Tullizin
 

| | |

TAYRI N LEBDA (Tullist)

TAYRI N LEBDA (Tullist)
Tafat d yiwet n taqcict ilulen deg agur n yunyu deg seggasen n sebεin deg yiwet n taddert deg tmurt n leqbayel, tεac deg yiwet n twacult meqren anda baba-s d laεmum-is zdin deg yiwen n wexxam, aceku imir d baba-s i d ameqran, d netta i ixedem fell-asen. Tafat d tin iεecqen atas imawlan-is imi d nettat i d tamenzut, ḥemlen-tt merra laεmum-is, fkan-as isem n weltmatsen yemmuten ur ttarwin ara, Tafat imi id-tlul, ihi γur-sen am akken ur temut ara weltmatsen, rran Tafat deg wemḍiq-is.
Σeddan wusan, Tafat tessaweḍ seddis iseggasen deg leεmer-is, d lawan n ukeččum-is amenzu s aγerbaz, anda id-tesεedda seddin n iseggasen, Tafat tḥemmel aṭas aγerbaz aceku tufa aṭas iman-is, imi ur d-temlal ara uguren deg ulmud-is, tufrar-d ger tezyiwin-is, amḍiq-is ger imenẓa, ula d iselmaden-is ḥemlen-tt merra aceku ur telli ara d tin yettcewilen.
Deg tufγa teffaγ Tafat deg useggas amenzu, bdan-d wuguren, xas akken tefraḥ aṭas imi tεedda γer weswir wis sin maca lferḥ-is iluγ ur yeṣfi ara, teẓra amecwar d win ara s-yaεren, aceku i tikelt tamenzut ara tγab γef twacult-is,imi lawan-nni tiḥdayin ttkemilen ulmud-nsent deg tγiwant n iεeẓẓugen, dinna i tettent, din i ganent, alama d tagara n ddurt id-ttuγalent s ixxamen-nsent. Tafat ur tufi ara iman-is deg temεict-nni i tettεici, lebεada n wulmud rnu γer-s tamuḥqrani n uberkan uqarru. Tid id-yewwi lḥal ad qlent s lmendad i tnelmadin, ad iḥninent fell-asent, ad ilint deg wemḍiq n imawlan-nsent, ur xdiment ara lwajeb-nsent, xedment meḥyaf ger tnelmadin, teddunt d tid yesεan, neγ d tid ifazen deg ulmud,ma d tiyaḍ rwant tiyitwin d leεyaḍ, Tafat imi tekcem γer dina, ad telmed alma tekfa, tameddit n wass imi ara kecment γer wexxam anda ganent, tettarat kan i imeṭṭi d uxemem, tiγimit-is ḥaca weḥd-s, tesarem kan γer tagara n ddurt anda ara tẓar imawlan-is, yerna ad tettu tiεdawin n tudert xas ulama sin wussan kan. lferḥ-is imi ara d-wali baba-s iruḥ γur-s deg ass n lexmis iwakken ad tt-id-yawi. D annect-a i yeğğan Tafat tufa-d uguren deg ulmud-is, d adegger i tettdeggir iman-is, maca tettxemim γef imawlan-is, ur tebiγi ara atent-snuγni, tebγa atent-sefraḥ, yerna ad tili d amedya i watmaten-is iwakken att-εanden merra, imi γur-s ma tefcel ad feclen merra yid-s. Tafat tesεa tabγest ur yesεi yiwen, tin akken ur tesεi weltma-s id-yernan fell-as, aceku ur tesbir ara i wannect-nni n meḥyaf iεeddan fell-as.
Tlata iseggasen, ass yeṭṭafar gma-s, taswiεt telha tayeḍ diri-tt, maca Tafat teṣber i lḥif d ẓẓur, teẓra γer tagara ad tγelet imi asirem-is ad tεiwen imawlan-is, xarṣum asent-ter lxir is-xedmen. Tura fell-as lγerba imi tεedda γer weswir wis krad neγ γer tusnawit dinna kan deg εeẓẓugen anda tkemel ulmud almi d tagara n weswir, lawan n ukayad n l BAC, tesεedda Tafat akayad-nni maca tecwi. Ass-nni d ass amcum deg tudert n Tafat, d ass aberkan yesberken akk ussan d-iteddun. Tafat tebna ddunit-is γef ukayad-nni, tettwali-t d tasarut n tudert yelhan d win ra s iḍemnen imal n lεali, mebla uguren, tegzem asirem deg ddunit, tεawed tudert-is teqqar kan : « amek ? kra εettbeγ ur γeltat ara » nettat aγbel-is ameqran d imawlan-is, tebγa atent-tesefraḥ, ttrajun akk annect-a am agur n lεid. Tuγal-d tafat s axxam, teggul ur s-tserraḥ alma yedda-d. yezzi-d useggas tεawed-as deg tγiwant-is maca zher ur yeddi ara yid-s, yeggul ar tteεteb mazal, imi d aseggas anegaru deg tusnawit, maca tafat teggul ur teḥnit, sin iseggasen i terna tafat deg wexxam, tettεawad i ukayad-agi almi tuγal ula d nettat teswa-d deg anda swan akk inelmaden, tuγal tekcem taseddawit n tizi ouzou telmed (l’informatique),anda tekfa almud tlata iseggasen mbaεd.
Teffeγ-d tafat deg tseddawit s usirem meqren d wafud iğahden, ahat tikelt-agi att-id-qabel teswiεt yelhan, ad taf axeddim s wayes ara tebnu ddunit-is, s wayes ara tessifes taεkemt γef imawlan-is, maca mačči akken ara tḥesbeḍ ara tafeḍ, imi ddunit ugar uguren tifrat. Tafat qublen-tt-id iseggasen s tmara i tent-ttidir, tḥetteb usan ttεedayen deg tudert-is ur sεin azal, tḍeggar tudert-is γef ulmud, imi teqqar xas : « εetbet, ad fγeγ γer tafat, d tagi ara yi-sefḍen akk iγeblan-iw, d tagi i ttasarut s wayes ara liγ tiwura iweεren », tettu d akken ddunit mačči d ulmud kan, tettu iman-is, leεmer itedu, ur yezmir yiwen at-yeḥbes, tettu d akken ddunit, ilaq-as ṣber, tebγest d ufud iğehden is ara tt-tqabel iwakken att-aweḍ γer yeswi, yerna ad tεic ddunit-is akken iwata.
Tlatin (30) iseggasen, tafat laεmer texḍi abrid-is, neγ tecceḍ, tewwid abrid zeddigen deg ass-mi tebda almud almi tekfa, ulac win ara tt-id-ibedren deg ayen n diri, tettḥezzib uqbel ad teḍru, teḥrez lḥarma-as akk d tin n imawlan-is. Mačči aseggas mačči sin id-tewwi tafat deg wexxam ur txeddem ara, deg teswiε γer tayeḍ tettefeγ tettqellib sya wesya ahat ad-temlil d lmektub-is.
Akken qaren (kulec s sebba) imi d ass-ni teqleb tafat tawriqt n tudert-is, tin i deg tura tayri-is n lebda. Tεezzem ad tesfeḍ tebrek γef ussan-is, ad tesired ul-is deg ayen iεeddan. Ass d letnayen, teffaγ tafat anda tennum tettruḥu, teqḍa-d ceγl-is am laεwayed, teṭṭef-d abrid ad-tuγal s axxam. Deg webrid-is tεedda γer (KMS) iwakken ad tesiwel, tekcem γer daxel, tufa-t yeččur, teqqim ar tt-id-tṣaḥ nuba, cwiṭ acemma teffeγ-d yiwet n teqcict, tenṭaq γer bab n wexxam-nni tenna :
-« Ilaεnaya-k mur yi-d-tenniḍ, ma tεelqeḍ-d ayen akken ik-d-fkiγ ? »
-« ih εelqaγ-t-id » i yenna weqcic-nni. Tuγal tenna :
-« tanmirt-ik ihi, meqqar ad d-ruḥen wid yebγan ad lemden timsirin n tmaziγt ».
Tafat tefka-yas tamezzuγt, tettu akk γer wacu id-truḥ, tuγal tenṭaq γer teqcict-nni tenna-yas :
-« ilaεnaya-m a tamsiwt, d acu εni id-tεelqeḍ γef tmaziγt ».
-« d timsirin ara nexdem γef tmaziγt, ma teεna-kem temsalt, tzemreḍ ad d-tkecmeḍ » i tenna temsiwt-nni.
Tafat tεeğeb-as aṭas lḥal, imi tella tesεa yakan tikti γef annect-nni, tuγal tenna-yas :
-« ihi zemreγ ad bduγ melmi im-yehwa ».
Taqcict-nni tεeğb-as aṭas Tafat, imir kan duklen aken γer wexxam n yedles i yellan dinna kan, msefhament γef ussan i deg ara lemdent. Deg ass-nni tekkes-d Tafat tamusni lak d taqcict-nni iwumi qaren Fayna, uγalent d timdukal n tidet, cerkent ugar n tγawsa, ulac win izemren atent-yebḍu, tuγal amaken d yiwen deg twacult n Fayna, tessen-iten merra aceku tettruḥ γer-sen aka deg teswiεt γer tayeḍ, imi dina i tesεa Fayna (asibir).
Fayna tella teselmad tamaziγt deg wexxam n yedles, deg yiwet n tidukla iwumi qaren « tadukla tadelsant n SI MUḤ U MHEND » maca imi tessen Tafat tella teḥbes aselmed aceku telli (asiber) deg wexxam-nsen, xas akken mazal txedem γef tdukla-nni, aceku tettaru s tmaziγ, tettεawan wid yebγan ad d-sufγen tulizin s tmaziγt, txedem diγ ula (memoir)n tagara n weswir. Tafat imi ara truḥ γer dina, ur tettaf ara lwaqt iwakken ad teqqim d Fayna. Ger yelmeẓyen-agi, yella yiwen iwumi qaren Agur, yezga dinna, yettruḥu-d tettaru-yas tulizin s tmaziγt imi tetwel deg annect-nni. Tuγal Tafat yal mi ara truḥ ad taf din. Fayna ur tezmir ara ad teğ ilemẓi-nni iwakken ad d-telhi d Tafat, tettayes ad yeffeγ imi ur iheddar ur teseṭaq, yettseḍḥi aṭas, nettat diγ ur tezmir ara ad tqeṣṣar yid-s aceku ur tessin ara.
Akka, ma ulac-it ṣṣbeḥ, tameddit ad yili, yuyes ad ifak tulizin-is, ḥaca tid-ak i yesεa d taluft, aken ass-a akken azekka, ula d Tafat tuγal tennum-it imi yezga γer wallen-is, tegar iman-is aka deg teswiεt γer tayeḍ iwaken ad tefhem ilemẓi-yagi, d acu ixedem ? amek yettxemim ?d acu i γef yettaru ?ahat as-yeεğeb ad tḍeggar yir tamuγli i tesεa fell-as ? aḥat deg yiwen webrid i tedun ? imi ula d nettat tḥemel ad taru aka deg teswiεt γer tayeḍ. Melmi yeffeγ Wagur, tεereḍ Tafat teqqar ayen i yettaru, cwiṭ cwiṭ tettruḥ yir tikti-nni i tesεa fell-as, aceku ayen ixedem dayen i tḥemel, dayen i tesaram ad texdem ula d nettat, maca ur tesεi ara ttawil iwaken ad-tesufeγ isefra-ines, iwaken ur ttruḥun ara, iwaken ad tḥareb fell-asen, tefka-yas-ten i Wagur aten-yernu γer widak-is, tebγa yibbas ad-fγen yerna at-neγren medden. Annect-nni yekkes tilas ger-asen, yefka amkan i tdukla, uγalen am atmaten, ttemεawanen, ttmeslayen γef ugar n tγawsiwin, ulac tufra ger-asen.
Agur d Tafat irad ad mlilen, γef aya, lan-d isefra-yagi d sebba s wayes ara mqaraben, fell-asen kan i ttmeslayenmi ara mlilen, yiwen deg-sen ur yezmir ad yeffeγ berra n wannect-nni, ttemqadaren, ttemṣeḍḥin imi mazal ur myusanen ara akken iwata, xas akken teğhed temlilit ger-asen, maca tafat tella d tin yettṣeḍḥin aṭas, tettkukru, ma tefka aḍar γer zdat ad tefk wayeḍ γer deffir, tettḥezib ur tḥemeq ara.Tikwal tγelli-d tsusmi meqren ger-asen, yiwen ur t-id-yettali wawal, d tid id tiswiεin i tettagad Tafattettḥir d acu ara texdem, maca agur imi ara tt-iẓar deg lḥala-nni iεereḍ yesenṭaq-itt-id, yesteqsay-itt γef ayen yellan, awid kan ad tehder iwaken ad yessiγ deg-s laman, as yekkes akukru maca tafat tikelt as-d-ter γef usteqsi tikelt ad tegugem, imi ur tennum ara, terẓ-tt leḥya, ur tezmir at-muqel udem s udem neγ εad ad tmuqel s allen. Ansa is-d-yekka d asawen, tugi ad-teγli s annar, teččur-as allen, maca ur yeẓri anesa ara s-yek, yuγal ula d netta yettagad. Tafat uqbel yakan tesεa-yas amḍiq deg ul-is, tefka-yas azal, tettraju ass deg ara d-yenṭeq am agur n lεid, εad imi tezra d akken yettxemim fell-as, yettqellib a tt-yisin ugar, yesteqsay timdukal-is, Fayna d yiwet deg-sent imi yezra duklent aṭas.
-« Ttxil-m a Fayna, ini-yi-d ma yella win tesεa Tafat deg ul-is ?imi ara muqleγ isefra i texdem, qaren-d tḥemel maca s tsusmi ». i yenna Wagur
Fayna terra-yas-d :
-« Ala a Yagur, Tafat ulac win yellan deg ul-is, tabur n wul-is mazal telli akken teqqar deg wawal-is, εreḍ ad tkecmeḍ, ahat d keč i tettraju ».
Tafat lferḥ-is mebla tilas ayen is-tenna Fayna, targit tuγal d tidet, s yen tebda tafat tesumγur tamuγli γer zdat.
Zik win iεeddan γer wayeḍ, as-yini iεedda fell-ak uzaylal, neγ yeγfel am win ara as-iqemcen allen, neγ neqar iγur-it cciṭan, maca tafat tezga tuki, tesen anda tesrus iḍarren-is, tezra ur yeshil ara ad yebnu yiwen ddunit-is γef lsas iṣeḥḥan, ilaq yiwen ad yeεteb iwakken ad iγellet, teseγr-itt ddunit, tfarez ger wayen yelhan d wayen n diri, ur tebγi ara ad iεeddi fell-as uzaylal. Ilaqa-as at-jareb ma s tidet yebγa-tt wagur d tecrikt n ddunit-is, ma maci d amwanes n yiwen wass. Tebγa-t d argaz n tmeddit.
Ass-mi d-teffeγ Tafat deg tseddawit,teğğa lexyuḍ iğahden ger-as d yemdukal-is, ama d tihdayin neγ d arrac, aceku tḥemel-iten aṭas, xas akken taswiεt telha tayeḍ dirit, maca sεeddan-d ussan am atmaten. Imi fuken almud deg tesddawit, yal wa sani i yerra, tiḥdayin-nni zewğent ma d arrac unagen γer fransa iwaken ad kemlen almud, maca ur ttun ara Tafat imi deg teswiγt γer tayeḍ ttaznen-as-d, ttceyeεεin-as-d ttṣawer, tafat tḥemel imi ara tsel dakken ur ten-yuγ wara, imi d arrac lεali, rnu ur tufiḍ i yellan ger-asen ala tagmat, γef aya ur tesεi ara tufara, imi ara truḥ γer (usiber) n fayna dinna i tettwali ttṣawer-ni yerna teqqar-d ayen is-d-uznen zdat nsen. Fayna teεlem dakken wlac d acu yellan ger tafat d weqcic-agi, maca agur yečča tiyita yessusem, ur t-id-yuli wawal, tafat tεemed i wayen ara d-yeḍrun, tebγa ad iẓar akk ayen yellan, deg tmeẓyant alma d tameqrant. Agur ibedel wudem-is, yugad ad-yenṭaq, nettat yiwet n tama tefraḥ tayeḍ teqreḥ, tefraḥ imi ibeggen-as-d dakken iḥemel-itt, yebγa-tt i netta, deg tama nniḍen tugad amer a tt-yeğ, ad yuγal γer deffir mebla ma iqeleb ad yefhem, lawa i deg nettat tekcem tayri iγessan-is.
Iḍ-nni ixulef akk uḍan, tundi taxfet teṭṭef-itt. Iḍ iεedda deg nṣṣaf, nadam iγab, tuyes ad yali wass iwakken ad twali agur, as-d-tesefhem tamsalt, as-tekkes aγbel, imi d netta itt-iceγben, d netta i d amenzu imi telli tabur n wul-is. Agur ula d netta igen deg cedda, azekka-nni iruḥ γer fayna, awal-is amenzu :
-« Atan ziγ Tafat tḥemel yiwen !, wina aken iγ-d-tesken deg ttṣawer ! »
-« ala a yagur, Tafat ur t-ḥemel ara akken i tenwiḍ, maca d laḥmala n tegmat i yellan ger-asen, nek ẓriγ kulec fell-asen » i tenna Fayna
Agur ur yumin ara almi d ass-mi is-d-tenna tafat s yiman-is :
-« aqcic-agi i fi-d-yella umeslay, ur zmireγ ara at-waliγ s tmuγli nniḍen, ttqadareγt am gma, netta diγ yettwali-yi d weltmas tameqrant imi γelbeγt deg leεmer »
Tafta tessaweḍ tekkes agu id-yersen γef ul n wagur, irad ad yili wass-nni d ass i deg ara d-tban tayri γef udmawen, yal wa yettwali-tt γer wayeḍ, fiḥel ma yella-d wawal.
Ur tettek cedda anect i tettek talwit, lebγi n wul-is temlal-d yid-s tettwali ddunit s tmuγli zeddigen, yuγal-itt-id usirem, akken qaren ddunit am aḥbul n weγrum, tettneqlab, ass telha ass dirit, yewwi-d kan amdan a tt-iεic, akken tella teswiεt ad yili yid-s, yiwen ad yesaram γer wayen yelhan, maca ad inadi fell-as, aceku kulec ittek-d s leεtab, kulec s sebba. Tafat s tebγest d usirem id-telḥa amecwar, tesεedda tiswiεin n diq akk d lḥerṣ, lxiq d unuγni, maca annect-a d azgen deg wemdan, yezdaγ daxel-is, yesefk kan ad yeγleb yiwen annet-a s tebγest.yewweḍ-d wass, iγeblan ad ruḥen, ad ğğen amḍiq i wussan imelalen, i tizegzewt d izeğğigen, ad ğen amḍiq i tayri ḥlawen ad tezuzen ulawen. Tafat tefsi lqid i wul-is tenna :
Serḥaγ-k ruḥ ad truḥeḍ
Sanida ik-yehwa tawḍeḍ
Lqid ik-xedmeγ yefsi
Awi abri dit-ḥemleḍ
D lawan s yes ad tzuxeḍ
ḍeggar yir tamuγli
truḥ cetwa teğğa amḍiq i tefsut, tina yesegmayen tayri deg ulawen,tjemmaε ger sin yemyaḥmalen. Tafat deg mi id-yella wagur deg tudert-is, tuγal tḥemel ula d iman-is, ma yella γer yidi-is tettettu akk iγeblan-is, am tin yeččan aḥeckul, d netta kan i tettwali, yeččur-as akk tudert-is, tfuk fell-as tγimit weḥd-s, iṣfeḍ-as akk yir ussan tesεedda, am akken tεawed-d talalit, kulec ḥlaw, ẓid, ula d ul-is fessus, tettawi-d tafat s wudem, yerna ur tεeggu ara, tettu ula d wid is-d-yezzin, terra kulec deg rif, ala agur i yellan deg ddunit-is, tbedel s uẓar, ula imi ara texẓer deg lemri, teqqar wlac tin yellan am nek, ixleq-d deg-s ayen ur nelli.
Ttaysaγ ad gnaγ
Qareγ-as yid-i i telliḍ
Tawaγit mi d-ndekwaleγ
Ikcem-iyi-d usemmiḍ
Ziγen d targit i walaγ
Ger ifassen-ik mi iyi-terriḍ
D tidet aḥat leγmir teεriḍ aḥulfu-yagi n tayri, d tidet d agur id amenzu iwumi tefka ul-is, aceku d netta i yersen γef lğerḥ iseḥla-t d win is-yefkan azal d ameqran, d win yeẓẓan deg-s leḥmala n tudert, yeγli-d am yetri ger ifassen-is, s yes teccaεcac tafat-is syes ukin-d akk iḥulfuyen yellan fren daxel-is, yekcem s telqay γer wul-is, yessaγ laman deg-s. Agur neγ (rruḥ) akken is-tessawal ixelq-d deg-s tayri zeddigen, izerε-itt tefka iẓuran, d netta i bab-as, d gma-s, d rruḥ-is, d acrik n ddunit-is. Kra ur yesεi azal zdat Wagur, d netta i tafsut, d izeğğigen,d netta i tudert d ayen ḥlawen.
ṣṣfa d laman lak d lḥerma n Wagur, Tafat tewweḍ anida ur d-tettuγal ara, mačči dayen ara teffar, tettwaqes s ssem n tayri wina yuγen akk leğwareḥ-is
acḥal rujaγ ass-a
sermaγ mačči d kra
ẓriγ mačči d lmuḥal
sliγ i yir lhedra
yir tamuγli tezga
maca ur yi-d-yuli wawal
xas yebεed uzekka
ulaqrar ad d-yili da
yal wa i yebγa at-yennal
ddunit-agi d tiṣeddarin, tin i γef yuli wemdan, yeqqar mazal tayeḍ. Akka is-teḍra i tafat, imi ayen i ten-icerken mačči d ciṭuḥ, ur tezmir ad teqqim yiwet n ddurt ur tett-wali ara, tettraju ass n lexmis am agur n lεid imi ara d-yeflali, agur ur tt-yeğği ara s usiwel, yal ass, tikwal berdayen ar tlata iberdan is-d-yessawal, maca ass deg ara twali yemgarad, imi tettwali-t zdat-s, tettḥulfu s yes, εad imi ara tt-yeṭṭef ger ifassen-is, am lufan mi ara teṭṭef yemma-s deg rebbi-is, ttawḍen-tt-id imeṭṭawen deg lferḥ, tettḥulfu s laman γer tama-s imi tḥemel-it mebla tilas. Ass d lexmis, awal yettawi-d wayeḍ, ur zrin ula d ukud amek yettεedday, ttun iman-nsen, εad ttun ula d wid isen-d-izin, kerhen imi ara d-yaweḍ lawan ad msefraqen, Tafat yeγli-d fell-as lxiq, čurent-d wallen-is d imeṭṭawen, yeṭṭef-tt Wagur ger ifassen-is iwakken as-yekkes lxuf, iwakken att-ḥulfu s laman, yenna-yas :
-« Ur Ttagad a Tafat, εuhdeγ-kem alama muteγ, ur kem-ğğiγ, ad tiliḍ d tameṭṭut-iw, d yemma-s n warraw-iw ».
-« d tidet ugadeγ ayen id-iteddun, ur ẓriγ amek ara teḍru yid-neγ, maca ḥṣu dakken ḥemleγ-k mebla tilas, d keč i d ddunit-iw, i keč imi ttidireγ, fell-ak ad εemdaγ ayen yellan » is-terra Tafat.
Imeslayen rnan afud i tayri, akud iḥedef-iten-id ad ruḥen, mennan lukan ass-nni ad yenarni. Kren-d afus deg ufus, duklen γer wanda ara terkeb Tafat iwakken ad truḥ s axxam, mbeqqan slam, tafat tetbaε-it s walen almi dayen ur t-tettwali ara, deg webrid-s tettεawad-d i wayen tesεedda yid-s. Mazal ara taweḍ s axxam, Agur yessawel-as ma tewweḍ neγ mazal, yezga yettawi aγbel-is, nettat lferḥ-is imi ara tsel i ṣṣut-is, ula deg yiḍ mi ara d-yendekwal, yessakay-itt-id deg tnafa, aceku lawan-nni i iḥemel ad yehder yid-s, imir i ttemlilen wulawen-nsen, iles yettserriḥ-d i lehedra ḥlawen.
Bγiγ ak-teqqes tayri
Kulec deg-k ad-yettcetki
Ad iliγ d nek i d dwa
Deg ul-ik ad taf lebγi
Ad tewwet deg-s iγisi
I lebda ad-teğ cama
Semm-is mi ara d-yaki
Ad inadi fell-i
As-iliγ d laεnaya
Tassaweḍ almi is-tmenna ad yettwiqes s tayri-is awakken dima att-id-yettmektay, yal mi ara yetteqraḥ ad d-yaf Tafat d dwa, Agur yuγ lḥal tayri n Tafat tekcem iγessan-is, yettḥulfu s yes γas ma wlac-itt zdat-s, ma tefreḥ yefraḥ yid-s, ma teḥzen yeḥzen yid-s.
Qaren tayri tugar kulec, maca akka, tiswiεin llan iγilifen, neγ uguren, sexṣaren nniya. Wissen ahat yeğhed wayen n diri deg ddunit, neγ d imdanen kan i iḥemlen ad ččen deg aεrur n wiyaḍ xas baεden-ten. Ass d lexmis, am leεwayed, Tafat truḥ γer wanda tennum tettwali Agur, imi xedmen lwaεd γer dinna, teqqim tettraju s ccuq meqren melmi ara d-yeflali deg yimi n twwurt, tcedha-t aṭas, tfud tayri-s, tuyes as-teγli deg ifassen-is. Cwiṭ acemma yefrawes wul-is, tesla-yas ikcem-d. yerra γer γur-s qbala, yeqqim γer yidis-is, yeṭṭef-itt ger ifassen-is, imi ula d netta icedha-tt aṭas, awal ur ten-id-yuli, fkan lebγi i wulawen-nsen ad meslayen. Aṭas aya ur meẓren, hedren γef ugar n temsal, ameslay yettawi-d wayeḍ, asteqsi yettawi-d wayeḍ, almi i wḍen mslayen-d γef yiwet n temdakelt-nsen. Yenṭaq wagur γer tafat yenna-yas :
-« Teẓriḍ a Tafat, wellah ar leεca itt-walaγ deg targit ».
Tafat texleε, maca ur tebγi ara as-d-beggen lγiḍ-is, tenna-yas :
-« amek itt-turgaḍ a Yagur ».
Yuγal yenna-yas :
-« urgaγ-tt tenna-yi-d, d tidet ayen ihedren medden fell-aneγ, bγiγ-k d tidet, yerna nemsarna-d imi tγelbeḍ-iyi- s yiwen n useggas kan ! ».
Xas d targit, Agur iḥekud, tafat tεawed ṣṣifa, am win itt-yewten s terṣaṣt , tegugem, iεreḍ att-id-yesenṭaq tegguma, ad yeεreḍ ad iqareb γer γur-s tettwexxir fell-as, am akken ur t-tessin ara, γur-s ixdeε-itt xas d targit, tqarḥ-itt tyita, allen ččurent d imeṭṭi maca ur tebγi ara ad iẓar imeṭṭawen-is, ur yuklal ara ad tettru fell-as. Terra-d lεqel-is γer zdat-s tenna-yas :
-« keč itt-yurgan kan yella wayen yellan ger-awen, ula d nettat tεreḍ ad-tqareb γur-k, tettwali-k ula d nettat deg targit ».
Agur ijebbed ikarref iwakken att-yessimen, Tafat teεreḍ ad-ter taḍṣa γer wudem-is maca tiyita tγez daxel-is. Am tin igezmen asirem, am win yessaγen taftilt tuγal texsi. Tettxemim kan, ur teẓri anwa abrid ara taγ. Agur tḥemel-it akken ur tḥemel ara iman-is, fll-as i tebna ddunit-is, maca taqcict-nni daγen d tamdakelt-is, ur tebγi ara ad texṣar, tečča tiyita tesusem.
Fkiγ-as lebγi i rray-iw
Ur s-xdimeγ tilisa
Anda yebγa yedda uḍar-iw
Yibbas ur d-nniγ ala
Ḍemεeγ fkiγ-as ul-iw
Nwiγ abri-is yelha
Ass-nni imi d-ldiγ alen-iw
Yuγ lḥal kulec yefra
Yezga yid-i d amwanes
D natta isεiγ d aḥbib
Anda ddiγ yedda later-is
Amek ara s-d-kseγ lεib
Yuεar ass-a ma yumes
D lehlak ur nesεi ṭbib
Εeddan wussan, yeṣfeḍ usigna id-yuγen, tεedda teswiεt-nni n diq. Kulec yuγal s amḍiq-is, aceku deg ddunit akken yella wayen yelhan, yella wayen n diri, llan wuguren maca iwakken ad yesemxilef wemdan ger-asen, ilaq ad iεeddi deg-sen, neγ aten-yidir , iwakken ad yisin yiwen tiẓeṭ n tament, ilaq ad yisin terẓeg n ilili,d ayen i irenun lbenna i ddunit, d ayen yettreṣṣin tayri deg ulawen.
Ḥemleγ yid-k ad nnaγeγ
Ad ẓreγ ayen yefren
Wisen ahat ur k-sineγ
Ad k-ṭfeγ deg meslayen
Ḥemleγ yid-k ad nnaγeγ
Ad d-kseγ i yi-qarḥen
Daxel-iw d keč i ḥemleγ
Qareγ-t-id s imeṭṭawen
D tidet ma yella ur nuγen ara ur ttemyusanen ara. Awid kan ad t-tessin ugar, maca tiswiεin ur tettḥezzib ara, kulec tettuγal-as s lmendad, ulac ayen s-yettruḥun, zadent-as tismin, ayen is-yesluγen tamda, yesexreb-as nniya, lḥağa tameẓyant att-tesnuγni. Teẓra ur tezmir ara as-tekkes wid yesen, neγ ayen iḥemel, neγ ad t-ḥarem ur ihedder i ḥed. Maci d tikelt neγ i tt-rrant tismin deg ccek. Abrid teddun γer Tizi Ouzou, deg mi ibdan abrid, ifassen-nsen myuṭṭafen, am win yugaden ad yerwel wayeḍ, ur ugaden aten-id-iwali ḥed, ur ṣeḍḥan ara aceku nutni ẓran tayri-nsen d tin zeddigen. Wḍen γer Tizi ouzou, qḍan-d ceγl-nsen, deg webrid n tuγalin, ṭfen-d ttṣawer s yen ruḥen ččan-d deg yiwen n wemkan itḥemel aṭas Tafat. Fγen-d ulawen ferḥen zhan, bdan-d abrid s tikli, awal yettawi-d wayeḍ, neṣfen abrid, tesla i ṣṣut n teqcict tessawal i Wagur, dγa tenṭaq γur-s tenna :
-« A Yagur tselleḍ i yisem-ik ? ».
Yerra-yas-d yenna :
-« sellaγ ih ».
Zzin i sin γer deffir, afen d yiwet n teqcict, i snen yakan, maca ur tt-tḥemel ara Tafat. Rujan-tt almi id-tewweḍ γer-sen, msalamen, tebda theddar lakk d wagur imi yid-s i tesεa cγel. Tafat tessusem kan tettmuqul-iten. Tikelt ad tmuqel agur, tikelt ad tmuqel taqcict-nni. Nettat tegguma akk ad d-tekkes allen-is γef Agur, ur tugad ur teṣeḍḥa. Tafat tacεel deg-s tmes, aceku tesla dakken tḥemel-it. Tuyes ad faken lehdur, teqqim almi aṭas tenna :
-« Tura ma tfukem nezmar ad nruḥ ? Iεedda lḥal, nekni yebεed sani ara nruḥ ».
Teḍleb-asen smeḥ, truḥ tkemel abrid-is, nutni win-d abrid-nsen s tsusmi, teεreḍ akk amek ara teffer lγiḍ-is, iwakken ad iεeddi wass-nni mebla unuγ.
Akken tebγu tiğhid tayri ger sin yemdanen, iman-is ur tessawaḍ ara bab-is γer yeswi.aceku aṭas n tgejda is-ilaqen iwakken ad tbed, iwakken ad teqqim i lebda deg ulawen-nsen, ger tgejda-yagi ad d-naf amdan ilaq ad yekseb axeddim, adrim, axxam...atg xas akken tudert mačči d annect-a kan, imi lehna d tezmert tugar-itent maca lehna tettas-d seg tawant, ur yethenna ara winmi yelluẓ wallaγ-is neγ wul-is.
Tafat iswi-ines att-id-yeḍleb wagur γer imawlan-is, aceku msefhamen, tegra-d kan ad εelmen imawlan-nsen, xas imawlan n tafat tenna-yasen yakan,ayen yeğğan yemma-s tḥerṣ-itt, aceku tkukra taluft-agi, tugad γef yelli-s, γas tesεa laman deg-s, tettkel fell-as ur tesexṣar ara. Tafat ur tezmir ad texdem kra deffir n weεrur n yemma-s, tesken-as ula d ttṣawer id-ṭfen akken. Yemma-s tefraḥ aṭas maca lferḥ-is ur yekmil ara aceku ur d-iruḥ ara s axxam. Teṭṭef yemma-s ttṣawer-ni tenna :
-« Aken-iserbaḥ Rebbi a yelli, aken yessiweḍ Rebbi γer lebγi n wulawen-nwen, maεna a yelli ttḥadar iman-im, tiniḍ-as ad-iruḥ s axxam ma yella s tidet yebγa-kem ». Tafat teṭṭef tteṣwira-nni deg ufus-is truḥ γer texxam-is, terra-tt i imeṭṭi, ur tezri d acu ara texdem ?yemma-s tesεa lḥeq imi d tamsalt n nnif, maca ur tebγi ara ad-teḥreṣ agur. Netta yebγa as-yeḍmen tudert yelhan, anda ur tettenεettab ara, anda ara εicen deg sin, ur yelli win ara d-irayen fell-asen. Tafat ur telli ara d tin yeṭtalaben lmuḥal, tekker-d deg yiwet n twacult itḥemel aṭas, ur tezmir atent-tesnuγni, yemma-s tezga tettweṣṣi-tt γer wayen yelhan teqqa :
-« Ur Careḍ ara ayelli ayen imi ur yezmir ara, ur ttḥerrim ara iman-im deg lbaraka n yemγaren-im, ad teğğeḍ bab-am d yemma-m, ad tent-afeḍ nutni, ḥerz-iten akem-ḥarzen ».
Εeddan wussan, tayri tezga deg ulawen, tafat attan ger yemnaren, ur tezmir ad tefraq wul-is, imi yid-s i tebγa ad ttεic, akk d wallen-is imi s imawlan-is i twala tafat n ddunit, s yisen i tella, iwakken ass-a ul-is at-yawi wayeḍ. Tettraju iswi s usirem d tebγest, tbed qbala i wuguren iwakken taftilt n tayri-nsen ad tecεel i lebda.
Taftilt n tayri tecεel
Tefka-d tafat ad nwali
Deg sin ad neddukel
Ugur ur d-yettili
Maci d lεib ma nḥemel
Imi deg id-nefruri

Yuzn-itt-id Islam BESSACI

Asabter yellan deffir wa | Asabter n zdat


sakher larbi - Tinin-is...
katia - Tinin-is...

Zdi-t deg Facebook
Copyright 2006 imyura.net
Just how well will this year�s Air Jordan gamma blue 11s retro do give that it�s a colorway we�ve never seen before? We can�t exactly imagine an Air Jordan XI sitting on shelves for too terribly long, but we have a feeling they won�t fly off shelves as quick as previous years� �Concord� and �Bred� releases. The sneakers will land a bit earlier than we�re used to seeing them-December 21st is the due date. Stay with us after the break for extra images on the �Gamma Blue� Jordan 11 gamma blue 11s and watch for them soon at shops like Nohble.Gamma Blue 11s}Jordan 11 Gamma Blue}Jordan 11 Gamma BlueGamma Blue 11sJordan gamma blue 11jordan 11 gamma blueJordan 11 Gamma BlueJordan 11 Gamma BlueGamma Blue 11sJordan Gamma Blue 11Gamma Blue 11sJordan 11 Gamma BlueGamma 11sGamma Blue 11sGamma Blue 11sJordan Gamma Blue 11Gamma Blue 11sJordan Retro 11 gamma blueGamma Blue 11sJordan Gamma Blue 11Gamma 11sJordan Retro 11Jordan Retro 11 gamma blueJordan Gamma Blue 11Gamma Blue 11sJordan Retro 11Gamma 11sGamma Blue 11sJordan 11 Gamma Bluegamma blue 11sgamma blue 11gamma blue 11s for saleJordan 11 ChristmasJordan 11 ChristmasGamma Blue 11sJordan Retro 11Retro 11 2013Retro 11 Gamma BlueJordan Retro 11Jordan 11 2013Jordan Retro 11Gamma Blue 11s For SaleGamma Blue 11sjordan retro 11jordan 11 gamma bluejordan 11gamma blue 11sGamma Blue 11s For SaleGamma Blue 11sGamma Blue 11sGamma Blue 11s