Amek ara nettu…
Asmi t-id newwi s ṭṭumubilat, lsant azeǧǧig rnant leɛlamat
S axxam mi d-nejva meǧǧdent lxalat, ttrun yergazen am llufanat
Tafsut tazegzawt, lal n telɣatin, nettheggi lfuruḥ akk d ttmeɣriwin
Teqqel-aɣ d ttaverkant, ggugment teɣratin
Deg umkan n teslatin, newwi-d lmeytin
Mi nteddu a t-nemṭel, ur nufi ara abrid, guǧǧen-d akk leɛrac, d ttimṭelt n ccahid
Remmgen yiberdan, ččuren yizenqan, tullas deg ṭṭiqan muddent-aɣ-d aman
Di dqiqa n tsusmi neẓẓul s ‘Uɣurru’, iṭij deg igenni yegguma ad yeddu
Mi t-nger s akal yemma-s teslalew, nerfed deg ifassen nerɛed-d am waḍu:
Ulac, ulac, ulac smeḥ ulac
Amek ara nettu widak i terẓam, d wid i teggrem s asif n Lḥerrac?
D wid i tɛedmem, d wid i tɛeggvem, d wid i tɣeḍrem ɣer weɛrur s rrṣaṣ?
Amek ara nettu arrac tesguǧǧlem, d tullas yeǧǧlen d ttaswin tgezmem asmi d-nsuɣ :
TILELLI
Ulac, ulac, ulac smeḥ ulac
Amek ara nettu widak i yeɣlin, mi rẓan asalu, mi cebṭen tigdin
A ttfak deɛwessu d lvaṭel ɣef tudrin, ad yeɣli uzaglu d leḥkem n telkin
Amek ara nettu win i ɣ-d-yestenyan, s 10 iḍudan, s idammen-is yeḥman, assen mi yeɣli :
TILELLI
Ulac, ulac, ulac smeḥ ulac
Amek ara nettu widak s-yeqqaren lebɛid: ‘znuzuɣ wigad yemmuten’
Cekreɣ-d Lwennas refdeɣ-d d asawen, ma yezleg suref-as; ɣef wacu tugadem?!
Ddiɣ s uḍar-iw ɣer yimi n yizem! Neǧɛeɣ s ufus-iw tusna n warẓeẓẓen!
Jerraɣ-d ussan-iw tura ttwaḥsaven, bniɣ ɣef lmut-iw, d nek i yextaren!
Isem-iw a t-nfuɣ, udem-iw a t-azuɣ, amer ad ḥṣuɣ ɣef waya i cennɣ! ¨Γef aya i ttuɣuɣ :
TILELLI
Ulac, ulac, ulac smeḥ ulac
Iṭij n tidet icreq-d mači d ayen ara tefrem,
Asif n tdukli iḥmel-d mači d ayen iwumi tzemrem
Aẓar n tjaddit yeǧhed, mači d ayen ara tqelɛem
Ur nugad iḍan-nwen, ur nugad leḥvus-nwen, ur nugad rṣaṣ-nwen
Mezel...
A nezdi lqed,
Agdud-nneɣ ived,
Aẓar n tjaddit yeǧhed,
Rrunfur-nneɣ yettaweḍ-d
Ur nugad iḍan-nwen, ur nugad leḥvus-nwen, ur nugad licar-nwen
Mezel…
Agdud-nneɣ ived,
A nezdi lqed,
Aẓar n tjaddit yeǧhed,
Rrunfur-nneɣ yettaweḍ-d
Ur nugad iḍan-nwen, ur nugad leḥvus-nwen, ur nugad licar-nwen
A d-ttnernint tefsuyin, lǧil a tent-yettmuddu i lǧil
Si 80 almi d 2000, amennuɣ-nneɣ yettkemmil
Mezel…
Tikli nneɣ ur tt-iḥevves ḥed,
Awal-nneɣ dima ived,
Γef izerfan-nneɣ nevkes-d,
Γef tlelli nettnekkar-d
Ur nugad iḍan-nwen, ur nugad leḥvus-nwen, ur nugad qessam-nwen!
Mezel…
A d-ttnernint tefsuyin,
Lǧil a tent-yettmuddu i lǧil,
Si 80 almi d 2000,
Amennuɣ-nneɣ yettkemmil
Ur nugad iḍan-nwen, ur nugad leḥvus-nwen, ur nugad rṣas-nwen
Mezel...
A nezdi lqed,
Agdud-nneɣ ived,
Aẓar n tjaddit yeǧhed,
Rrunfur-nneɣ yettaweḍ-d,
Inzi n Lwennas yeqqar-d :
‘L’AUTONOMIE’ tettnekkar-d!