Tullizin
 

| | |

Tasuqilt n yiwet si tullizin n "Stounding Stories"

 

Acu i yellan deg uderbuz* ?


Taki d tukkist seg yiwen n wammud n tullizin imu qaren :“Stounding stories“ ţefγent-ed di tesγunt isem-is Weird Tales. Yuraţ D. H.Keller u isemma-yas “The thing in the cellar“.

Tzemrem a ţţafem azal s teglizit af tullizt-a di usebtar-a
http://thenostalgialeague.com/olmag/cellar.html


tales.jpgAderbuz meqqer, annect ila-t i yeţwaṣka* (yebna) . Win i t-yebnan ur s-iga azal i wexxam acku aderbuz bennun-t medden d amecṭuḥ kan neγ ahat yeţwaṣka i wayen nniḍen. M’ ara tebγuḍ a ţ-kecmeḍ γur-es, yella usanen yeţţader si tniwelt. Nnig n waka d wakin n usanen, rsent tqucciḍin (lbuṭat n yesγaren). Af yidis ufella n uderbuz yella ugadir, garen deg-s wat-wexxam ayen ara ččen. Rnan daγen sersen deg-s ayen awk ur ţeḥwağen ara. Yal aseggas ţarran tiγawsiwin ta s ufella n ta almi yiweḍ isenna* almi d ulamek . Imezdaγ i yekkan seg wexxam-nni akken i garen awk, almi i iγum awk yidis n wadda n uderbuz, tebrek tezdeγ deg-s, ulac awk wi yeţţawḍen alma d γur-es.
Yekka akken lḥal azal n tmiḍa*.
D asawen usanen*, i wakken a d-kecmeḍ ar tniwelt, tella yiwet tewwurt annect n leqher. Teţwaxdem s wejdir n ukaruc*. Ula d tinna daγen tessewhamen, amek almi win yeṣkan axxam-nni iga tawwurt am tin?? Axxam m’ ara a ţwaliḍ-t si berra d atrar, maca m’ ara ţwaliḍ tawwurt am tinna di tniwelt* a s-tiniḍ amek almi i d-tiweḍ γer din!!
Hrawet acḥal, terna zuret dayen kan! Yiwen a
s-yini “d tawwurt n lberj taki!”.
Deg wexxam zedγen wergaz, tametṭut-is d mmi-tsen amecṭuḥ Tommy.
Seg wass mi yesεa kra n wayyuren di lεemr-is, amecṭuḥ-nni n Tommy Tucker werğin yufa talwit ma tesγimen imawlan-is di tniwelt, yezga yennecwal m’ ara yeqqim din.
Ma yili di texxamt nniḍen, γef udekkan neγ di berra, yeţţurar, yeddes am warrac merra maca akken kan a t-id-awin baba-s neγ yemma-s ar tniwelt ad yebdu uzẓafen akk d imetṭawen..isekkar herwel. Imi dinna i teţţen imensi akk d imekli, ţţawint-id yid-sen.
Ala ass m’ ara sεun inebgawen, ţγiman yid-sen di tmesrit.
Llan d iẓawaliyen, dγa ur ţxelliṣen ara taqeddact akken a ţbedd γef wexxam yal ass, teţţas-ed γur-sen tqeddact ala “week-end” kan i tarda n icetṭiḍen akk d tγawsiwin nniḍen.
Akken mazal werεad yebda amured, Tommy ar γur-es i yeţγima ma ţţ-ili teţseggim taniwelt, maca s-nnig wul kan…acku yeţţergigi si tug°di.
Ass mi yebda yeţmurud, tarewla teslek bab-is. Yal tikkelt m’ ara a teskecmen imawlan-is ar tniwelt, a sen-d-yerwel s umured. Mi tezzi kan yemma-s ar wanda nniḍen neţţa a s-d-yefk s trewla ar texxamt nniḍen neγ ar berra.
Ass m’ ara ḥetmen fell-as bessif ad yeqqim di tniwelt, Tommy isekkar-asen herwel, ad yebdu yeţsuγu. ţferiğen deg-sen yeεciren (lğiran) ma yebdu uzẓafen. Tiεcirin qqarent-as i yemma-s belli yella dacu i t-yuγen, ur yelli ara bxir. Tikwal akka gellunt-ed yid-sent s kra n isufar ţmuddunt-as i Tommy maca werğin tekkes-as tugdi-nni.
Almi meqqer cwiyya u yebda issefray (yeţmeslay) akken i sen-d-izegzi (isegzi) i imawlan-is ayγer yeţţuzẓaf u yeţru ma a t-awin ar tniwelt .
Yeḥka-yasen dakken d ticki m’ ara tawin ar tniwelt i yeţţaggad. Af wannect-nni i yeţţuzẓaf yeţru tal tikkelt. Xas akkenni, imawlan-is gguman ad gzin ayγer yeţru m’ ara yili di tniwelt. Werğin gzin mmi-tsen u ayγer i d-ireggel si tniwelt tal tikkelt! Ḥaren dacut watṭan-a i irekben mmi-tsen
Yenna-yasen daγen belli m’ aṛ a ţţili tewwurt-nni tameqqrant temdel s tsaruţ, tugdi t-ţekkes-as cwiyya maca akken kan ţ-ldin, ad yebdu uzẓafen-is am win yeţwazedγen, xas llan awk yid-es wat-wexxam maca, tugdi ur t-ţekkes alma temdel tewwurt-nni tamcumt s tsaruţ.
Tommy yewweḍ tura 3 iseggasen di lεemr-is maca mazal tugdi-nni tzedγ-it. Imawlan gran tamawt dakken mmi-tsen yesnulfa-d kra akken n laεwayed sewhament d axessar.
Ticki ma d-yili di tniwelt, Tommy ayen yufa a
t-yerr ddaw tewwurt-nni tameqqrant; ama d lekwaγeḍ, ama d tiṣeḍwa, icwawen... akken ad isud tawwurt-nni. Amzun yuggad azrem ad d-yekcem ddaw-as!!
Yemma-s mi twala akken, teţak-as tiyitiwin acku d neţţat i yeţḍummun yal ass, m' aṛ a ţţaf akken lekwaγeḍ, tiṣeḍwa... yeţţal-iţ-id umeskun.
Tewwet tewwet akken a s-tekkes lεada-ya i mmi-s maca yeggum ad yerr aḍar. Baba-s daγen, mi d-yiweḍ seg uxeddim tameddit ad yerr ar γur-s s uḥiwet neγ s wuzẓafen. Ula d neţţa yeεreḍ amek a s-yekkes tiki i mmi-s maca werğin yessiweḍ.
Teqqim akken teswiεt almi dayen uysen, dγa uγalen ğğant akken. Imawlan ur neγri ur neẓri, ar γur-sen kullec d afessas. Uγalen ur ţḥaren ara di Tommy m' ara tafen iččuxu lakra ddaw tewwurt-nni n tniwelt. Werğin yenna-yasen ayγer i ixeddem akken, ḥiwtent ḥiwtent maca ur sen-yenna ula d yiwet n tikkelt acu i t-yeğğan yeţţaggad aderbuz-nni.
Yeqqim akken wukud, almi yessaweḍ Tommy 6 iseggasen di lεemr-is. Yekcem ar uγerbaz yiwi-d iman-is, yeḥrec dayen kan, yebda yeţnerni yeţţuγal d amehraz.Tigzi-is tugar tid n tezyiwin-is. Baba-s d yemma-s ferḥen iyes aṭas, yerra-yasen-d asirem meqqer...maca nnig n waya awk, Tommy mazal-it akken yeţaggad aderbuz-nni. Akken kan a t-yefk wemnar n tewwurt n tniwelt ad yebdu tirgigin d imetṭi.
Ḥaren imwalan-is almi γilen d amxel i yemxel. Qaren-as ahat yella lekra i t-yewten ar wallaγ.
Yiwen n wass, yekker Mass Tucker yiwi-t ar umejjay i yellan deg wedrum. Qaren-as Dr Hawthorn. D tikkelt tamezwarut i rzan ar γur-es, dγa yufa-t lḥal isetḥa mass Tucker dayen kan. Mi yiweḍ ar umejjay, isegza-yas dacu yellan, amek yeggar mmi-s. Yenna-yas
-Mmit-neγ yekcem ar uγerbaz, yiwi-d iman-is ifaz, maca yeggar kra n ddeqat amzun d luf'an n useggas! Seg wass mi yella d luf'an, yeţţaggad ADERBUZ. Af wannect-a ik-id-neqṣed a ţḍebreḍ fell-aγ.
Amejjay neţţa mačči d asniman*, yetṭef aqcic yebda a t-isteqsay, iwala ma yella lakra n watṭan i t-yuγen yufa ulac.
-Mmi-twen ulac dacu i t-yuγen, yeţban-iyi-d d win iṣehḥan.
-Iṣehḥa maca mi yewweḍ ar tewwurt-nni n uderbuz yeţţuγal d wayeḍ, i s-yenna Mass Tucker.
-Yella wass mi t-yetṭef lahlak send aya?
- Ulac! Ala kra n tikwal ţţatṭafent-ţ-id tegrinin* ad yebdu yeţţuzẓaf almi teqqers tyersi-s.
-tigrinin si tugdi ? I t-yesteqsa umejjay.
-Ur ẓriγ kra, maca yeţţuzẓaf kan m' ara yili di tniwelt i s-yerra mass Tucker.
Amejjay ixemmem cwiyya dγa yenna-yasen i imawlan n Tommy ad fγen a t-id-eğğen weḥdes.
Mi d-ggran neţţa akk d Tommy, yebda yesteqsay-it:
-Tommy, dacu ik-yessaggaden di uderbuz?
-Ur ẓriγ ara, i s yerra Tommy
-Yella lakra twalaḍ din?
-Ulac, i s-yerra Tommy.
-Amek dγa teẓriḍ belli yella lakra deg uderbuz-nni?
-Kan akka! Ẓriγ u ţḥulfuγ-as, i s-yenna Tommy.
Dγa dayen kan i s yenna, ur s yerni wara. Yeggugem almi qrib yezεef umejjay-nni fell-as.
Mi d-uγalen imawlan ar umejjay, yenna-yasen:
-Af wayen ţxemmimeγ, ad iniγ belli yella kra i izedγen aderbuz-nni, dayenni i yeţţagad Tommy.
-Dayen ur yeţţamen laεqel ! Acu i yellan deg uderbuz-a ur t-neẓri ara? D aderbuz akken sεan awk medden, neggar deg-s iqeccuḍen, učči u neţara deg-s ayen ur nseqdac ara. Dacu tebγiḍ ad yili deg-s a Dr Hawthorn?
-Nek cukkeγ yella lakra i iwala din, af wannect i yeţagad, i sen-yenna Dr Hawthorn.
-D neţţa kan i yerran iman-is akka. Nukni werğin negzi dacu yeţţaggad seg uderbuz, i s-yenna Mass Tucker.
-Tommy yeţḥulfu amzun aderbuz-nni yeţwazdeγ, ar γur-es neţţa yella win i izedγen deg-s, dγa imi la d-qarem belli ulac ayen yellan deg-s, a wen-iniγ dacu ara txedmem: ilaq a ţεerḍem amek a s teksem tikti-a seg wallaγ-is. Ilaq a ţ-skeccmem-t ar tniwelt-nni u a ţ-eğğemt weḥdes. Tawwurt-nni n uderbuz ewwet-as imeṣmaren akken a ţ-qqim teldi ur tmeddel ara. Ad yeqqim din alma dayen iwala belli ulac dacu yellan ad yuγal a s teffeγ tikti seg wallaγ.Mi yeẓra belli aderbuz d ilem ad yuγal a s-tekkes tugdi-nni.
Yerna yura-yasen kra n isuraf a sen-tid-aγen.
Tommy yuγ lḥal yesla-yas i umejjay mi sen-yeqqar i imawlan-is dacu ara xedmen, dγa akken kan i d-fγen sγur-es yeεreḍ a sen-yerwel...maca tṭfent-id deg webrid.
Mi yiwḍen ar wexxam d tameddit, yebda iγelli-d yiḍ. Kecmen ar tniwelt akken ma llan u din, yenṭeq mass Tucker ar mmi-s u yenna-yas:
-Deg iḍ-a mi nečča imensi , a k-in-eğğeγ weḥdeγ di tniwelt, a s-ewteγ imeṣmaren i tewwurt n uderbuz akken a ţ-qqim teldi acku akka iγ-d-yenna umejjay a nexdem. A neğğ taftilt tama n wemnar n tewwurt akken a ţferẓeḍ..syin akin a ţwaliḍ s wallen-ik belli ulac awk dacu yellan deg uderbuz.
-Tura meqqreḍ a mmi, ur seḥcam-iyi ara ger medden.
Xas akken di leṣlaḥ-is maca, yemma-s n Tommy ur ţ-ihenna wufad-is, teqqar-as i wergaz-is:
-Mazal-it d amecṭuh, a t-neğğ akka kra n iseggasen ahat a ţuγal a s-tekkes yir lεada-ya!
Mass Tucker neţţa yegmen, ur yeţuγal ar deffir. Ilaq iḍ-a ad yuγal d amagnu am warrac nniḍen.
Ihi yekker Tucker, yewwet-as imeṣmaren i tewwurt n uderbuz. Ffγen neţţa akk d tmetṭut-is medlen tawwurt s deffir-sen. Eğğan Tommy weḥdes di tniwelt.
Deg iḍ-nni, Dr Hawthorn yemlal akk d yiwen umeddukal-is imu qaren Johnson di tγilust. Qimen ţqesṣiren, iwin-d awal af tujjya. Awal yeţawi-d wayeḍ almi i s-d-imeslay Dr Hawthorn af weqcic-nni i s-d-iwin azal n wass u daγen af wayen fuγen i ten-iwesṣa ad xedmen imawlan-is.
Johnson imi yesla awk ayen i s-d-yenna Hawthorn, yetṭef aqerru-yis u yenna-yas:
-Arrac imecṭaḥ m' ara ţhulfun, ahat am kra iγersiwen, ţḥulfun i tγawsiwin ur nezmir-ara nekkni s imeqqranen a tent-nwali neγ a sent-nsel. Nek umneγ belli llant kra n talγiwin n tudert ur nezmer a tent-nwali neγ a sent-nsel. Nekkni s imussnawen ur neţţamen yis-sent acku ur nezmir ara a tenţ-id-nbeggen ma llant neγ ulac-itenţ.
-Acu i tenniḍ deg usemter* i sen-muddeγ i imawlan-is? I t-yesteqsa Hawthorn.
-Ak-iniγ kan tideţ; asemter am wa yaţawi ar wasif. Yernu deg wemkan-ik, ad ruḥeγ tura ar wexxam-nsen a sen-iniγ ur ţţağğan-ara aqcic weḥdes di tniwelt, mulac yezmer ad yemxel, i s-d-yerra Dr Johnson.
Dγa Dr Hawthorn yewwet deg uqerru-yis u yenna deg iman-is: a tin xedmeγ!
Yeffeγ-ed s tγawla si tγilust yedda s tγawla ar wexxam n Tucker, yiweḍ γer din yesṭebṭeb di tewwurt, yeldi-yas-n Mass Tucker.
-Ussiγ-d ad ẓreγ Tommy, i s-yenna umejjay.
-Atan neğğat di tniwelt.
-Yefka-d kan tuγwast maca si timir ur s-nesli ara awk, i s-tenna tmetṭut n Tucker(taγect-is am tin yebγan a ţ-ţru).
-Lemmer i ţ-eğğiγ, neţţat tebγa a ţruḥ a s-teldi tawwurt-inna, i yenna mass Tucker
-Tura ad iniγ tekkes-as tugdi-nni dayemmi akka i isusem.
Kecmen akken llan ar tniwelt, ufan taftilt texsi. Yuγal mass Tucker a d-iḥewes ajgagal i wakken ad ferẓen, akken mi d-yuγal yesla-yas i umejjay yessawal: Tommy! Tommy!
Dγa qimen akka cwiyya almi i sen-d-tban tfekka n Tommy tezẓel af tmurt...yuzzel umejjay ar γur-es, yezzi-d ar imawlan i s d-ibedden s deffir u yenna-yasen:
-Tommy waqil yella wacu i t-yuγen, yendef...ugadeγ kan..ugadeγ d lmuţţ i yemmut a tawaγit!Yemmut Tommy !
Tayemmaţ meskint txerxer s ibeddi, tsebedd-ed iman-is teddem-ed tafekka n mmi-s tbejneq d imetṭawen.
Acu i t-yenγan a yamejjay? i yuzẓaf mass Tucker, Acu i t-yenγan?
Xas akken amejjay fγen-as idammen seg udem-is, ibedd-ed yerra-yas-d
-amek tebγiḍ ad ẓreγ dacu i t-yenγan? Yak tenniḍ-iyi-d belli ulac dacu i yellan deg uderbuz-a? Iqeḥ? Yek tenniḍ-iyi belli aderbuz d ilem?

Tfuk tmacahuţ n Tommy. Aqcic amecṭuḥ meskin yemmut ulac win yeẓran dacu i t-yenγan.

Amawal
Aderbuz= cave
Isufar = médicaments
Eṣk = construire
Asanen = escalier
amejjay = medecin
Taniwelt = cuisine
Senni (settef)=entasser
timiḍa = siècle.
Akaruc = chêne
Zzegzi/Ssegzi = exliquer
tigzi = intélligence
asniman = psychologue
tigrinin= crise
tujjya = médecine
asemter = conseil

    Isuqel-iţ-id ar teqbaylit Amnay

Asabter yellan deffir wa | Asabter n zdat


Ulac win i d-yennan kra γef umagrad-a. Ilik(kem) d-amdan amenzu ara d-yinin kra fell-as.

Zdi-t deg Facebook
Copyright 2006 imyura.net
Just how well will this year�s Air Jordan gamma blue 11s retro do give that it�s a colorway we�ve never seen before? We can�t exactly imagine an Air Jordan XI sitting on shelves for too terribly long, but we have a feeling they won�t fly off shelves as quick as previous years� �Concord� and �Bred� releases. The sneakers will land a bit earlier than we�re used to seeing them-December 21st is the due date. Stay with us after the break for extra images on the �Gamma Blue� Jordan 11 gamma blue 11s and watch for them soon at shops like Nohble.Gamma Blue 11s}Jordan 11 Gamma Blue}Jordan 11 Gamma BlueGamma Blue 11sJordan gamma blue 11jordan 11 gamma blueJordan 11 Gamma BlueJordan 11 Gamma BlueGamma Blue 11sJordan Gamma Blue 11Gamma Blue 11sJordan 11 Gamma BlueGamma 11sGamma Blue 11sGamma Blue 11sJordan Gamma Blue 11Gamma Blue 11sJordan Retro 11 gamma blueGamma Blue 11sJordan Gamma Blue 11Gamma 11sJordan Retro 11Jordan Retro 11 gamma blueJordan Gamma Blue 11Gamma Blue 11sJordan Retro 11Gamma 11sGamma Blue 11sJordan 11 Gamma Bluegamma blue 11sgamma blue 11gamma blue 11s for saleJordan 11 ChristmasJordan 11 ChristmasGamma Blue 11sJordan Retro 11Retro 11 2013Retro 11 Gamma BlueJordan Retro 11Jordan 11 2013Jordan Retro 11Gamma Blue 11s For SaleGamma Blue 11sjordan retro 11jordan 11 gamma bluejordan 11gamma blue 11sGamma Blue 11s For SaleGamma Blue 11sGamma Blue 11sGamma Blue 11s