Azul merra

Nemmeslay ussan yezrin γef tdiwennit i nezmer a neg akk d Mass Kamal Naït-Zerrad i deg yal yiwen a s-yefk asteqsi neγ isteqsiyen-is γef tutlayt d wayen d-icudden γur-s s umata. Ihi cawreγ-t γef waya yenna-d ulac uγilif nezmer a s-nazen isteqsiyen u ad yeεreḍ a d-yerr fell-asen.

I lmend n tdiwennit agi riγ a d-leqḍeγ tazwara isteqsiyen yellan i wakken a d-ssufγeγ isenṭal i γef a nemmeslay s umata. Ihi win i γer yella westeqsi yazen iyi-t-id ttxil-s γer tansa agi: arezqilvacir[at]imyura.net

Tanemmirt seg tura!
Wejṭuṭi

azul fell-awen
tanemmirt a Wejṭuṭi yelha wayen akka iγ-d-tesumreḍ, deg wesmel-a tura win iran ad yefk iseqsiyen i Mass Kamal Nait Zerrad, atan yella wamek, nekk s timad-iw uzeneγ-ak-in sin iseqsiyen ar tansa nni γ-d-tefkiḍ, ssarameγ daγen ad illin wid ara d-yernun iseqsiyen nniḍen γef ayen yaεnan iwelihen n tira neγ, γef tutlayt s umata;

Azul

Tanemmirt-nwen γef udiwenni i tebγan ad t-id-tessuddsem deg dra n tmaziγt. Maca, ur ẓriγ ara ayen i γran fell-aγ lmeεruf nekni s Leqbayel : yal wa amek i tt-ittaru... !

Qqaren : "axxam iččur d isγaren, ulac swayes ad nehreγ aγyul" ;
neγ daγen : "axxam iččur d irgazen, ulac w(in) ara d-irren tiqit".

Isdawanen n tesga n Tmaziγt n Bgayet deg 6 yid-sen msefhamen seld iseggasen, suffγen-d ilugan n tira.

Ma d wid n Tizi ulac. Ama iman-nsen neγ ukkud d wid n Bgayet. Ayγer akka !!?

Neγ wid n "INALCO". Seg winna n 96 d uneggaru-nni n 98 _ 10 n yiseggasen aya _ , d acu ttrajun ad sgerwen akk yimazzagen n taγult-a akken ad slugnen Tamaziγt ? Anwa(i) wigggi ?

Bu ugernin

Azul a bu gernin
Ẓer daγen adlis 'Tajerrumt tatrart n teqbaylit' d-yessufeγ Mass At-Zerrad di 2001, ddeqs n umaynut i yellan deg-s ladγa ayen d-icudden γer tseddast (syntaxe).

azul fell-awen
d tidet a gma bu-gernin ad twehmeḍ akk amek imussnawen nneγ n tmaziγt ur ttmahalen ara xersum yiwen wegraw i useggas, yerna tutlayt nneγ tuser aṭas taneflit, agraw i d-illan di tipaza Lzzayer i 2007 deg tettikki tiddukla iselmaden n Tizi-uzu tagi d aneγlaf usegmi itt-id-igan summren-d deg-s isekkilen n Taεrabt maca iselmaden ugin isekkilen-a i tmaziγt, tella daγen tayeḍ i 2007 nni di barselun mazal ur ẓriγ ara ma ssufγen-d iwelihen-ines neγ uhu, yedda-d yiwen umagrad γef timlilit-a n Barselun deg yiwen weγmis anda i d-inna meslayen a d-sskecmen asekkil "V" "P" ad kksen "Ğ"

tamawt: Wissen a Bu-gernin ma isdawanen-a n Bgayet yella kra iwelihen i d-ssufγen?

Azul a Muhabdiki,

uzneγ-aken sin imayalen, wissen ma teṭṭfeḍ-ten.
Riγ a d-ẓreγ ma teṭṭfeḍ isidiyen-nni.
S.

tanemmirt a War isem, mazal ur d-wwiḍen ara isiddiyen nni m'iten-id-ṭṭfeγ ak-in-aruγ,

Azul fell-awen s umata

Azul daγen i Keç a Mass Muhabdiki. Idlisen n Mass At Zerrad, gerrsen. Isdawanen n Tezdawit n Bgayet "Tasga n Tmaziγt" deg 6 yidsen, Massaw : Buεmara, Rabḥi, Meksem, Tiğet, Meḥruc, Ḥameg. Ssazergen-d adlis n yilugan n tira deg Meγres 2005 sγur tizrigin "Talantiqit" deg Bgayet.
Deg-s ssumren-d ula d isekkilen "O, P, V" i tira n wawalen n tutlayin tutrimin, am : Pavlov, Venus, Paris ...
Ma d asekkil " Ğ " ur asen-nqebbel ara ad t-kksen, lafeγ ad ay-rren Ğerğer d Gerger.

Bu ugernin

Adlis-nni i yuran wat Bgayet azwel-ines d wa " ilugan n tira n tmaziγt", yettwaru yakk s teqbaylit.

tanemmirt a gma Bu-gernin γef isalen agi γ-id-tefkiḍ, ma d adlis uran 6 isdawanen n Bgayet deg unebdu yagi ad nnadiγ a t-id-aγeγ,

tamawt: awal "lafeγ" d amaynut ar γur-i, wissen anamek-is ma akken i neqqar di temnaṭ-nneγ: "ma ulac;

azul fell-awen
yella daγen isem agi "talantiqit" deg temnaṭ nneγ, d tala i tt-zurrun zik, ma di tegrawla nni n Lezzayer ters-d lka iserdasen rrif-s, armi uḍnen akk iserdasen nni, uγalen ṭṭaxren yesyin, llan wid qqaren tesεa lbaraka, llan wid qqaren, aman-is ččuren d ttutegga win ten-yesswan ad yehlek tawla;

tamawt: γef usekkil-a n "Ğ" ma mtawan a t-kksen, nezmer ad naru Jerjer neγ am yisem n Dda Jamal acku llant temnaḍin di tmurt Leqbayel anda ur ttεekkin ara γef usekkil agi n "j" iwakken ad yuγal d "ğ"

ayagi akk d asishel di tira ladγa deg les telephone portable neγ uhu a gma Bu-gernin? ssureft-iyi γef awal-a s tfansist acku shiγ-t s tmaziγt, tanemmirt ay imeddukal, ahat daγen a Wejṭuṭi wagi d asteqsi? i Mass K.N.Z

Atan wayen d-nnan γef ugemmay wat wegraw n Bgayet.

ILUGAN N TIRA N TMAZIΓT

Isekkilen n ugemmay s nettaru tamaziγt, d wid n tlatint, anagar sin-a : γ d ε, i d-yekkan seg tegrigt.

Isekkilen yettawin aqqa ddaw-atsen, nettaru yes-sen imesla ufayen, anagar ḥ.

Isekkilen yettawin akafu nnig-sen, nettaru yes-sen izegnaggaγen imezgiyen n C d J.

Isekkilen O, P, V, nettaru yes-sen imesla yezgan deg wawalen imnekcamen n umalu, imesla ur nelli deg unagraw asnislan n tmaziγt.
Asekkil U, azal-is d win n tuget n tutlayin n umalu (ou deg tefransist)


Asekkil Amedya
a Aman
b Abrid
c Aclim
č Učči,
d Adrar
ḍ Aḍar
e Ers
f Afus
g Taguni
ğ Tiğğin
h Ahat
ḥ Aḥric
i Itri
j Ijdi
k Akal
l Alim
m Imir
n Inigi
o Roma
p Paris
γ Aγilif
q Aqerru
r Urar
s Usu
t Atrar
ṭ Aṭas
u Ul
v Valence
w Awal
x Axxam
y Ayyur
z Azrem
ẓ Aẓar
ε Aεrur

tanemmirt ay Ayirat iban deg ugemmay agi γ-id-tsekneḍ yelha wedlis i yuran isdawanen-a n Bgayet

asawal amway= telephone portable fkan-t-id deg umawal n tiddukla tadelsant imedyazen, ayagi dayen i d ittakken asirem, im'akka llan wid iqedcen u mazal qeddcen γef tutlayt nneγ;

Azul a Muhabdiki, waqila mačči d awalen iγ-ixuṣṣsen, γas xuṣṣen, annect-a yella γer yal aγref, llan imussnawen i d-yettakken awalen imaynuten i yal taγawsa tamaynut deg yal taγult, nekkni γef akken ttwaliγ d imdanen ara ten-yesseqdacen i yexuṣṣen, yerna ula d ilγagduden (mass media) am brtv, ur sseqdacen ara s ṭṭasqa awalen imaynuten, d tinna n wwet εeddi kan !
Amzun ur telli tuqqna ger wid iqeddcen γef wesnerni n tmeslayt-nneγ d tiliẓri i yellan anagar nettat i yessawalen s teqbaylit.

telephone portable llan wid i s-yeqqaren " amafus" a Muhabdiki.
Nekk akka i s-ssawleγ aṭas aya, ahat kra n semmus iseggasen
tura. Ma ur ttuγ ara, lemdeγ-t wawal-a γer Uzerrad.

ssawalaγ mačči ssawlaγ

atan ihi isem agi "amafus" iwulem, fessus γef win ara s-yesslen neγ ara t-ilemden, tanemmirt a War isem, imi nekk ttγimaγ yal seggas kraḍ wagguren di tmurt, meqqar a t-sslemdeγ i wid ssneγ, tura ula d tilawin deg iciwi-nsent i t-ttawwint a lexla;

twalaḍ dγa ay Ayirat tasgilt nni m'iseman abeḥri itili! ttakken-d deg-s, timtirin n umesyamun= signes du zodiaque maca s Tefransist akk iten-id-ttaddren, yerna llan deg wedlis aweryan n izarismen imaziγen n K.N.Z

Akka a Muhabdiki, walaγ anta tasgilt n brtv i d-tudreḍ, yerna Aweryan n izarismen imaziγen n Kamal Nait-Zerrad tettekka brtv deg ussuffeγ-ines m'ur cciḍeγ ara ?

d tidet ay Ayirat deg ussufeγ-is ttikkin: (b.r.t.v) (kabyle.com) (c.b.f) (awal grand Lyon) (a.j.b.f) ihi d acu ara imenεen imaziγen seg nnger ala tameslayt-nsen, ma tiliẓri teẓra d acu iwelmen! atan amek i ten-id-yefka K. N. signes du zodiaque : timtirin n umesyamun
balance isistel
bélier akrar
cancer ifirqes
capricorne ayewnic
gémeaux akniwen
lyon izem
poisson iselman
sagittaire amesgenzi
scorpion iγirdem
taureau aramul
verseau anagam
vierge tamguṭ

ttuγ "s" poissons, akk d "z" Zerrad

timtirin n umesyamun
balance isistel
bélier akrar
cancer ifirqes
capricorne ayewnic
gémeaux akniwen
lyon izem
poissons iselman
sagittaire amesgenzi
scorpion iγirdem
taureau aramul
verseau anagam
vierge tamguṭ

Amur ameqqran deg-sen d awalen i yellan si zik di teqbaylit.
Akka yiwen wass ma tella tγamsa(presse) s tagi-nneγ ad ten-afen wid yettamnen s timtirin n umesyamun!

Azul ay atmaten,
Akken ttwaliγ anda akk i ulac allalen isertanen: takadimit a yesbedden tutlayt tunṣibt, radyuwat, tilivizyuwat, iγmisen, iγerbazen a inedhen s tutlayt nni tunṣibt yehwa-yaγ neqqar acimi wihin yettaru akka neγ tihin tettmeslay akken nniḍen. Anda akk ur nessaweḍ ara a ncax deg tkiluḍin nneγ am nekni am yemdanen a ttruḥ kan aka; tidett qerriḥen yenna-tt-id Muḥya...mezel-aγ kan din a dda Muḥ.

Tanemmirt lḥasun i wid akk d-yuznen isteqsiyen i lmend n tdiwennit akk d Mass At-Zerrad ara d-nessufeγ dagi mi thegga.

widak ara γ-id-awin allalen agi n tsertit a wejṭuṭi mazal ur ten-walaγ ara gan agraw iwakken ad yili wemtawa gar-asen a d-ssufγen tamaziγt deg wekmim-a deg tella, maca ẓret kan tamiwin nniḍen amek dduklent?

Azul fell-awen s umata

I Mass Muhabdiki

Lafeγ = ma ulac. d awal aqbur deg tama n usammer n tubiret.

Bu ugernin

tanemmirt a Bu-gernin atan tesslemdeḍ-aγ awal-a "lafeγ" di twinest nni d-turiḍ iban d "ma ulac"