|
|
|
Awala ger wergaz d tmeṭṭut (sγur Σmer u Deḥman seg Tala n Tazart)Yenna wergaz i tmeṭṭut
A lall n tiddi iqeysen
Nekk fkiγ-am tasarut
Kemm ili seg w'ikeysen
Aql-aγ da nezdeγ taẓrut
Ala w'iγ-d-issisen
Tenna-k ma d keč ur ak-nesmuzgut
Lmetl-ik seg w'ikessen
Ad fetleγ ar tteččar tarbut
Γas kerrez deg iftisen
Ṛuḥ ad tkesbeḍ tamurt
Teswejdeḍ ixemmasen
Ayen a cbiha n teqdurt
A taγyult deg iflisen
Ad fell-am i d-rnuγ tameṭṭut
Idrimen-iw mazal-iten rsen
Azekka ad tekkeḍ tawwurt
A kem-xelṭeγ deg wafrasen
Tenna-k: yir awal wer deg-s snunut
Ay aṭerki ddaṛ Ḥsen
Tura ad εebbareγ taqduḥt
A d-neḍḥu seg w'ikeysen
Xas wer xeddem tamurt
Ma zadeγ gzem-i ifassen
Asabter yellan deffir wa | Asabter n zdat
muḥend
-
Tinin-is...azul, atan yiwen usefru yettemcabi ar usefru-ya-inek a Σmer:
argaz yenna-yas:
d rray-im i yi-ceγben
armi nemmuγben
qleγ d igellil deg uxxam-iw
wwiγ-d lggelba n yirden
teṭṭef yumayen
s uxerrub kemmleγ tirram-iw
tametṭut tenna-yas:
welleh ay argaz ma ḍeggreγ
ad fell-ak jemεeγ
siwa i ččiγ i tεebbuṭ-iw
teqqim rrabεa ẓdeγ-tt-id
kkreγ ceγleγ-tt-id
ččiγ ččan lğirran-iw
yenna-yas
welleh armi d tura i nefreḥ
mi d-teḥkiḍ sseḥ
tebra ur tensiḍ deg uxxam-iw
tenna-yas:
ad εiceγ lεic bbessif
am nebdu am lexrif
yefka-yaγ laden urumi
yenna-yas:
nekk ad ruḥeγ ar fransa
kemm ad teqqimeḍ da
i tkessawt n tγeṭṭen d wulli