A yaqjun d-yekren deg uxxam-iw,teččiḍ teswiḍ seg ufus-iw.

Tturareɣ idek alama d iḍ, tettuɣ d aɣarṣiw i telliḍ.

Am uɛeggal deg uxxam-iw ik ḥesbaɣ, giɣ-ak amḍiq deg ull-iw.

Fkiɣ-ak ayen yellan di tezmart-iw, teččiḍ am keč am iyaḍ.

Hemlaɣ-k tifet ak wiyaḍ, laman dgek ikka idurar.

As nni am ussan iɛeddan,deg umnar n twwurt-iw i rsay ,fkiɣ lewhi i wallen-iw,ttwaliɣ idurar d leɣwabi,steqsayaɣ ɣef tudert-iw d wayen s d-yeqimen,ttmeslayaɣ gar-aw d yiman-iw qqareɣ-as:

Amek ara qablaɣ lesnin nek ugin wussan!

Amek ara bduɣ asawen nek yettuɣalen timendeffirt!

Amek ara ifsuset tuyat tid iɛebban ayen ɛbban idurar!

tetteziḍ felli ,ziɣ kečč i3ejbik lḥal,tenniḍ:

D lawan ad awiɣ lheq-iw skud akka iwwit baɣa.

D tagnit ad skeflaɣ aɛbar skud akka ixusṣit lbarud.

Temɣeḍ sicekkaben-iw,tesakeḍ-iy-d si targit-iw,tesaḥnunefḍ-iyi di lqaɛa,tessensyaxeḍ ark aglim-iw,tkemmelḍ-as aɛwaj i tfekka-w,nekk am umeɣbun  ttwaliɣ-k,3eqlaɣ-k ur k-cuḥneɣ ,niɣas amar yella d acu i d yesukkes,riɣ-tt kan i wuɣan,slan-iy-d lbarrani,suḥerḥer i duqlen,win-ag-d iɣis dɣa tserḥeḍ-iyi.

Imir tfay aqerru-w,riy-d nnehta n wul,shasffay qareɣ -as:  

A tawaɣit n ddunit aqjun d sekraɣ ikker i tarwiḥt-iw,ziɣ d laz i tiwten sa3bbuḍ.

Yejraḥ ull-iw,yesrandem izr-iw mi zriɣ ɣef iɣes ur newwi ur nerri i yizzenz.

Xas ssers abeckiḍ-im a ddunit,ur d-yeqqim win ara iḥarben yidem,imi tura win yelluzen,inekker-ikem ,izzenz fell-as ulla d nnif-im.                     

Belgacem fetta.