 | | |  |
 |  |  | |
|
|
|
NIKK TAMURT-A...!Bḍiγ γef snat, yiwet tebγa, tayeḍ tugad…afus-is yers-ed γef tayett-iw, tafekka-w tergagi amzun tkecm-itt trisiti…wexxerγ-as afus-is, kemmleγ lheddṛa, ur zṛiγ dγa γef wacu ! steεmleγ am akken ur yelli kra, udm-iw netta izenz-iyi-d, yuli-yi-d unaγur, uγaleγ d tazeggaγt… Acḥalaya tura nettmezṛay, ulawen msebγan, ifassen cudden…tikkwal beqquγ a t-ssudneγ, a t-mecḥeγ, a t-γeẓẓeγ…maεna εeddik ! buberrak yezga ! Ḥulfaγ-as i ufus-is yers-ed diγen γef ufus-iw…tikkelt-a isenquql-iyi…yiwet n teswiεt kan, ttuγ imawlan, ttuγ atmaten, ttuγ medden, ttuγ ṛebbi…i zṛiγ d iman-iw kan…ssudneγ-t yessudn-iyi…lldint tewwura n lğennet…ticenfirin-is ḥmant, ḥemmleγ rriḥa-s, d aleqqaq, ḥnin, yid-es ufiγ iman-iw ! …iffan-iw ččuren-d bedden ttniẓẓifen, ssawalen i yifassen…amzun yeγra-d deg wenyir-iw, dindin yefka-d ifassen-is anda i ilaq…awah aqcic-agi… ! …atta ddunit,…d tagi i d ddunit, ttferfireγ… kra i d yefka ṛebbi ar lqaεa ḥemmleγ-t, ttfeggiḍeγ d leḥmala…ahh lemmer cwiṭ ‘g leḥmala-ya ad iḥaz iquranen n wul…! Tenna-yas tinna n zik meskint: A yaqcic n lḥara-nneγ Aṭas deg-k wehmeγ Acu n tmuγli-nni Lemmer d lḥağa isehlen Yecban asuden Ma kkseγ-ak tezzemḍ-iyi Maday d arfad iḍarren Lumuṛa uεṛen Ad isel baba yenγ-iyi seg wasmi i d-teγli tmeṭṭut ar ṛebbi n tmurt-a d nettat tuγi-tt metkemda, tečča tiẓit teqqim akken…irgazen ad inigen acḥal d aseggas, nutenti ad qqiment akken rγant, zelfent, yerna ad rnunt ttεebga am teγyal…ttif taqjunt tameṭṭut, taqjunt meqqar ur tettεebbi ara…yerna tikkwal tetteqd-itt ! …ḥulfaγ i kra yettferqiqis ger iḍaren-iw, yebzeg, yesleblub…ad refdeγ iḍarren, ma d baba nekk sγur-i i nεeddin baba-s…akken i s-tenna akken Arletty: “ul-iw fkiγ-t i tmurt-a, ma d aqerqur-iw fkiγ-t akk i tmura”…mon Coeur est patriote, mon cul est international… Yal yiwen yani tilkin-is, yal yiwen ilethi d uqarqur-is…ad refdeγ iḍarren, ccah bγiγ aqcic-agi, yid-es ad awḍeγ sebεa igenwan… …baba nekk sγur-i inεeddin n baba-s, ma d yemma…yemma meskint d taγaṭ txuṣ-itt tuqna…i gma…! …gma, akken i s yenna akken winna: “rnan-iyi akk medden nekk rniγ lğuher-nneγ !”… Irgazen-agi !... d taḍsa…! Tilufa n beṛṛa keεletetten, uγalen d tiqniḥin zdat n wigi ufella…ttaran ttaṛ deg tlawin…win i ttwaḥeqren yeḥqqer !...akka i d amdan! Nekk dayen uγaleγ-d akk seg tigi, ass-a dayen yiwen ur d yettcax deg-i, yal yiwen icax γef iman-is… …iffan-iw cerhen ulwan…ger iḍaren-iw tekker tmes,…tesserγ-iyi…!... imussa-yi-d ar umessaḍ…! Assa i d ass-is, ldiγ am tlawin-nni…tidak-nni n Tassili,…eyyaγ, ger-d…aha…! …yesggeḥguḥ…dacu-t wakka…yesggeḥguḥ, iwexxeṛ ar deffir…yugi…yerwel…! D baba i yesgeḥguḥen sliγ-as ar tkuzint, yemma tqeddec, ad tesseww lqahwa…a yemma atta twaγit…! …nikk tamurt-a, imdanen-is, lmal-is, leḥcic-is…buddeγ-as nnger ad truḥ wakali… ! Ğamal at Udiε Asabter yellan deffir wa | Asabter n zdat
Sεid
- Tinin-is...Igerrez ccγel a Ğamal, tanemmirt!
- Tinin-is...wagi d asmel n lεaṛ, d lεib fell-awen a yaraw leqhab.
c'est le site de la hante
- Tinin-is...Tanemmirt ay Izem! Umadra yemma-k-agi k-id-yesεan.
D acu ara k-id-yeskecmen d axxam ameqqran, imi d mmi-s n twacult timgerrezt i telliḍ?
- Tinin-is...@Ğamal d acut unamek n wawal agi (yesggeḥguḥ)?
ma d kečč ay @izem, s taxnak, amer d mmi-s n twacult i telliḍ, ur d tettsubbuḍ ara syad-ik ay afuḥan.Maca tallaγt-ik d aberriḍ i yellan deg-s, wanag mur k yehwi ara weḍris rzu γer wesmel nniḍen anda ara tafeḍ ayen i k yehwan.
- Tinin-is...Azul fella-wen ay imeddukkal,
Acuγer i d-treggmeḍ ay Izem? Anta taγawsa ur nelhi ara deg weḍris-agi? Ini-d kan d acu n iwaliwen k-id-iqerḥen? Nekkini s yiman-iw d Amaziγ n Umurakkuc (Lmeṛṛuk) ḥemleγ ayen ittwannan deg umegraḍ-agi!
Kečini aql-ak teccḍeḍ, uγal γer webrid neγ ur d-keccem ara asmel-agi min tireggim (mbla rregmat). Asmel-agi d win imyura d imeγra ilelliyen!
Tudert i tlelli, tilelli i tudert i wakken ad yaf umdan Amaziγ iman-is.
- Tinin-is...tamurt anda llan wid mi ara d-addren tameṭṭut a d-inin ḥacakum, tban tmurt-nni a d-yeγli fell-as unezgum, a d-yeγli yiḍ deg uzal qayli, ma ulac tajeğğigt n tefsut, ad taqu tamemt deg ssuq, ma ulac tameṭṭut a d-yeγli lxiq d leḥzen deg iberdan, acku d nettat i d tameddurt, i d tumert, i d tafat swayes ttwalint walen n wergaz, γef wacu ihi ara yeccnu ucennay, γef wacu ihi ara yessefru umedyaz, ma ulac tayri ger wergaz d tmeṭṭut.
ay izem ur nemεin
anef i lehdur-a n txessarin
γas ffeγ, ruḥ ar wesmel anda ur d-ttaddren ara tilawin
- Tinin-is...Ad as-d-yefk baba-inu ba mmi-s n Wemsed a d-yejbu fell-as a dda Muḥ!
- Tinin-is...Akka i d tasekla ay izem.Tewwi-d γef umaru ad yaru γef yal asentel yettidir umdan neγ yeffγen maḍi i tudert-is. Almi d tura i nezmer ad s-nini γur-neγ tasekla. D acu i txedmeḍ da a Ğamal?
Turiḍ γef lkaγeḍ amellal ayen yettxemmim s tuffra win akken i yefkan i yiman-is Izem. Kemmel deg ubrid-a n tira tanfeḍ i wallaγ-ik ad icali acku ma tgiḍ-as tilisa ayen ara d-yeffγen seg-k ad d-yas d aleğman. Ẓriγ teγriḍ tullist "Zizi Belεd", yella wanda tcuba aḍris-ik.
- Tinin-is...ad-yenεel Rebbi yemmat-nwen, kunwi tzemrem ilεar. Tennuγem d lεaṛ teγeḍlemt. Aqaṛqur-nwen deg-ubelaε teṭṭamaεem dellaε ! Tebγam timanit, ad-tawwim Bubu, dwin i ken-iwulmen.
tansa n wesmel : www.imyura.sex
interdit au moin de 18 ans. 100% X.
- Tinin-is...Dacu i k-iγaḍen a Izem? D kra n wawalen-agi n tuzzuft i d-yellan deg wedris-agi? Lemmer teṭṭfeḍ iman-ik γas ur k-yehwi ara wayagi, a t-id-tiniḍ s tin n zeddigen. Maca kečč tewwiḍ-tt-id s tin n taεṛabt, din kan iluγ wallaγ-ik, tenniḍ-as "ah lemmer lliγ d izem a ten-ferseγ", dγa ahat γef wayen i tsemmaḍ i yiman-ik Izem. Ahat lemmer tzemreḍ ad tsekkreḍ lbumba i wesmel-agi, ur tettḥezzibeḍ akk, ur tettxemmimeḍ ara akk, ma ad ddun llufanat neγ tilawin, neγ win ur nednib. Ttbut dγa dagi: ahat wigi i d-yuran akka dagi yella wayen i k-xedmen, i tyemmatin-nsen dacu i k-xedment ay amdan?
Tasekla tafessast deg tella tuzzuft tella seg zik deg tmetti taqbaylit. D Si Muḥend i nettawi d azamul n tmedyazt taqbaylit, yewwi-d isefra n tuzzuft; war ma nbedr-ed akk wiyaḍ. D tagi i d tasekla tella tin cix Muḥend tella n si Muḥend, tella tin n tullas deg ayger-asent, tella tin n yemγaren...wagi γef zik. Wannag tura, tasekla teffeγ-d seg leqwaleb n zik, tedda akken yedda wemdan atrar, allaγ ur yesbik ara, tasekla diγen akken. Amdan ur tezmireḍ ara ad tegzuḍ akk ayen i t-yessemḥiḥiden ma tγunzaḍ tamuγli ar tuzzuft.
- Tinin-is...Nufa-d izem zikk d-tawwin-t d amedya yemdanen deg-wayen yelhan,rrnu zikk win ar ad-ibedren izem ad-yinni "bḥal win isellen", ma yella d keč a yizem isullef fell-aγ ad-ninni "Ḥacakum" melmi ik-idnebder.
Ihi, win yeddan yid-γna yedda, mulac aqlaγ nεedda.
Timanit ma ur d-telli ara assa, ad-tilli azeka.
Islam Bessaci
- Tinin-is...Fek-aγ-d tazwara isem-ik, ma s tidet tesεa yemma-k amdan, imiren ad yernu yiwen yid-k ameslay, ma ulac war ma nniγ-ak neγ tenniḍ-iyi, εqel tasa-k n tyaẓiṭ!
Ili-kem s tidet d izem a tixsi !
Sεid At Mεemmer
Tamawt: Ma yella d kečč a winnat, i la yetturaren yid-neγ tuqqna-tuffra, ihi εqel iman-ik a Ḥdidwan!
- Tinin-is...Attan lmanda d-yerzan fell-i ass-a:
Macahu, tella mcahu, tamɛayt (tamacahut)-iw ad telhu, ad timɣur annect usaru…
Ɣef tmacahut n weɣyul, lɣiḍa (lɣiṭa) akk d yizem
Di yir ddunit-agi n wid yettumerrten akka am nekkni. Yedder yiwen weɣyul, yettwaḥqer sɣur yakk imudduren. Rekkben-t, ttɛebbin-as, kerrzen fell-as; tikkwal rennun tgen-as lɛib warrac!.. Di ccaw, yumen s lmektub, yenna: ahat d Rebbi n yeɣyal i yi-tt-iraden akka! Yiwwas n wussan yerrivulṭi!.. Yuɣal yettxemmim amek ara yexdem.. Ahh! Ufiɣ-tt-id!! I yenna weɣyul. Yerna ixemmem cwiṭ, yenna: Aḥeqq jeddi Amsed (ula d netta jeddi-s isem-is Amsed!!) ar d ɛnuɣ ameqqran imeqqranen ass-a; ar d as-geɣ lɛib! Yerna deg wawal-is: Ma giɣ-as lɛib i umeqqran imeqqranen, amzun akken giɣ-as lɛib i yakk i lumma.
Aɣyul amcum, a ziɣ yeɣra deg Libuẓar, mačči deg Libuzerriɛa am Yir nettat! Yufa iman-is ur yesɛi ara acciwen s wacu ara yewwet, yegra-yas-d kan uyennat-is ad yewwet s yes-s!.. Yekker iruḥ ɣer yizem..
Akken yewweḍ zdat yizem, yebda yettezninniḥ weɣyul, iceṭṭeḥ, icennu: D tameɣra n dda Lḥusin, ad yezhu weɣyul uzyin! D tameɣra n dda Ssaɛid, ad yezhu weɣyul aṣendid!
Iluɛa-t-id Yizem s ucennef:
- D acu i yuɣen Rebbi-k imi tettezninniḥeḍ akka?!
- Aql-i ferḥeɣ! sɛiɣ tameɣra. i s-yerra weɣyul.
- I nekk d acu tebɣiḍ ɣur-i, imi d-tusiḍ akka?!
- Tameɣra bla yes-k mačči d tameɣra! Yerna kulleci yugar: seksu, aksum, ccrab.. ula d Yir nettat, tusa-d si Lpari akken ad tecḍeḥ ilmend-inek.. I s-yenna weɣyul.
Izem yezher (am wezhar-nni n Yir nettat “mmmm” mi ara s-d-yeɣmez Unuɣmun akken a t-tlaḥeq ɣer wusu), yenna: A k-ibarek Rebbi, ay aɣyul. Zwir aql-i ad dduɣ.
Ddu ma ad tedduḍ… alammi wwḍen ɣer yiri n wasif (yessekk-it-id ssyinna bettɛemmed), yenṭeq weɣyul: Yella yiwen wegnu (wugur) a sidi izem! “ D acu-t wegnu-yagi, ɛni tettagadeḍ aman?! I t-yesteqsa yizem.
- Ugur d lɣiḍa-yagi, ugadeɣ ad tebzeg! Ma tebzeg ad tebṭel tmeɣra a sidi!
- Anda-tt lɣiḍa-yagi?!
Aɣyul yessenɛet-as-d ayennat-is (teḥḥrem ar annect n kubra!!), yemla-yas-t: Attan a sidi.
- Amek ara s-nexdem akken ur tbezzeg ara?!
- D lɣiḍa-yagi ara ɣ-d-icebbḥen tameɣra, ma tebzeg, tebṭel. Tegra-d yiwet a tt-neg; anagar nettat ay d tifrat, yerna attan deg ufus-ik a sidi…
Yegzem-as awal Yizem: Tifrat ɣer ɣur-i ay tella? amek?!
Yessenɛet-as-d ayennat-is (annect-ili-t), yenna-yas: Lɣiḍa-yagi a k-tt-greɣ di tyennat-ik n deffir, kečč zwir, nekk a d-rnuɣ deffir-k; s waya ur tebbezzeg ara.
Akken i yella lḥal, lɣiḍa n weɣyul iger-as-tt di txemmujt-is i yizem; zegren asif ur tebzig ara!...
Tamacahut-iw asif asif, mliɣ-tt-id i yat nnif
Mmi-s n Wemsed
Tamawt (bsirvaṣyu): Kriviṭ pwan niṭ (imyura.net) Kurpuraycen
- Tinin-is...Tanemmirt tameqqrant a mmi-s n wemsed, d tabrat yelhan i yizem, akken ad iwali arraw n tlalli, arraw id-turew tdukli, arraw n tmaziγt.
Tanemmirt i kra n win id-yettarun γer usmel-agi d wid id-yettakken rray nsen ghef wayen yetwarun.
Tanemmirt, tanemmirt i yal yiwen i yal yiwet. | |  |  |  | |
|