṭuṭi a mmi, lemmer a yi-d-tazneḍ lkaγeḍ-nni n lviza, ar d aseγ akken ad neg " rrugrupma familyal" nekk yid-k dinna. Ad ṭṭfeγ amkan yeğğa Rrbeḥ-nni ameqqran i d-ikecmen ussan-a. A k-sselmadeγ ala imyagen n tγara: iεziz, imẓey...
Fiḥel ad teččḥeḍ a mmi ḥemmleγ kan ad nnecraḥeγ.Tanemmirt-nwen akk.

Akken i kecmeγ s asmel-agi, nedheγ-as-d i teqcict-nni, nniγ-as: A medmuzal! mel-iyi-d amek ara xedmeγ. Din kan γriγ awal-nni n gma-tneγ Winna, i d-ibedren isem n gma-tneγ Kamal Nat Zerrad; bdant, ttergigint tgecrar-iw ssetḥaγ, axaṭer d ccix-nneγ. Ufiγ-d iman-iw la ttsuγuγ: Addad amaruz! Tazelγa n tnila!...
Yiwwas dγa, nella nettqeṣṣir deg tiddukla Numidya, nella nettmeslay γef tayri, din kan yekcem-d Kamal Nat Zerrad, netta akk d wemlawi ( ladjwan)-ines Dda Ğamal. Nekkni akk nessetḥa, nuγal akk d izeggaγen am" lizandyan"! Nekk rriγ iman-iw ttmeslayeγ γef Jirunimu, Sitingbul, Qqareγ-asen : D wigi i yenγan Jjiniral Kustar! Kkreγ a s-iniγ : Azul a Kamal, rniγ-as-d sγur-i "Aṭaṭurk!
A d-iniγ : Ma tettaru Tnaṣlit, neγ nekkini, neγ Ğamal, neγ Hewwari Bessay...tajmilt ad tuγal i Kamal Nat Zerrad. Aql-aγ deg webrid i γ-d-temliḍ a Dda Kamal. Mazal-aγ d imaziγen. Γas ma nniγ-d tiqerḥanin, yak nniγ-tent-id s tmeslayt-nneγ, s tira-nneγ. Tanemmirt-nwen.

Azul fell-awen ay atmaten.
A k-d-yefk Rebbi tin ara k-ijemεen ay Aṭlas, amcum!
Tcebbḥeḍ-aγ udmawen-nneγ s teqbayliyin n Wehran, a Tanaṣlit a weltma. Nedder almi nwala tiqcicin-nneγ refdent Tamaziγt; ad yekfu fell-anteγ meqqar, zzux-nni nat cclaγem. Gedha yes-m a weltma.
Ur ilaq ara a d-nqaren gar Aṭlas amcum akk d Tnaṣlit; imi yiwet tettaru tayri n terwiḥin, wayeḍ yettaru tayri n tfekkiwin! Sin imaḍalen yemgarraden am igenni d tmurt. D acu kan aqcic-agi ur dirit ara, d ahwawi kan γef yiman-is. Ih, ḥqa! Acimi ur d-tettaseḍ ara a yi-txeḍbeḍ, nekkini ay aqbayli n "sserbis", tettruḥuḍ γer tid-nni ara k-yawin d arbib s učamar!
Tanemmirt-nwen.

Azul fellawen,

A wejt'ut'i a wejt'ut'i...A nna Fat'i a nna Fat'i... Wissen dgha nna Fat'i ma yella ula d nettat ad tekki deg tebzart agi tabah'ant.
A yarrac n Numidya...tanemirt nnwen, yal tasevh'it m'ara qqimegh ad swegh lqahwa, ad rzugh ghef yemyura, ad afegh, ma macci d djamel d Atlas, ma macci d atlas, d wayed'...imeslayen nnwen, anecrah' nnwen, ttaken abeh'ri i turett...ladgha m'ara yettidir yiwen di tmdint yecban paris yeccuren d 'la pollution"!!!
Ttmektayegh-d ass mi lligh di tmurt, ass mi nettemlil akw di tidukla tadelsant Tara n Bujime3.
Yiwen wass m'ara nerzugh gher tmurt, aqli-yin ar Wehran, s cikula d Zigumar ad kwen-mlilegh, ad nqesser, u ma yebgha w'Atlas, ad nerrez kra yellan d azaglu: ala ghef tayri ara nemmeslay. D nettat i d yemma-s n tudert. Akken s-yeqqar Zimu: "Eyya-d m'ad teddud"...Yeqqar-as i tpultukt-is (macci d ttin n Muh' Uperpuc), eyya nekk yidem, ad nemyeh'mal 3inani, ad nerz kra yellan d azaglu...ttugh awalen nni, yernu ach'al cebh'en.
Tanemirt nnwen akken ma tellam.
Tth'adar iman-ik a Yatlas, m'ulac ad tughaled' ad tcennud' "taqcict n u Cyber a yuli-w esber!"

Newara.

I kemm a Guraya.
( Tuklale^d tanemmirt a Newwari, a tanewwart, ala kemm i yi-yeddan di leb^qi, wamag wiy^d akk ter^ha-tent tismin. Ttxilem, ^qas kemmel tajmilt-inem, tini^d-as i Wej^tu^ti-nni-nne^q a d-yerfed ilellucen-ines, ad yurar ^qef yiman-is, ur b^qi^q ara ad i^qer tiheddurin-inu!
Tebra ar tessuliḍ-iyi-d “ ṣṣuṣ ṭumaṭ” ɣer uqerry-iw! Kemm mačči d Guraya, d tibkit-nni n Guraya! Ɛni tettuḍ, neɣ ur yi-d-teɛqileḍ ara!? Acḥal d nekk ṭṭafareɣ deg ijufar-im am weqziḥ ( aydi), a Lalla!... Imir-nni teqqareḍ: “ Leqbayel diri-ten! Ẓeyyren aṭas, ur snefcicen ara tulawin-nsen! Ur tent-ssufuɣen ara, ur sent-id-ttaɣen ara ayen bɣant!... Tura, ḥqaḥqac yečča-kem-id nnif ɣef « ukapičču » i yi-yecban ! Ɛni yeǧǧa-kem « Uɛebdeqqiw-nni » ideg tneṭḍeḍ !? I tesɛuḍ tismin-agi asmi akken yefsa ujeǧǧigim, asmi akken yessemṭi lexrif-im !? Imir-nni teḍra-yam am tedyant-nni n tmeddakelt n Si Muḥend U-Mḥend ( u caylelleh) iɣef yenna :
Asmi i d-yewweḍ nnfeɛ-is
Yečča-tt weḥbib-is
Nekk ḍḥiɣ-d d aberrani »
Mačči s ddɣel i m-d-nniɣ aya, bɣiɣ kan a d-smektiɣ tiqbayliyin i kem-yecban, tidak-nni i iḥemmlen “ izegzawen”, wamag kemmini semmḥeɣ-am, acku nekk ul-iw ḥnin ! Hhah : Ḥemmleɣ-kem, a Guraya !
Ma d ayen yerzan tira-w : Werǧin d-qurneɣ iman-iw ɣer Tnaṣlit, neɣ ɣer wayeḍ. Maca, acimi nekkni s leqbayel ur nḥemmel ara win ara d-ibeyynen leɛyub-nneɣ? I wacu mačči d tid i nxeddem i d-nemmal? Ayɣer mačči d ayen i nettxemmim i nettaru? Kra seg-neɣ ttafen-d tisebbubin, qqaren-d : Tameslayt-nneɣ d tukrift, ur tezmir ara i tussna. Ahat d tidet di tegnit-agi. Maca, yiwen ur yezmir a d-yini daɣen : Ur nezmir ara ad naru hulfan-nneɣ s tmeslayt-nnaɣ. Acku ayagi d tikiddicin kan.
Ihi, nekk a d-iniɣ : Tameslayt-nneɣ d tameslayt n yemdanen, mačči d tin n ineglusen ( lmalayek), mačči d tameslayt tuɣrist ( sacré)! Yessefk ad naru yes-s: Tayri, iḥulfan, Tuzuft( sexe), d wayen-nniḍen…
Ayen d-qqareɣ, ur yugar ara ayen d-yeqqar Racid Bujedra?! Ayen d-qqareɣ ur yugar ara ayen d-qqarent tilivizyuwat n waɛraben i d-yeqqaren: “La ḥya f ddin”! Neɣ wid-nni maɛlic, imi s taɛrabt! Ma d nekk ala, acku s teqbaylit “ la yaǧuz!
Neɣ d acu tenniḍ a Guraya?!...

Attan tansa-w: atlasnatwemsed@yahoo.fr

Ass-nni n wemhad ( lexmis), weqbel ara ẓreɣ asaru-nni n Si Muḥend U Mḥend, ( ẓriɣ-t-id di “ cinématique n Wahrn, ixuṣṣ nezzeh umarir-nni i yuraren d Si Muḥen U Mḥend –wagi d Si Muḥend n « plastik » mačči U Mḥend !) ẓriɣ-d C. B.Tanaṣlit. Segmi i s-nniɣ ɣef uhetwir yekkren ɣef wedlis-ines, tefreḥ nezzeh, tecmummeḥ, amzun “tufa-d ajeǧǧig i wul-is”, akken i t-yenna : Racid Ɛellic deg wungal-ines” Asfel”.
Nekk si tama-w, ḥulfaɣ s wayen tḥulfa nettat, acku ḥṣiɣ teḍra- yas am wakken i t-yenna Dda Lmulud: “Am win yeffuden yeswa, am win yeddreɣlen iwala, am win ikerfen yeḥla”. Surfet-iyi ma beddreɣ-d tikkwal ismawen yecban: Dda Lmulud, Muḥya, d kra nniḍen. Ur riɣ (bɣiɣ) ara ad sɛeddiɣ iman-iw yes-sen, neɣ ad ddariɣ seddaw icuḍaḍ-nsen, akken ixeddmen kra! Wn yexsen ad yessefreḥ amyaru a s-iɣer adlis-ines. Attan tefreḥ ayendin, la ken-tesnemmar nezzeh ɣef tigawin-agi-nwen, ladɣa takti yerzan tiɣin uselkim ( amikru). Dagi, di tmurt azal uselkim yettaweḍ ɣer 40 alef idinaren ( 40000 iṣantimen.
Lliɣ wehmeɣ deg imeddukal-nni-nneɣ n Numidya, amek ur nwawlen ara ula d anwiwel! Yiwen deg-sen ur d-yuri ( anaga kan: A^tlas akk d Guraya) xerṣum yiwen wawal usebɣes ! Tadyant-a tesmekta-yi-d s temlilit-nneɣ taneggarut d Dda Muḥend Aɛrab Bessaɛud i d aɣ-d-yennan: “ Ur tezmirem ara a yi-d-tseddum ula d azul amecṭuḥ--un petit bonjour di tebratin-nwen!” ( acku nettazen-as tasɣunt “Azul” asmi yella di Legliz, neɣ asmi d-yekcem ɣer tmurt).
A ziɣ, ula yiwen ( seg at Numidya) ur yeẓri ayen d-yersen deg wesmel-agi! Aql-i nniɣ-asen akk, yezmer lḥal seg uzekka d asawen a d-rnun kra seg-sen ɣer weskasi-agi-nneɣ.
Aql-i fkiɣ-as tansa n wesmel-agi i C.B. Tanaṣlit, ula d nettat (ahat) a d-ternu ɣer weskasi-gi-nneɣ…
Attan tansa-ines i tira:
tayritiziri@yahoo.fr
thaninna-thiziri@hotmail.com
Ssarameɣ kan ur tt-nḥerres ara aṭas s tlufa ur tt-nerzi, acku ma tesmenyaf tayri n tmaziɣt, ɣef tinna akken iḥulfan, ahat imi werɛad ur tessin tixidas-nneɣ s “Librubru!
Izen ara d-iḍefren wagi-inu, a d-yili sɣur-s nettat, ssarameɣ a t-nemmager s wul zeddigen , tezdeg n wegrud am Wejṭuṭi uḥric.

Tiririt ɣef kra n yesteqsiyen-nwen.
Sɣur : C.B.Tanaṣlit.

Tella leḥmala, tella tḥemmalt, tella tudert, tella tmettant akken i yella yiḍ d wass, akken i yella ccwal akk d lehna.

Tecbeḥ tzyri mi ara tesburr abernus n talwit, mi ara ɣ-tezzuɣer ɣer targit anda yeshel kullci, anda ulac awezɣi, anda i yella umaḍal-nniḍen—amaḍal n wulawen yemcudden, n terwiḥin yefsin ta deg tayeḍ. Tayri-nni yecban aneglus i ɣ-d-yessukkusen si tallest, i ɣ-yettawin ɣer umaḍal n iḥulfan uɣrisen-- .

Tecbeḥ tayri mi ara ɣ-d teglu s tezdeg d laman, mi ara tefk anamek-nniḍen i wussan, mi ara tekkes ddɣel d teḥraymitseg wulawen, mi ara tefsu am ujeǧǧig di terwiḥin. Maca, yak ajeǧǧig yesɛa isennanen ?! Tagi iɣef d-ttmeslayeɣ akka d tayri-nni n targit, tayri n ucebbeḥ, tilawt d ayen nniḍen, tayri n tilawt temgarrad ɣef tin n tirga, imi di tilawt, tayri tettmagar igna n tudert, akken i d-tgellu s lehna , i d-tezzuɣur daɣen ccwal, akken i tessefraḥ i tessettray.
Riɣ di tullist-agi – Lemmer a d-yuɣal zzman— ur ttbeɛɛideɣ ara aṭas ɣef tilawt n tayri.
Ur d-nettmeslay ara kan ɣef ccbaḥa-s ad neffer iɣeblan-is, imi tezmer leḥmala ad tuɣal d taḥemmalt n ccwal.

Acimi i temmut tayri gar Ssaɛid d Ǧeǧǧiga? Acimi i tuɣal tayri-nni n tmeṭṭtut d tayri-nni n tutlayt d tmurt?!
Tamawt kan ara d-greɣ akken tayri ur tettmettat ara, maca d nekkni i tt-imeṭṭlen ɣas ma yella werɛad tedder.

Tayri yellan gar Ǧeǧǧiga d Ssaɛid, texreb imi tt-id-mmugren yegna n tudert, tezga-d tmettant deg wudem n tudert n tayri-agi, ters-d ahat seg wul n Ssaɛid i yellan yettargu ccbaḥa d tudert , yenwa-tt ad tili d lebni n yimal ijuǧǧgen, taggara tbeddel udem-is, tekkes-as ayen ɛzizen fell-as, tessedrem tadukli i bnan lesnin, yers-d wazal-is uɣris wul-is ilmend n waya i tt-yemṭel deg wul-is ɣas ma yella tedder.
Tayri-s tis-snat ( Tayri tameɣnasant) tlul-d akken ad terr tajmilt deg wul-is i ṣṣenf-nniḍen i yuklalen assesfel ( seg asfel) , i yemgerraden ɣef tmezwarut imi tagi ulac deg-s lexdeɛ, ulac deg-s beṭṭu, ulac deg-s tanekkayt ( si nekk= leḥmala n yiman) .
Tlul-d akken ad tili d anza akken skud ineddu wul s tudert, tayri ad tidir deg-s, ad tger ixulaf akken a d-tesnulfu leṣnaf-nniḍen n tayriwin talsanin ( seg talsa). Ul yeččur d tiliwa n iḥulfan, yal mi ara teqqar yiwet, ad teṭṭerḍeq tayeḍ.

Wi yebɣan ugar n isalan, assaɣ n “ internet::
tayritiziri@yahoo.fr
thaninna-thiziri@hotmail.com

Tanemmirt-nwen.

Azul,

tamsalt n uselkim atan d tikli ad tefru a mass Ben3uf.

Kra n wussan akka, ad yawed´ wazal-is s afus n K.Uzerrad, d netta
a k-n-yessiwd´en ta&awsa i kec´c´ s afus-ik.


Tanemmirt,
War isem

§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§
"Tecbeḥ tayri mi ara tesburr abernus n talwit"...

Tayri-nni yecban aneglus i ɣ-d-yessukkusen si tallest, i ɣ-yettawin ɣer umaḍal n iḥulfan uɣrisen-- .


tayri n tilawt temgarrad ɣef tin n tirga,

tayri ur tettmettat ara, maca d nekkni i tt-imeṭṭlen ɣas ma yella werɛad tedder.


..tajmilt deg wul-is i ṣṣenf-nniḍen i yuklalen assesfel ( seg asfel) , i yemgerraden ɣef tmezwarut imi tagi ulac deg-s lexdeɛ, ulac deg-s beṭṭu, ulac deg-s tanekkayt ( si nekk= leḥmala n yiman) .

Tlul-d akken ad tili d anza...

§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§

Tuklaleḍ araz akk d wayen yunagen aya. Gedha yis-m a Tanaṣlit.
Ur telli γur-i tezmart taseklant neγ tazmart n iḥulfan akken ad skasiγ yid-m aṣentel-a n Tayri. Awalen-a d tunṭict i win ibγan ad ifk iman-is, iman s unamek-ines amenzu, taṛwiḥt-is, i uzuzen n imeslayen-im, d-asafar γef udeddic n wul, yernu dayen yefran mačči d "tikkiddicin" (awal n waṭlas).

"Tayri mi tesbur abeṛnus n talwit"

D awal issendekwalen win iγilen d tidet dayen iqqur wul-is. Werεad meẓẓiyeγ -aṭas aya ! - ass mi s-qqareγ:

Ul-iw yuγal d aẓru
tayri-w iwwi-tt waḍu
20 werεad tent-bdiγ

tayri-inu teffeγ iḥulfan
ad gneγ yid-s uḍan
Mi tṛuḥ 'f tayeḍ ad nadiγ

Ssurf-iyi γef tefses n imeslayen-iw zdat n talqayt n imeslayen-im.

azul; i yakk imazighen iqeddcen akken ad ssuferren agdud amazigh ger yegduden n umadal..
Dgha azul i yakk atmaten i yettekkin dagi..aten-ssenmaregh s tussda imi yi-snernan tabghest yakk d lferh akka imi yal yiwen yefka-d tidmi-s ghef tullist "Lemmer ad-yughal zzman" D ayen ur rjigh ara yakk!!
ak-id inigh a gma Amnay...macci akken i nebgha i nettidir..ger lebghi d wayen i nessaram ...zgantt tilas n tilawt...macci kra win ihemmlen yettawed lebgh-s!!!tagi d tilawt i nettidir...ur nettkellikh ara i yiman-nnegh s tirga_negh ala ?_ acugher i tekfa tedyant n Ssa&id d jeggiga akken ? nekk ak-id- inigh macci imi d nekk i ran ad tili tagara-s akka ,maca imi d tilawt-nni ur nes&i ul ,ur nes&i ihulfan,tinna akken ttwaligh s tit yukin macci tit yebbghen di targit..iyi -jjan ad kfugh tadyantt akken ur terjim merra !!!.tanemmirt ay Amnay (maca hader ad taysed asirem si tayri, u ad tili tmentilt d tullist-agi) ini-yi-d kan: Lemmer ad yughal zzman, ahat tebghid ad tbeddled kra di tudert-ik???
Tanaslit.

tanaslit ...seg ul yeccuren s usirem yakk d lferh a wen-tessenmar atas imi s-d-terram tarwiht akken it -id yenna gma gamal ben&uf..ulac dacu yessefrahen amyaru annect mi ara ghren medden ayen i yura daya kan is yettaken iman i tira-nni ines ...akka ad yehhulfu akken ayen i yexdem ur iruh ara deg yilem..
tanemmirt i wajtuti,hemmu, amnay, gamal,atlas ...d wiyad...ssaramegh adh iligh rrigh -ak-id f usteqsi inek ay Amnay,ad as-inigh daghen i Atlas..yal wa d wamek yettwali timsal, ahat teddred , twalad ugar-iw...ahat, d ayen twalad ik-id-yessentaqen akka ..ur d qqaregh ara zur wudem-ik(suref iyi) maca yu&er lhal akken ad walin akk medden s tit -ik...bghigh kan ak-d-inigh ger tayri n terwiht d thin n tfekka...temgerrad atas taluft....yal wa d tayri-s...
yal wa d tmughli-s....!!! tanemmirt f usebghes-inek ..ssaramegh-ak ajujjeg dgha ad tafed tayri n terwiht ara k-id yerren asirem.
Kra n win yeghran tullist-agi ssaramegh ur iqette& ara layas si tayri ...righ kan ad fkegh udem n tilawt ghef tayri yemgerraden f tinna akken ikeffun s jjwaj d lehna imi macci di yal tikkelt akka i tettili..maca skud ineddu wul skud asirem ad yili.
tanemmirt i kunwi yakk i yi-d-yessferhen.

tanaslit.

Azul fell-awen(t)

Tanemmirt-im a tanaṣlit.
Tanemmirt i gma-tneɣ ǧamel Benɛuf imi d netta i kem-id-iɛerḍen ar wesmel nneɣ.
Tanemmirt i yawk arrac d tullas iɣ-d-yefkan udem ucbiḥ di tegnitt-a.

A tanaṣlit...
"Lemmer ad yuɣal zzman", mačči iman-iw kan i t-ɣriɣ. Nek ɣriɣ-t, kra n imeddukal ɣrant, nemlal-ed akken nettimlili akka tikwal netqeṣṣir ɣef tedyanin n umaḍal mebla ma nettu tamurt n yezwawen. Yiwen wass niwi-d awal dɣa af wedlis-nni inem.
Tikti anwi itt-yuddren d amezwaru, d ameskar n umagrad-a (Amor R.)...yenna-aɣ-d, amek almi tanaṣlit tetti-yas jeddi-s i tayri-nni ger ǧeǧiga akk d ssaɛid, terra-ten d imeɣnasen? Amek almi "titanic-nni" ur yezdir ara deg waman! Hihi

Dɣa, da, yusa-yi-d yiwen n uxemmem: ttmektiɣ-d ayen akken i yenna umedyaz Belqasem Iḥiǧaten i yennan di tdewennit belli "amedyaz yezmer ad yili d ameɣnas am akken yezmer daɣen ur yettili ara". Gziɣ anamek n wawalen-is. Tira n wass-a, bab nnsent, tugett ger-asen d imeɣnasen, d tidett d timeghnest i d-yiwin aṭas n yezwawen ar wegni n tira (R. ɛellic, S. Saɛdi, A. Mezdad...atg ), maca akken iɣ-d-iga tamawt yiwen umeɣri, iɣ-d-yennan belli ilaq a neg amgerrad ger "umyaru" d "umeɣnas'", ulac tawtilt ger-asen. Akken ttwaliɣ, amyaru am unaẓur, yettaru-tent-id akken i sen-tt-yettḥulfu, ameɣnas akken i tent-yettwali.

--Deg wayen yeqqnen ar wedlis-im, agerrez ines mačči dayen yefren, dayen ibanen am yitṭij: tefkiḍ-as-d talɣa tamaynut i wudem n tayri ger yezwawen (mačči ɣef icinwaten i d-tmeslayeḍ yak?), tufiḍ-as-d imeslayen i iwilmen di wadeg iwilmen: ayen akken ttḥulfun aṭas, terriḍ-t-id d tifyirin u aya, mačči dayen fessusen s tidett! Seg m'ara yebdu umacahu alma qrib ad ifak, ul n ǧeǧiga yettsuɣu (si tayri)....dɣa griɣ tamawt ar waya, ufiɣ-d dakken d ǧeǧiga-nni i yulsen udem n tayri s tugta: nettat werǧin teḥbes tayri deg wul-is, si tazwara almi d tagara nettat tettiḥmil: ahat tebɣiḍ ad tiniḍ belli ul n tmeṭṭut-a annect n yil(ilelll, lebḥer)? U aya, zemreɣ a m-iniɣ d tidett.
I tagar tjeddeleḍ-as talɣa i tayri-nni d tidett, terriḍ-tt dayen nniḍen, ahat ula d ayaki, akken tenniḍ, d temantilt belli ur nezmir ara a nessaweḍ ar wayen nra melmi i t-nra! Aya daɣen mačči d tikerkas. Maca nek d kra n imeddukal, ur nri ara a s-teqqel d tabuciḍant i ǧeǧiga-nni m wul weddigen...
Llan wid ad yinin daɣen imi tella ǧeǧiga d tameṭṭut i tuɣ abrid n talwit akk d lehder...ǧeǧiga am Tnaṣlit ahat, d takniwin di tikta, d yessi-s n yiwen n ttexmam. Mačči s tifses i tettwali ayen iẓeyren iẓewren, ur tettwali aya kan tardast ar zdat-is maca tissimɣur tamuɣli ar zdat.
Atlas n wemsed d akessawen iga awk am nekkni, nekkni s yezwawen neɣ irgazen s umata, netta yiwi-tt-id rrif rrif, askeɛrer ulac, Amsed ibeddu-d seg ukessar syin yettali d asawen. M' ara ay-wali taqcict daɣ netta akken...
ǧeǧiga tiwi-tt-id d tin n tesnagayt (philosophie), twerra-yaɣ-d amek tezmer a tt-ili tayri d ismilen(genres)... twerra-yaɣ-d dakken amek tga tilawt di tmurt n yeQbayliyen... akka d tidet, akka i yella waddad n tayri ɣur-neɣ. Am wergaz am tmeṭṭut, aṭas n tikwal ntteddu-yas i tayri s tesnagayt, nettiktili acku terra-yaɣ tmara, acku neggra-d ger wegdud nneɣ...inasayen akka! Yella wayen yellan, yella wayen yernan. Mačči akken i tt-nra i tt-nettaf tal tikkelt.

A tansa'lit, tura nek ak-snemmreɣ aṭas imi tuɣeḍ-d turdas terziḍ-d ar ɣur-neɣ deg wesmel nneɣ.
Sarameɣ-aɣ teɣzi n tudert akken a kem-nɣer s tumra tal tikkelt m'ara d-sufɣeḍ adlis amaynut.nettraǧu melmi a nɣer adlis-im amaynut...aql-aɣ negguni ihi a tanaṣlit, ur aɣ-tettu ara a ttxilem!

Awi talwit yid-em a weltama-tneɣ

Azul a timeddukal, ay imeddukal. Tanemmirt-inem " Ay amazan n tayri", ahat tecfiḍ γef yisem-agi i m-giγ seg geddac d aseggas-aya! Tanemmirt i yakk i tmeddukal, imeddukal i yessekkren tiwizi ilmend n tebzert i gan i yidra n tiγin uselkim. Tigawt s wazal-is: A ziγ tella tegmat! a ziγ mazal tiwizi!...
I tikkelt-nniγen ad farṣeγ tagnit, a d-greγ tiγri tikkelt-a i teẓrigin:
A wi yufan yiwen seg imaẓragen i wumi tella tmaziγt deg wul, a d-yerr i teγri-yagi, a d-yini s isuγan: Aql-i da!
Acimi mačči d bab n teẓrigt" Ayamun"?!
Atan usuter-inu: A d-nessiẓerget adlis-agi n Tnaṣlit" Lemmer a d-yuγal zzman", s tγara yelhan, icebḥen, ad yenz akken ttnuzun yedlisen-nniḍen... Ula d ismilen-agi-nneγ, iγmisen-agi-nneγ a d-mmeslayen fell-as...
D acu tennam ay "Ay amun"?!
Ayuz ( gedha) ay atmaten!
Aṭlas ass-a yessuḍen-it remḍan!

Tura kan i yi-d-yessawel gma-tneγ Kamal U Zerrad γef temsalt-nni uselkim i Tnaṣlit, tegra-d kan ger-i d yid-s tura, melmi a t-id-naγ daya. Ilmend n waya riγ ad ssnemmreγ kra n tin d win i d-yefkan tabzert, ladγa imeddukal-agi-nneγ n yemyura.net.
A wer nemlelli, a wer neγli, a wer d aγ-yeεreq webrid. Tenemmirt i tikkelt-nniḍen.

Azul, zemmregh ad inigh tanemmirt-atas . Afud igerzen .