TRISITI
Wissen dacu-t wass nni
Deg taddart nneγ a sidi
Ikkr-d yiwen gar lγaci
Ittɛeyiḍ:” trisiti, trisiti,
Xedmet-aγ trisiti,
bṛanchit-aγ trisiti !”
Dqiqa dγa terwi
Kul ɛmad irennu-d lγaci
Tenhewwal taddart nni
Winna mazal kan ittɛeyiṭ:
“trisiti, trisiti, xedmet-aγ trisiti,
bṛancit-aγ trisiti.”
Lḥasun macci d kra a-d-nini
Iweqɛi-tt umanifisti
Leɛyaṭ, aγebbaṛ, tidi
Taddart akw tettɛeyiṭ:
“trisiti, trisiti, xedmet-aγ trisiti,
bṛancit-aγ trisiti !”
Taluft tewweḍ s igenni.
Atta tusa-d lapulis, terna-d laṛmi
Imi iṭfen win akken tt id isekkren akken nni,
Nnan-as: “dacu i kem yuγen akkayi ?”
Inna-yasen: “Trisiti, trisiti,
Xedmet-aγ trisiti, bṛancit-aγ trisiti. »
Nnan-as : « yah, daya tura a mmi,
Dayen isehlen wanect ayi,
Lḥu yid-neγ apri a-nwali.
“Trisiti, trisiti.”
Xedmen-as trisiti,
bṛancin-as trisiti,
dγa deg wass nni ur t neẓri.
Σetman
Win naγ tin ibγan ad-islen i trisiti n Σetman ad-ittekki da.
Win(tin) ibghan ad-iγeṛ ugar seg wayen yura Σetman ad-irr ar usmel agi: http://aatman.free.fr/index2.htm
I-d-iwwin taceqquft ayi n Σetman d Zahia "Tamcumt".