Tullizin
 

| | |

Timlilit Taneggarut

o_henry.jpgTullizt s teglizit ‚“After Twenty Years” n wemyaru amarikan William Sydney Porter (O. Henry), tasuqilt ar teqbaylit Amor REKIS.

Tikli n ubulis mi d-yettali deg wezniq deg-s lhiba, mačči d zzux maca d tin yellan s tidett deg-s acku drus imnezhen illan .Ur εad i d-tewweḍ d lεacra n yiḍ maca aḍu asemḍan d uneznaz sqeṛqṛen imdanen ar ixxamen-nsen .

Yetteddu yessenqad tiwwura ta deffir tayeḍ, yetturar s tehrawt, yettawi yettara deg-s .Tikwal as yebru syen a-ttyecelqef. Yettara axeẓẓuṛ ar deffir s leḥder sya ar da. Lqedd d lhiba dduklen, abulis yettak udem yesefraḥen n twuri ines.

Tiḥuna deg wezniq-a zik i ttaγlaqent anagar tidak yeznuzun dduxan d isutac, ttağğant tiftilin-nsent reqqent kra yekka yiḍ.
Mi d-yesazgen abrid n yiwen uzerbub, abulis yebda yesaẓẓay deg tikli-ines .Deg wemnaṛ n yiwet n tewwurt yunez yiwen wergaz di tallest, yegra asigar deg imi war ma isaγ-it .Mi d-yewweḍ ubulis ar γures yezwared wergaz yegred awal:
-“kulci igerrez a dda xali ! is d-yenna akken ad yethedden ul-is, la ttrağuγ deg yiwen umeddakel-iw .Nemsefham a nemlil da 20 iseggasen aya . Ur twehmeḍ. Zemreγ ak sfehmeγ akken ad teẓṛeḍ ur yelli wayra .Azal n 20 iseggasen aya , d asatac yellan da deg wemḍiq n tḥanutt-a ‘’ Ar Joe Brady Amqṛan’’ is qqaren.
-‘’ Semmus iseggasen aya ‘’ is yesseγta ubulis .’’ Imir-en i-huden asatac-nni ‘’.
Argaz i-bedden γef imi n tewwurt yesṭerḍeq tatercaqt yessaγ asigar, tafat tessekned udem-is, aγesmar annect, ccama tamellat deg timmi tazelmaṭ, d taṭucin ireqqen s tḥerci. Taxellalt n diamond yettwareqmen wisen amek teṭṭef takravat-ines .
-‘’20 iseggasen aya “” i d-yenna wergaz, ččiγ imensi da ar Joe Brady Amqran nek d weḥbib lebda Jimmy Wells, amdan ur trewwuḍ ara, acekkit. Nekred di sin yid-neγ di New-York, am watmaten .18 di lεamr-iw imir-en ma d Jimmy 20 id yessaweḍ. Azekka-yin gezmaγ-tt rray ad ṭṭfeγ abrid ar utaram, abrid n rrbeḥ d lxir . Ma d netta ula win i-zemren at yessufeγ si New-York . Ar γures ulac tamdint itt yifen deg umaḍal akk. Ihi, nemyefka lεahd a nemlil da deg 20 iseggasen ar zdat, di tsaεet-nni, ma yella ccγel at neğğ ma nebεad a ninnig. Nenwa imiren deg 20 iseggasen yul yiwen deg-neγ ad yili yenğer abrid-is di ddunit , ad yawi amur-is n rrbeḥ .
-Aya d lεali, is yenna ubulis maca 20 iseggasen bbanen-iyid aṭas ger snat timliliyin . tewwiḍ-ed lexbar n wemdakkel inek seg wass-nni neγ ala ?
-Ma tebγiḍ tidett, nemyura kra n wukud akkenni, is yerra, maca aseggas neγ sin kan, yiwen ur s iban later n wayeḍ .Ataram meqqer, zgiγ ttnaγaγ yides akken ad ḥelleγ amur-iw .Ma d Jimmy, tḥeqqaγ ad yeṭṭef deg wawal-is ma mazal it yedder , Jimmy d bu-wawal, aḥbib n tidett ik nniγ. Ur yezmir ad yettu, sneγ-t. Kkiγ-d s mbaεid akken ad beddeγ deg wemnar n tewwurt-a , deg iḍ-a , a-ttwennaε ma yusad ula d netta.
Argaz illan yettrağun yejbed tamrint yettucebḥen s tεaqayin n diamond timejtaḥ.
-3 dqayeq kan ad tewweḍ lεacra, i d-yenna, d lεacra ged-ged mi nemsefraq da γef wemnar n tewwurt n usatac.
-Tufiḍ iman-ik a winnat deg utaram akken la ttwaliγ neγ γelṭaγ ? i d-yesteqsa ubulis.
-Tidett ! sarameγ kan Jimmy ad yilli yexdem xarsum azgen ayen giγ nek. D aẓayan cwiṭ meskin γas d argaz lεali i yella .Ma d nek magern-iyi ala uḥricen , yewεar akken ad tneğred abrid-ik yid-sen. win ur neqbiḥ werğin yerbiḥ ! New-York tesgan imdanen, ilaq ataram akken ad yerfed iman-is wergaz.
Abulis yebren tahrawt-ines, iger asurif neγ sin.
-Nek ad kemleγ amecwar-iw, sarameγ ad yass wmeddakel-ik .A-tternuḍ a- tterğuḍ cwiṭ neγ a-ttrudḥeḍ?
-Awah ! is yenna wayeḍ, as rnuγ azgen n tsaεet ma drus ,  ma mazal yedder, Jimmy war ccek ad yass sya ar imir-en. Ğğiγ-ak talwit, a mass abulis!
-Iḍ ameggaz, a mass , is d yerra ubulis, ikemmel abrid-is, yessenqad akken tiwwura .
Asmiqew-nni tura yerna, tebda la tekkat. Kra iterrasen yeqqimen deg wezniq zerben di tikli, semnunḍen iman-nsen deg baltunen, ifasen deg leğyubat . γef tewwurt ibedd wergaz i yzegren geddac timura akken ad yemlil d wmeddakel n temẓi-s , ikemmu asigar, yegguni , wis ma'd-yas.
Zrin 20 n dqayeq izegred azniq s uγiwel yiwen wergaz d aεlayan yelsa abaltun aγezfan yessuli iran-is . iruḥ srid γer wergaz-nni yettrağun .
-D kečč aya ? Bob? i-d yesteqsa s ukukru .
-D kečč, d Jimmy Wells , id i ssuγ wergaz f imi tewwurt .
-A lferḥ-iw! id yenna win i d-yusan, yeddem ifasen n wayeḍ yegraten deg ifasen is, yeẓm-iten.D Bob ur yelli ccek. Tḥeqqeγ ak in nafaγ da ma mazal teddreḍ .Ihiiiiiiih! 20 iseggasen γezzifet aṭas . Ah limer zemreγ a nerraγ ar deffir, a nečč imensi niḍen lwaḥi da . amek tufiḍ ataram, a yacrik ?
-Yewεar, maca ddmeγ ayen akk bγiγ. Aṭas i-tbeddleḍ fell-i a Jimmy. Ur cfiγ ara fell-ak γezzifeḍ annect-a .
-Nerniγ cwiṭ mi d wwḍeγ εacrin.
-I kečč , tgerzeḍ di New-York ?
-Ddeqs-iw .d aqeddac ar temdint , iyyan a Bob a neddu ar yiwen wemkan sneγ , ad nawi ameslay af teqdimin .

Bdan sin yergazen ttalin azniq. argaz seg utaram, yettader s ttnefxa ayen yexdem di ddunit-is . ma d wayeḍ, iγum deg uzennar ines , yettmeḥsis deg-s .
Mi d-wwḍen ar tiγmert n yiwet tḥanut yeḍwan s teftilin , myexẓaren deg udem. Argaz-nni n utaram ibedd yewhem , yesserḥas i wfus-is .
-Kečč ,d awezγi a-ttilliḍ d Jimmy Wells, is d-yenna . γas 20 iseggasen i zrin zemren ad bedlen bnadem maca ur ttbeddilen tinzarin tileqqaqin ar tid iffuncen.
-Maca tikwal ttbeddilen imdanen, argaz lεali ad yeqqel d yir argaz , is d-yerra aγezfan-nni.
ḥsu aqli-k id tettwaṭfeḍ 10 dqayeq aya, a Bob Aleqqaq . Chicago ccukten deg-k a-ttereḍ ar da , uznen-aγ ak nemmager a nqeṣeṛ yid-ek cwiṭ. Tetteduḍ s laεqel tura yak, a yuḍrif ! Qbel a naweḍ ar wexxam n imsulta , ax ! eṭṭef tawriqt-a, tettwanefk-ak . γritt da deg tafat n tsertut-a.sγur umsaltu Wells.
Argaz seg utaram, yelli tawriqt-nni is yetwanefkan. Afus-is yella yeğhed mi yebda tt yeqqar maca tebda-t tergagit mi tt ikemmel . Izen i-yuran deg-s, wezzil acemma.
Bob: usiγ-d ar wemkan i-deg nemsefham a-nemlil deg wukud. Mi-d sterḍqeḍ tatercaqt a-tesaγeḍ asigar wallaγ udem n wemdan if i-tettqellib Chicago. Ur ẓriγ ara amek ur bγiγ ak ṭṭfeγ s iman-iw . Unfaγ-k , siwleγ-d i wergaz niḍen ak yeṭṭef deg wemḍiq-iw . Jimmy .




Tamawalt:
aneznaz: asmiqew
senqed: sefqed
tawuri: axeddim, lḥerfa
asatac: amkan i deg znuzun učči
yunez: imal
tallest: ṭṭlam
azerbub: tazniqt
semmus: xemsa
ataram: lγerb
amadal: ddunit
tamrint: tasaεet
tasertut: lvitrina

Asabter yellan deffir wa | Asabter n zdat


Ulac win i d-yennan kra γef umagrad-a. Ilik(kem) d-amdan amenzu ara d-yinin kra fell-as.

Zdi-t deg Facebook
Copyright 2006 imyura.net
Just how well will this year�s Air Jordan gamma blue 11s retro do give that it�s a colorway we�ve never seen before? We can�t exactly imagine an Air Jordan XI sitting on shelves for too terribly long, but we have a feeling they won�t fly off shelves as quick as previous years� �Concord� and �Bred� releases. The sneakers will land a bit earlier than we�re used to seeing them-December 21st is the due date. Stay with us after the break for extra images on the �Gamma Blue� Jordan 11 gamma blue 11s and watch for them soon at shops like Nohble.Gamma Blue 11s}Jordan 11 Gamma Blue}Jordan 11 Gamma BlueGamma Blue 11sJordan gamma blue 11jordan 11 gamma blueJordan 11 Gamma BlueJordan 11 Gamma BlueGamma Blue 11sJordan Gamma Blue 11Gamma Blue 11sJordan 11 Gamma BlueGamma 11sGamma Blue 11sGamma Blue 11sJordan Gamma Blue 11Gamma Blue 11sJordan Retro 11 gamma blueGamma Blue 11sJordan Gamma Blue 11Gamma 11sJordan Retro 11Jordan Retro 11 gamma blueJordan Gamma Blue 11Gamma Blue 11sJordan Retro 11Gamma 11sGamma Blue 11sJordan 11 Gamma Bluegamma blue 11sgamma blue 11gamma blue 11s for saleJordan 11 ChristmasJordan 11 ChristmasGamma Blue 11sJordan Retro 11Retro 11 2013Retro 11 Gamma BlueJordan Retro 11Jordan 11 2013Jordan Retro 11Gamma Blue 11s For SaleGamma Blue 11sjordan retro 11jordan 11 gamma bluejordan 11gamma blue 11sGamma Blue 11s For SaleGamma Blue 11sGamma Blue 11sGamma Blue 11s