Akken bɣun ilin wawalen d aɣ-izuznen ɣas nettu-ten
akken bɣun ilin wawalen d-yekkan d afrag gar-aneɣ
nefka-ten d asfel mgal tisfi i aɣ-ibernen tiyersi
Akken bɣun ilin wawalen nerra ar deffir tallit , mači d tatut i seg-neɣ , maca akken kan ad nettu lhem a ɣ-yettu
akken llan wawalen ɣas negdel-ten , mači d tabɣest i ulac , maca neffer-iten af tiṭṭ n warrac
Akken bɣun ilin wawalen, ma nenna-ten-id qerriḥ-it , lulen-d seg-neɣ
akken ad ttekkin deg umezruy , ur ten-nettagad ma serfan-aɣ
Akken bɣun ilin wawalen yuran , widen yeɣman , d ticraḍ ur iseffeḍ wakud ; Tafat –nnsen tedda d warennger akkin i yigenwan
Akken tebɣu tili tallit i win yekkaten s rrkuz , d aya i d amrig-ines akken ad iqazem win s d-itṭfen tasawent .
Akken tebɣu tili tallit i win yekkaten s rrkuz , d aya i d amrig-ines akken ad iqazem win s d-itfen tasawent .
akken bɣun ilin wawalen s tin nettaru i wakken ur tettmettat, la tseffeḍ ussan iberkanen , mi d-tesnulfuy isebtar , tferreq-iten d tunṭicin ad yaẓ akkin laẓ deg wallaɣen .
Makhlouf BOUGHAREB
—