TAMSERTIT

Tamsertit Nsuddem-iţ-id(dérivé) seg wemyag Sserti(assimiler)
Imi i d-niwi awal af waddad amaruz, xseγ ass-a a t-id-sḍefreγ s temsirt af temsertit. Imi sin-aki ţemseḍfaren acku ma nger addad amruz i yisem, teţban-ed temsertit ger tzelγa d yisem.

Tamsertit teţţili (deg ususru kan) s waṭ̣̣as :

-m ad ilin tenzeγt (prèp.)akk d yisem mseḍfaren wa s deffir wa
- m ad ilin wemqim amassaγ akk d wemyag mseḍfaren.


"Timeslayin" uggtent di tmurt n leqbayel. Taqbaylit teţbeddil ( maca deg ususru kan) si temnaḍt ar tayeḍ. Af umedya *:
Di Bgayet qaren Tabburt wwesγar
Deg Weqbu qaren tabburt g-gesγar
At-Mengellat qaren tabburt b-besγar
Maca di tira d yiwet tawwurt n wesγar
Aya dayen aγ-yawin ar wegni ufaris ilmend teslugent n tira di yawk tutlayin timaziγin nniḍen.

Tabaduţ
Mi ara mseḍfaren sin yimesla, fkan-d imesli nnid'en d ussid, neqqar-as « tamsertit ».

Imedyaten
Ad t awi amur-is. (nezmer a t-naru daγen: a ţ-tawi amur-is)
D t islit.
Ayen tuklaleḍ tebbiḍ –t.
Win tḥemleḍ tuγeḍ-t.
Asegzi
ad tawi: deg ususru, neqqar :a ttawi, « d+t = tt » ; tt d tamsertit.
Ad tislit , asusru-yis akka : ţţislit (« d+t= ţţ » )
Tewwiḍ-t(tiwiḍ-t) ma t-id-nγer akka : tewwiṭ̣̣(tiwiṭ̣̣) « ḍ+ t =ṭ̣̣ »
G.m. : Tamsertit tettili deg ususru mačči deg tira .

Llan aṭ̣̣as n imedyaten nniḍen anda teţţili temsertit di teqbaylit.
Af umedya nezmer ad nadder w+f=ff. Inuda γef waman (taγuri akka: inuda γef-f’aman).
n+y=g-g : Tiwwura n yexxamen. Yeţwanṭ̣̣eq: tiwwura ggexxamen

Di tfelwit i d-iteddun s ddaw, griγ-d agzul γef yawk timsertay i yellan di tutlayt taqbaylit.

g.t. Imedyaten n temsertit llan di teqbaylit ugar awk di tutlayin timaziγin.

Ayen d-yerna K.N-Zerrad af Temsertit:

1.Timsertay i d-yeţţalγen ma ad-yili yisem akk d tzelγa n tilawt mseḍfaren.
- n temγart, n wemγar, γef ufus, deg unebdu...

2.Timsertay i d-yeţţalγen ma ad-yili tenzeγt akk d tzelγa n tilawt mseḍfarent.
- i+i : i iruḥen
- i+y : i yelsan
- ay+y : ay yelsan

3.Timsertay nniḍen
- Imesli "s" zdad neγ tama n tirgalin tahuyin d akk z neγ tirgalin am j akk c, atan amek ususru:
(1) s(+d) z : yenna-yas-d > [yenna-yaz-d]
(1) s(+z) z : ssenz-->zzenz
(2) s+c c : ssucef--> ccucef.


(m'ara < mi ara , m'ad < ma ad)


Amawal :
Tamsertit(timsertay) = assimilation
Amyag = verbe
Isem = nom
Tanzeγt = préposition
Tabaduţ = définition
Tafelwit = tableau
Amedya = exemple
Asusru = prononciation
Asegzi = explication
Imesli (imesla) = son
Taslugent = normalisation/standardisation
Amqim amassaγ = pronom relatif
tazelγa n tilawt = particule prédicative
Ahuyen, Tahuyin = sonores

Azul ay Amnay...
M'ara, macci d-tamsertit n imir+ad ?

Azul a winna!
Macc'i d tamsertit. Grigh-d kan tamawt af tira-ya i nseqdac tikwal.
Mi ara> m'ara
Mi ad > m'ad
(Eviter les contraction des mots)

mazal tettarum t i wumi trennum ticcert s wadda? Ghilegh belli ulac alugen-agi!

bγiγ ad zraγ ma dayen ğğan tira n ţţ i wakken ed tarun s "" tt"".acku llan widak i t-ittarun s ţţ.
tanemmirt

gregh-d tamawt ghef talgha (n+y) tettak-d(gg),(kk),am akken daghen tamsertit tettili-d stalghiwin mgaradent deg teqbaylit(seg temnadt gher tayed)am akken llan wid yssusruyen pp.

Azul fell-awen
I slimane akk d Bdada:
Ulac win awk i d-yennan belli teţwakkes tergalt "ţ". Ama d amejerr'um negh d amesilsi!
D tideţ ulac at'as i ţ-iseqdacen maca m' ara ad d-nawed' ar kra n talghiwin n tsefsit nţeh'wağ-itent at'as!

Azul aytma bghigh ad sesnegh af lisem lemi asnernu askil n+y atnari iden ba3tes negh as nernu - jarrasen : n-yxxamen .. negh n yxxanen ?
tanmirt

Azul a yubba!

Akken i snegh, ma yella ternid'-as tanzeght "n" zdat n yisem, ur isulef ara a tt-gred' tajerrid't n tuqqna, dgha ak-d-yeffegh waya:
-- n yexxamen
-- Gher yexxamen

azzul fel-awen, bγiγ awen-d-meslayeγ γef tira n (t) acku mi ara ad tnaru deg uḍris anaf dakken nezmer ad tt-id-nenṭeq s snat n talγiwin am T deg tefransist (table) neγ Th deg tegnizit ( three) arnu γer waya taggara-yi imusnawen msefhamen ekken ad arun {(t,t,) TTasem.TTamen (deg urmir ussid)}war ticreḍ-nni ddaw-as ad arun kan (t) . aya yerza daγen (Ṣ=>S)
sureft-iyi ma llant tucḍiwin tanmirt