Isalen  
  • TIYERSI : ammud n yisefra n umedyaz MESƐUDEN Fahim yeffeɣ-d ass n 1 di maggu 2014
  • Arraz Belɛid At Aɛli
  • Tamaziɣt deg tesnawit
  • Ax yella, tuṭṭfa ulac deg Weqbu.
  • Tafaska n Muḥend Saεid Amlikec (M. Houd)
  • Amekti
  • Zwaren, ewwḍen d imezwura u ad d-qqimen d imezwura
  • Issin : asegzawal n Kamal Buεmara
  • Tajmilt i Muḥya
  • Tiγri ar uttikki ar ṛṛeḥba n wedlis d wegtelγu amaziγ de TUBIRETT
  • D ileqqafen neγ d tiddas...neγ ahat d taγlalt
  • Talalit n wesmel amaynut
  • Aksil ilul ass n 20 di Tuber 2009
  • Arezqi Lbacir d inebgi n Rradyu "Numydia"
  • Isalan yerzan tafaska umezgun amaswaḍ Malek Bugermuḥ
  • Ayen yemmeslay l´ancien ass-a n 20.04.2009 di tiliγri (tilifun) yakk d yeqbayliyen yelḥan di tikli n MAK d-yellan di Tizi Wezzu:
  • Isalen
  • Kra si ccreε n (Daεi, aselway n Numidya) wass n Warim/Letnayen.
  • Izen n Σumar Derwic γef wesmel poetasdelmundo.com
  • Ilmend n sin wussan n tezrawt (unadi) i yettwasudsen deg Wehran
  • Ferhat deg Moyeuvre-Grande
  • Isteqsiyen i Mass K. Naït-Zerrad
  • Asteqsi: dacu ara nexdem ?
  • Atan wahil yeḍran deg Wehran
  • Ulγu n Umussu n Timanit i Tmurt n Yeqbayliyen
  • Tagnit deg tella tmaziγt deg tmurt-is ass-a
  • tamkarḍit taγelnawt n Dzayer: Timlilit d wemyaru
  • Racid ΣELLIC tewwi-t tmettant
  • Tamendawt
  • Taẓrigt tis-sḍis (6) n tfaska n tmedyazt tamaziγt Mulud At Mεemmer
  • ABUDDU ILMEND USEGGAS AMAYNUT 2008
  • Asmel amaynut s Teqbaylit
  • D lewhayem! Ayen iḍerrun ussan-agi d Ikerdiyen msakit
  • I tecbeḥ tmurt-nneγ, lemmer tella deg-s tlelli!
  • Shirin Ebadi : tamṭṭut n akw inaẓaren
  • Wehran: Kra yellan yella mgal-nneγ ass-a
  • Amulli wis kraḍ γef tmenγiwt n MHENNI Ameẓian
  • Tamurt n Leqbayel, Lqaεida teṭṭef deg walal-is
  • KRA N WIN ITEDDUN ΓEF TIDETT YEṢṢAWAḌ
  • Issin-iyi ad ak-issineγ !
  • Amussu n Timanit yugi ad yettikki deg tefranin n Mayu 2007
  • Nγan Remḍan Ḥaifi assa n 24 deg Furar
  • Ur ten-ntettu, ur ntettu azal nsen
  • Nna Fa ad tuγal ar Munryal deg Furar-agi
  • Ğamal Benεuf: Isalen sγur tiddukla n Numidya & Ahil n tfaska tadelsant n Timidi d Tmerrit 2007
  • 2007 d aseggas n yidles aεṛab deg tmurt Umaziγ.
  • Anwi isekkilen i Tmaziγt ?
  • Tamazγa: Ussan n Wedlis Amaziγ
  • Tidak n Nna Fa
  • Nγan Σisat Rabeḥ
  • Tuγalin n Dda Sliman ar Tmurt
  • Sers iγsan-im deg talwit
  • Agdal n temlilit n Tefrit (Aqbu)
  • Zemmem, qemmem, ṭṭef imi-k susem.
  • Tabrat n Ğamel BENΣUF
  • Tiγri n wedrar
  • Immut win akken i s yennan :"Tamaziγt d yemma-s n tutlayin."
  • Aqbuc n ddabex neɣ nnif n twaɣit
  • Tisusaf mači d-aman kan, rregmat mači d-awal kan.
  • Aγmis "Iẓuran" yuγal-d ?
  • Aqusis Ussnan n Tesdawit n Bgayet
  • Tamaziɣt deg Wehṛan (Win yebɣan iqqaṛ: amek ?)
  • Gilles Duceppe ar tmeɣra n Yennayer
  • Tamkarḍit
  • 20 Yebrir n 1980 : Tafsut n tirrugza
  • spacer
     

    | | |

    Ilmend n sin wussan n tezrawt (unadi) i yettwasudsen deg Wehran
     

    Azul,
    Ilmend n sin wussan n tezrawt (unadi) i yettwasudsen deg Wehran; ammas Adzayri n ssinima ihegga-d yiwen wahil ideg ara d-yessezri kra isura s tmaziγt deg tzeqqa n " cinematheque" ("Warsnis") n Wehran : Aγlad (rue) Lεerbi Ben Mhidi- Wehran.
    Ahali:
    --Ass n 15-05-2007 γef 15 (h), 00 a d-yezri usaru "Si tedyant ar tayeḍ" n Rrabiε Ben Menṣur.
    -- Γef 18 (h), 00 a d-yezri usaru "M imezran" n Σli Muzawi ".

    --Ass n 16-05-2007 γef 15 (h), 00 a d-yezri usaru "Macahu" n Belqasem Ḥeğğağ.
    -- Γef 18 (h), 00 a d-yezri usaru "Adrar n Baya" n Σezdin Medddur.

    Tamawt: Iḍelli ( 14-05-2007 γef 18 (h), 00) mi d-yezri usaru "Arẓqi Lbacir" anagar 7 yemdanen i yellan di tzeqqa ( akk d iεeggalen n tiddukla Numidya), acku ulac merra talγut; maca, ass-a ddeqs n yiznan i yuzen uselway n Numidya, ahat a d-ilin ddeqs n yemdanen.
    Tanemmirt
    Ğ.B seg Wehran

    Isalen & tidmiwin
    Sγur Bu ugernin
    Azul fell-awen s umata !

    Tanemmirt tageεmirt i yimsuddsen n wahil-agi amerkanti n tẓuri tis-7 s Teqbaylit-nneγ tabaḥant. S terni-nwen ay Ihran!

    Awwah ad yili leqdic am wa dagi deg Tmurqbaylit akken ad nazzel ad t-nẓer; ladγa, ma iγli-d akka deg taggara n yimalas...

    Nesεa tuγmas, nejjem irden.

    Bu ugernin

    Sγur moh
    azul fell-awen
    ad ssnemmreγ iqeddacen n Numidya γef ayen ttgen. Wissen segmi zrin wussan nni n sinima isura Amaziγ, ma aṭas i d-yusan a ten-ẓren? neγ am ass nni amenzu;
    azul a Dda Ğamal
    tamawt: m'akka ara nettaru Idzayer, Adzayri, Idzayriyen, neγ akken nniḍen?

    Sγur Ğ.B
    Azul a dda Muhabdiki ( tura d nekk ara k-n-yessawalen "dda" , acku ur d-luleγ ara alammi teččiḍ ahat ugar n 9 iqenṭaren n lbaṭaṭa!).
    Asteqsi yerzan isura n ssinima yeḍran dagi deg Whran, a k-n-ğğeγ tiririt i kečč a dda Muhabdiki; aha kan gezzen-d amek teḍra, ma usan-d yemdanen neγ uhu?
    Tamsalt tis-snat yerzan imesli n "dz" amek ara t-naru deg yisem n "Dzayer" d wayen d-yefrurin seg-s... ( tenniḍ "m'akka" nekk a k-iniγ : ala "ma akka")
    S tewzel kan :
    Di temsalt-a n imesla d kra n temsalin-nniḍen fran-tent imassanen (mačči "Idukṭuren" ) di temliliyin yeḍran deg wammas unadi n tmaziγt ( CRB-INALCO), maca, tikkwal ula d nutni tettun ayen d-nnan!
    Fiḥel tuzzya d tunnḍa! "Dz" -agi ur yuqi ara di tmaziγt, nettaf-it kan deg wawalen d-ikecmeb si taεrabt neγ tikkwal deg talγa tussidt n wemyag.
    Deg yeisem, amedya : Dzayer.
    Deg wemyag : Wezzen ( dagi nessenṭaq-it-id " Wedzzen). Maca, mačči d "dz" acku yekka-d kan si tussda: wzen/wezzen. Gzer/gezzer... ula d "č" daγen akken, yella wanda yella ( ameččim), yella wanda i d-yekka kan si tussda : Kcem/keccem ( mačči "keččem)...
    Ihi atan wamek ttaruγ nekk: Dzayer ( tamurt n lanğiri), Dzayer ( tamaneγt n yedles Aεrab), Adzayri, Idzayriyen....
    Tamawt: Isekkilen-agi i wumi nrennu ikafuten ur llin ara zik di tmazirt "lung uficyal " n zik, ula di tcelḥit n wass-a ulac-iten daγen, imi d nettat i yuẓan nezzeh γer tmaziγt n zik ( tayemmat iseg d-frurint akk tmeslayin-nneγ yellan ass-a) asmi ulac lmaqarun.
    Awer tennuγniḍ a dda Muḥabdiki.
    ( Cukkeγ-k d winna akken i d-yettarun si Lpari i weγmis Tafukt?!
    Ğ.B

    Sγur moh
    azul fell-ak a Dda Ğamal nekk yennecrah wul-iw imi ara γreγ deg ayen akk i d-tettaruḍ, aṭas tγawsiwin i ttelmadeγ, dayas i k-in qqareγ Dda, d tidet nekk ugareγ-k deg usemmud "udur" ččiγ ahat ugar n teswiεt tisent, mačči kan d lbaṭaṭa, acku tinna ḥemmleγ-tt aṭas s yis-s iyi-kksen tuṭḍa, daγen kečč tezwareḍ-iyi-d ar wesmel-agi, nekk γur-i semmus waggurn aya kan, γur-i aseggas d uzgen degmi sεiγ tastaγt, daγen mačči d nekk i yettarun ar uγmis tafukt, ruḥeγ ar maruk di 2006 nni d acu wiγ d adlis i tγuri, d timlilit n tγermiwin, maca mmlaleγ din d yiwen umeγnas d acelḥi netta yenna-d γur-s adlis aqran n K.N.Z dγa yenna-d yiwet imi seman amuzzu, nekk nniγ-as-id tayeḍ mi seman taldayt, s wayagi iban d ta i d lung-ufisyal; sseqsaγ-d ma usan-d yemdanen ar isura ineggura, acku tenniḍ-d imi i d-sezrin asaru amezwaru usan-d kan 7 yemdanen; agezzen-inu d wa: imi llan wid i γ-iḥemmlen, llan daγen wid i γ-iγulen, llan ula d imaziγen i iḥeqren iman-nsen, ihi amek ur tseqsayeḍ ara acu yeḍran!

    Sγur Ğ.B
    Azul a dda Muhabdiki,
    Attan ihi tririt γef westeqsi-inek:
    Ussan n lexmis d lğemεa ddeqs i d-yusan ad ẓren isura-nni i d-yezrin dagi deg Wehran; ahat lewhi n 40 yemdanen i iḥeḍren di yal asezri. Nniγ-d ddeqs, acku ilmend n tegnit-agi kan ideg nettidir, wamag drus maḍi, d awezwaz kan 40 yemdanen!

    Tamawt: Ihi qrib a d-taseḍ γer tmurt akken ad testeεfuḍ 3 wagguren? Amek ara d-tettaruḍ si tmurt, neγ ad teḥbes tira-inek deg wesmel, alamma tuγaleḍ γer Faffa?!
    Ğ.B

    Sγur moh
    azul a Mass Ğamal
    d tidet tagnit-agi deg i nettidir tsefcal aṭas abaεda imaziγen, ala win yellan d ameγnas ara d-iḍillen s weḍhar a s-tesleḍ i wawal-is, wiyaḍ akk tteffren am'akken uggaden neγ ttseḍḥin s wayla-nsen, maca a d-ninni d tagnit i γ-igan akka!
    ma d asteεfu-inu di tmurt d tilint tmeγriwin, daγen di tagara waggur n yunyu ahat ad yili wacu ara d-heggin γef wesmekti n Lunnas Maεtub, ma ulac maḍi ad ruḥeγ a t-id-zureγ am yal aseggas, wissen daγen agraw amaḍlan amaziγ atan waqila, agraw-is wis semmus a t-yessegrew di bgayet neγ di Tizi-wezu, ma yeḍra-d waya, ad i lliγ din i wakken ad ḥulfuγ s weẓwu n tegmat, ma "d asmel n yemyura net" ad nadiγ a t-γreγ, ma d tira wissen; yesya ar imir-nni, aql-i mazal-iyi d wesmel-a alama d snan yunyu d usawen; azul akk γef yemddukal i d-yettarun deg wesmel-a, wissen anda llan akka imi ur d-banen ara? Ayirat akk d Yiwen! εni ruḥen ar at Yirten ad walin tafaska n la cerise;

    Sγur Anonyme
    ssuref-iyi shiγ "a" i (Yiraten) daγen riγ a d-iniγ (di snan d usawen di tmurt)

    Sγur ayirat
    Azul fell-awen, azul a Muhabdiki, ur tufiḍ sani ruḥeγ yal ass qqareγ ayen i d-tettarum.

    Atan giγ snat n tbidyutin(videos) win iran a tent-iwali atentad da

    http://yiwenuyirat.blogspot.com/

    neγ da http://www.dailymotion.com/ayirat

    Sγur moh
    tanemmirt ay Ayirat walaγ timsirin-nni i d-tgiḍ di tbidiyut dayen igerrzen irennu-d afud i tutlayt, d wid iran ad lemden, yernu ad slen i tizlatin n Ferḥat;

    Sγur Awlawal
    Azul fell-awen,

    Ass-a d yiḍelli tameddit, attah terwi dagi deg Wehran, kra yellan yemdel tiwwura-s, ula d ttawilat usiweḍ ulac! .. Ayagi merra yekka-d segmi teγli Lmuludiya n Wehran.
    Timerẓiwt, amseččew d yemsulta....
    Tanemmirt
    Awlawal seg Wehran

    Sγur moh
    azul ay Ay awlawal
    di Wehran ulac din urar! γef ddabex ma, ur t-rrbiḥen ara, kra yellan ad yemdel tiwwura-s, wigi meqqar d urar kan ma ur rrbiḥen ara tikkelt-a ad sεun rrezg i tikkelt nniḍen, yerna s tiliẓri d yeγmisen, ad ẓren akk medden dacu yeḍran yid-sen,
    maca llan wiyaḍ, suγen neγ qqimen ulac akk wara sen-d-yeslen;

    Sγur Amghar
    Azul fell-awen,
    Asigna yettemɛebber d tafukt, tikkelt yeḥǧeb-itt, tikkelt yeǧǧ-itt a d-tban ; abeḥri ɣas yerhef, rqiq, maca, tikkwal igellu-d s takka uɣebbar yesmundulen allen. Yerwi lxaṭer, tekres yal tawenza, akk imdanen ad teɣreḍ deg wudmawen-nsen lḥir ! Di kra imukan n temdint xlan, ad as-tiniḍ zedênten lejnun ! iberdan imeqqranen lebbun s yemdanen, d aweṭṭuf : a ziɣ ay tɛebba temdint-a ! Akk tiḥuna medlent tewwura-nsent, d timexḍa tid yeldin : lkucat, leqhawi, tiḥuna…rrekba ulac, ttawilat usiweḍ ulac : iṭruliyen n ddula ( ETO) ḥebsen, segmi rẓan kra seg-sen, wid n weḥric uslig ttagaden ad rɛen yeṭruliyen-nsen… Imdanen izedɣen tamdint ur ttafen ara d acu ara ten-yessiwḍen ɣer wanda xeddmen ; wid izedɣen berra i temdint ula d nutni keddden ( 3 « ddd » ur zgileɣ ara : seg wemyag « kedded ») iɣess ! Atan waddad ideg tettidir Wehran, segmi teɣli teɣlamt-is n ddabex uḍar « Lmuludiya ». A ziɣ tuɛer tegnit n ccwal ! a ziɣ tuɛer tegnit n ṭṭrad ! Sin wussan d wezgen nṭerren yemdanen ! Aḥlil a LEQBAYEL AY YESƐEDDAN 5 iseggasen n tefsut taberkant !!!!!!!!!!!!!!!!!!!!!!!!!!!!!!!! Yernu lmut, lwexda d yir lehdur sufella : « AFUS UBERRANI » !!!!!!!!!!!!!!!!!!!!
    Ɣas ma yemla-yaɣ-d umennuɣ ɣef izerfan n tmaziɣt ; yesseɣer-aɣ d acu ay d tilelli, d acu ay d tugdut, d acu ay d izerfan n yemdanen, d acu ay d talsa, d acu ay d leqder d lḥerma…maca, ur yelli d meḥyaf neɣ d asuter n werkaḍ deg yemdanen, ma nesteqsa (xerṣum d asteqsi) : Anda-tt tezmert-nni n ddula ? Anda-ten iǧadarmiyen-nni ? anda-ten akk ttawilat i ttaznen ɣer tmurt n leqbayel ?! Anda-t ṭṭeng-nni i wumi ssawalen akken « ƐEẒRAYEN » ? i waman-nni yerɣan swayes ṭṭruccun akken medden ?! Anda-ten yir lehdur d wettbelli-nni « AFUS UBERRANI » ɛni ɛyan « Merruk , Fransa, Marikan d Wudayen… » ?! neɣ wiyaḍ di yal tama zemren a d-kkren yemdanen war aẓuɣer, anagar kan leqbayel i d-itekkren s uẓuɣer am lmal ?!! Anda-t « LMUǦTAMEƐƐƐƐ LMADANI ( tametti taɣarimt»-nni n Wehran i yemyegrawen akken di Yebrir 2001 akken ur d-tettaweḍ ara twaɣit ɣer temdint-nsen : Refden akk yiwen wawal « ala i usexreb n temdint-nneɣ » ! Ula d tiddukliwin yexḍan tasertit, ladɣa tid terza kan talsa, am tid imuḍan, grent iman-nsent deg wayen i tent-yexḍan « Mgal wid yessexraben tamurt » Imiren acku d leqbayel i d-yekkren ! I tura anda-ten ?!
    Awal aneggaru d wa : Llan kra yeqqaren ussan-a : « Iḍerru yid-neɣ waya, acku ur neḍfir ara aqran d wayen akk i d-yenna Rebbi d nnbi » ! Nekk, yelha ma smektiɣ-ten-in s waya « Aṭiɛu llah, wa rrsul, Wa awliyaa l’amer min kum » Ur yessefk ara a s-teffɣem afus i ddula !
    A ɣ-yawi Rebbi d webrid n lewqam . Amin a tarwa.
    Tamawt: D ighil d wamek yeldi wesmel ass-a, wissen acugher?! Yernu anagar asibar-agi i yeldin ass-a acku yezga-d zdat wexxam n ccreε n Wehran, imsulta εussen zdat tewwurt-is.
    Amghar seg Wehran


    Sγur Winna n yiḍelli kan
    Azul
    Ass-a ters-d lehna, uγalen-d waman γer tregwa. Nnuγen, fran, cciṭan a t-yexzu Rebbi, yenεel-it. Ddula-nneγ ḥninet γef tarwa-s, γas tikkwal tḍerru yid-s am tyemmat-nni i iteččḥen γef tarwa-s, mi ara terfu fell-asen tekkat-iten s rrṣaṣ di krta n waẓiyen ( temnaḍin), daya!
    Iḍelli yusa-d uneγlaf n waddal, yenna i At Wehran " aql-aγ a s-d-naf tifrat i terbaεt n Lmuludya akk d ddabex uḍar Adzayri s umata".
    D acu ara d-yekken seg "rray" nnig waya:
    " Cculi, Cculi, Cculi
    Ḥemrawa ddunji
    Yeḍḍerbu b lxedmi"
    ?!!!!!!!
    Winna n yiḍelli kan

    Sγur Awlawal

    Tannant uselmed n tmaziɣt, yeddmen isem uzamul « Lwennas Matub » tekfa iḍelli.

    Tannant uselmed n tmaziɣt i tessudes tiddukla Numidya i ubaɣur n igerdan imecṭaḥ, tekfa iḍelli n letnayen ɣef 12 n wass s usegri n imekli i d-heggant kra n twaculin n igerdan yettekkin di tannant-a, ladɣa tawacult Weld-muḥend. Imekli-a yezwar-it wawal n kra iɛeggalen akk d kra inebgawen, daɣen d tikci igerdasen i imettekkiyen sɣur tiddukla Numidya.
    I wesmekti kan : Tannant-a tekka 13 wussan ( seg 10 alammi d 23 di Yunyu), s ulemmas neɣ s wammas n 13 temsirin, u yal tamsirt ttekk lewhi n snat timmar; Hewwari Bessay yessermed seg-sent 11, massa At Yeɛla tessermed snat temsirin ( i sin yid-sen deg Numidya ay lemden tamaziɣt). Ula d timsirin i d-yettilin di Lḥasi, mazal-itent ttkemmilent yal ass n lrxmis, ɣas d azɣal; ula d ussan n lǧemɛa ttilint temsirin ( asermed : ccna, isefra… i wakken ad myussanen gar-asen igerdan, daɣen ad nnamen awal s teqbaylit), tamezwarut sɣur : BǦ, tis-snat sɣur : Yusef Ɛacuri.

    Awlawal

    Sγur Nekkni
    Azul
    Alɣu :

    S uttekki n
    Useqqamu Unnig n Timmuzɣa
    akk d Tmehla n Yedles

    Tiddukla NUMIDYA

    Ad tessuddus

    Ussan n yedles d tẓuri ilmend umulli wis-10 ɣef tmenɣiwt n

    Lwennas Matub

    tiɣremt n tẓuri yedles n Wehran ussan n 25, 26 d 27 yunyu 2008
    Ahil

    Ahad 25/6/8 :

    - 14t00 ar 15t00 : Asunẓu sɣur Mass Merraḥi Yusef, Amaray Amatu n HCA, Massa Musawi, Tanemhalt n yedles d Mass Zamuc Sseɛd, aselway n tiddukla Numidya.

    - 15t00 ar 17t00 : Asarag askasi ɣef Lwennas Matub ara ssremden Mass Merraḥi Yusef, Mass Mulud Lewnawsi d Mass Bouǧemɛa Aziri.

    - 18t00 ar 20t00 : Asaru n vidyu.

    Amhad 26/6/8 :

    - 15t00 ar 17t00 : Timlilit n tmedyezt sɣur Ḥmed Leḥlu d terbaɛt imedyazen n Wehran.

    - 18h00 ar 20h00 : Asaru n vidyu.

    Sem 27/6/8 :
    - 10h00 ar 12h00 : Asaru n vidyu i warrac.

    - 15h00 ar 19h00 : Tameɣra n ccna.

    -19h30 ar 20h00 : Taggara.


    * tamsikent a d-teddu kra ara kken 3 wussan (Ttṣawer n Matub Lwennas, Taklut, Idlisen, d wayen-nniḍen.)

    Nekkni























    - 10h00 ar 12h00 : Asaru n vidyu i warrac.

    - 15h00 ar 19h00 : Tameɣra n ccna.

    - 19h30 ar 20h00 : Taggara.


    * tamsikent a d-teddu kra ara kken 3 wussan (Ttṣawer n Matub Lwennas, Taklut, Idlisen, d wayen-nniḍen.)

    Sγur Nekkni
    Azul
    Alɣu :

    S uttekki n
    Useqqamu Unnig n Timmuzɣa
    akk d Tmehla n Yedles

    Tiddukla NUMIDYA

    Ad tessuddus

    Ussan n yedles d tẓuri ilmend umulli wis-10 ɣef tmenɣiwt n

    Lwennas Matub

    tiɣremt n tẓuri yedles n Wehran ussan n 25, 26 d 27 yunyu 2008
    Ahil

    Ahad 25/6/8 :

    - 14t00 ar 15t00 : Asunẓu sɣur Mass Merraḥi Yusef, Amaray Amatu n HCA, Massa Musawi, Tanemhalt n yedles d Mass Zamuc Sseɛd, aselway n tiddukla Numidya.

    - 15t00 ar 17t00 : Asarag askasi ɣef Lwennas Matub ara ssremden Mass Merraḥi Yusef, Mass Mulud Lewnawsi d Mass Bouǧemɛa Aziri.

    - 18t00 ar 20t00 : Asaru n vidyu.

    Amhad 26/6/8 :

    - 15t00 ar 17t00 : Timlilit n tmedyezt sɣur Ḥmed Leḥlu d terbaɛt imedyazen n Wehran.

    - 18h00 ar 20h00 : Asaru n vidyu.

    Sem 27/6/8 :
    - 10h00 ar 12h00 : Asaru n vidyu i warrac.

    - 15h00 ar 19h00 : Tameɣra n ccna.

    -19h30 ar 20h00 : Taggara.


    * tamsikent a d-teddu kra ara kken 3 wussan (Ttṣawer n Matub Lwennas, Taklut, Idlisen, d wayen-nniḍen.)

    Nekkni

    Sγur Awetniri
    Azulen

    Isali amenzu:

    Tiddukla “Itri” n Weqbu tessudes timsizzelt isefra ( n tmedyazt/tmedyezt…) ussan: seg 02 ar 05 Yulyu 2008 deg Weqbu. Arraz n temsizzelt-a iḍer-as-d i weltma-tneɣ Nadya Benɛmer si tiddukla Numidya n Wehran.
    Gedha yes-m a Nadya; afud anezmar i tiddukla “Itri”.
    Awetniri

    Sγur Awlawal
    Azul
    Isali wis-sin:
    Timlilit n tẓuri neɣ “ Racont-Art” i tessudus ( yal aseggas) terbaɛt n Ḥasan Metref a d-tili deg At Yanni akk d Yiɣil-Bwammas ussan: seg 10 ar 17 Yulyu 2008. Ddeqs i iruḥen seg Wehran akken ad ttekkin: Sseɛd Ẓamuc, Nadya Benɛmer, Hewwari Bessay, Akli Weɛmara…
    “A wi yeddan d wi iruḥen
    Lewhi n tefrara n ṣṣbeḥ
    S idurar-nneɣ ɛlayen
    Din kan i yelha umerreḥ
    Ǧerǧer adrar ɛlayen
    Zehhunt wallen s ccbaḥa-s
    Kra n win t-id-iẓuren
    Yuɣal-d s wul d afessas”
    I yenna Ḥmed n terbaɛt Afus i wumi nessawaḍ tamella (rreḥma).
    Awlawal

    Sγur Yella amzun ulac-it
    Azul,
    Tafaska Yusef U Qasi
    Tafaska n tmedyazt Yusef U Qasi i tessudus yal aseggas tiddukla Yusef U Qasi a d-tili seg 18 ar 22 di Γuct 2008 deg Iferḥunen. Tin d win iran ad ttekkin/t ad aznen/t 3 isefra s uγiwel i tiddukla tadelsant Yusef U Qasi, Iferḥunen ( ḥṣiγ teqqarem-as Friḥa mačči alamma tennam-iyi-d!) Tizi-Wezzu.

    D amedyaz-agi dγa i s-yennan " Anwa izedγen adrar? - d lbaz akk d umiεruf. Anwa izedγen lewεur? - d uḥdiq akk d wunguf.
    Ma d massa (madam) Nuγmun tesmekta-yaγ-d s tmenna-nni : Ay uli-iw issin, yelha win yettweṣṣin.... ur cfiγ ara amek akk akken ....
    Yella amzun ulac-it

    Sγur .
    Azul
    Timeddiyin n tsekla tamaziγt d ahil n sin wuḍan ara yessudes Useqqamu Unnig n Timmuzγa di Dzayer tamaneγt (18 d 19/09/2008)
    taldayt a d-tili s temsikent n Meεruf Rukbi, ssyen a d-tili temlilit γef tira n wungal amaziγ ideg ara ttekkin: Brahim Tazaγart, Ṭaher Weld Σmer, Ğamal.B akk d Nadya Kudac. Iḍ n 19 ad yili i tẓuri s wermud ara tessermed TRB.

    Sγur Ǧamal Benɛuf
    ALƔU !..

    ASELWAY N TIDDUKLA NUMIDYA N WEHRAN AD YEZRI DI CCREƐ


    Ccreɛ unnig n Dzayer, yerra-d ɣer Sseɛd (« Daɛi » i s-nessawal nekkni) Ẓamuc ;
    « aselway n tiddukla Numidya n Wehran » akken ad yezri di ccreɛ n Wehran, ass n Warim (Letnayen) 10/11/2008 ɣef 9 : oo n ṣṣbeḥ. Tamentilt, neɣ ssebba d ta : « Tessawleḍ-d i iberraniyen akken ad ttekkin di tefsut taberkant !... »
    Tidet : Yesnubget (yeɛreḍ)-d yiwet terbaɛt n Yeflamunen (ineɣmasen, ibugaṭuten, iberlamanen…), si tmurt n Balǧik, akken ad ttekkin deg yiwet temlilit i niqal ara d-yilin deg Wehran deg useggas .. segmi ur d-fkin ara ttesriḥ i temlilit-a, tarbaɛt-a terra ɣer tmurt n Leqbayel, anda mlalen d Leɛrac n Bgayet d Tizi-Wezzu akk d twaculin imeɣrasen (ccuhada) n tefsut taberkant…
    Ayagi ur yeɛǧib ara i teɣlift ugensu (lwiẓara n daxel) !... Ssyen i d-bdant tlufa : Acḥal d tikkelt i s-d-ssawlen yemsulta n « RG » n Wehran i gma-tneɣ-agi Ẓamuc, yernu ɣer lbiruwat n temsalin n « la drug » amzun akken d netta i d Iskubar ! Ssyen, ssezrin-t di ccreɛ n Wehran, anda s-ṭṭfen s sin iseggasen n lḥebs n leɛḍil akk d 20000 idinaren d lexṭiyya. Yerẓa ccreɛ, atan tikkelt-a rran-d ɣur-s !
    Asteqsi i d-yegran : Anda-t umettawa yellan ger udabu akk d umussu n leɛrac ?! Xuḍi amettawa-yagi, iqarr-d s weḥbas n weḍfar n ccreɛ mgal wid yettekkin di tefsut taberkant, i temsalt n gma-tneɣ-agi acimi ur teddi ara ?! Acimi ccreɛ-agi yettektilin s snat teqrinin ?! Acim ?!....
    Tamawt : Tiɣremt n teɣdemt (axxam n ccreɛ) ideg ara yezri yezga-d deg : Agni ubugaṭu Tubni (Place maître Thubeny) di tlemmast n temdint n Wehran. Ad yezri ass n Letnayen 10/11/2008 ɣef 9,00. D Bensadeq ara yilin d abugaṭu n gma-tneɣ Ẓamuc.
    Aql-aɣ yid-k a gma-tneɣ DAƐI.
    Ǧamal Benɛuf seg Wehran

    Sγur Ǧamal Benεuf
    Azul fell-awen/t
    Attan teɣtast (délibération) i d- yeffɣen si ccreɛ unnig ( Aseqqamu aneɣdam n temdint n Wehran), ass n Warim/Letnayen 17 /11/2008 ɣef lewhi n 18 (t/h) n tmeddit, mgal Sseɛd (Daɛi) Ẓamuc : « Relaxe » Aserreḥ, war aḍfar, war lḥebs, war lexṭiyya neɣ leɣrama.
    Yegra-d kan a d-nini : Ad nesnemmer, u ad nerr tajmilt i yakk imdanen i d-ibedden ɣer tama, i yellan mgal meḥyaf, ẓẓur akk d lbaṭel-agi i d-yeɣlin ɣef gma-tneɣ Ẓamuc imi mačči kan d ameɣnas n tmaziɣt, maca, d aselway n tiddukla Numidya i ibedden ugar n 28 iseggasen aya i yidra n tudert n tmaziɣt d warraw-is. Tanemmirt i wesmel-agi « imyura » ur nessusem ara akken ssusmen wiyaḍ ! Neḥṣa nezger i yiwen wugur, mazal wiyaḍ ar zdat, maca, ay akken yebɣu webrid yessawen, ad naweḍ i nessarem.
    Ǧamal Benɛuf seg Wehran

    Tekki da akken a d-tiniḍ kra neγ kra.
    Zdi-t deg Facebook
    Copyright 2006 imyura.net
    Just how well will this year�s Air Jordan gamma blue 11s retro do give that it�s a colorway we�ve never seen before? We can�t exactly imagine an Air Jordan XI sitting on shelves for too terribly long, but we have a feeling they won�t fly off shelves as quick as previous years� �Concord� and �Bred� releases. The sneakers will land a bit earlier than we�re used to seeing them-December 21st is the due date. Stay with us after the break for extra images on the �Gamma Blue� Jordan 11 gamma blue 11s and watch for them soon at shops like Nohble.Gamma Blue 11s}Jordan 11 Gamma Blue}Jordan 11 Gamma BlueGamma Blue 11sJordan gamma blue 11jordan 11 gamma blueJordan 11 Gamma BlueJordan 11 Gamma BlueGamma Blue 11sJordan Gamma Blue 11Gamma Blue 11sJordan 11 Gamma BlueGamma 11sGamma Blue 11sGamma Blue 11sJordan Gamma Blue 11Gamma Blue 11sJordan Retro 11 gamma blueGamma Blue 11sJordan Gamma Blue 11Gamma 11sJordan Retro 11Jordan Retro 11 gamma blueJordan Gamma Blue 11Gamma Blue 11sJordan Retro 11Gamma 11sGamma Blue 11sJordan 11 Gamma Bluegamma blue 11sgamma blue 11gamma blue 11s for saleJordan 11 ChristmasJordan 11 ChristmasGamma Blue 11sJordan Retro 11Retro 11 2013Retro 11 Gamma BlueJordan Retro 11Jordan 11 2013Jordan Retro 11Gamma Blue 11s For SaleGamma Blue 11sjordan retro 11jordan 11 gamma bluejordan 11gamma blue 11sGamma Blue 11s For SaleGamma Blue 11sGamma Blue 11sGamma Blue 11s