Isalen  
  • TIYERSI : ammud n yisefra n umedyaz MESƐUDEN Fahim yeffeɣ-d ass n 1 di maggu 2014
  • Arraz Belɛid At Aɛli
  • Tamaziɣt deg tesnawit
  • Ax yella, tuṭṭfa ulac deg Weqbu.
  • Tafaska n Muḥend Saεid Amlikec (M. Houd)
  • Amekti
  • Zwaren, ewwḍen d imezwura u ad d-qqimen d imezwura
  • Issin : asegzawal n Kamal Buεmara
  • Tajmilt i Muḥya
  • Tiγri ar uttikki ar ṛṛeḥba n wedlis d wegtelγu amaziγ de TUBIRETT
  • D ileqqafen neγ d tiddas...neγ ahat d taγlalt
  • Talalit n wesmel amaynut
  • Aksil ilul ass n 20 di Tuber 2009
  • Arezqi Lbacir d inebgi n Rradyu "Numydia"
  • Isalan yerzan tafaska umezgun amaswaḍ Malek Bugermuḥ
  • Ayen yemmeslay l´ancien ass-a n 20.04.2009 di tiliγri (tilifun) yakk d yeqbayliyen yelḥan di tikli n MAK d-yellan di Tizi Wezzu:
  • Isalen
  • Kra si ccreε n (Daεi, aselway n Numidya) wass n Warim/Letnayen.
  • Izen n Σumar Derwic γef wesmel poetasdelmundo.com
  • Ilmend n sin wussan n tezrawt (unadi) i yettwasudsen deg Wehran
  • Ferhat deg Moyeuvre-Grande
  • Isteqsiyen i Mass K. Naït-Zerrad
  • Asteqsi: dacu ara nexdem ?
  • Atan wahil yeḍran deg Wehran
  • Ulγu n Umussu n Timanit i Tmurt n Yeqbayliyen
  • Tagnit deg tella tmaziγt deg tmurt-is ass-a
  • tamkarḍit taγelnawt n Dzayer: Timlilit d wemyaru
  • Racid ΣELLIC tewwi-t tmettant
  • Tamendawt
  • Taẓrigt tis-sḍis (6) n tfaska n tmedyazt tamaziγt Mulud At Mεemmer
  • ABUDDU ILMEND USEGGAS AMAYNUT 2008
  • Asmel amaynut s Teqbaylit
  • D lewhayem! Ayen iḍerrun ussan-agi d Ikerdiyen msakit
  • I tecbeḥ tmurt-nneγ, lemmer tella deg-s tlelli!
  • Shirin Ebadi : tamṭṭut n akw inaẓaren
  • Wehran: Kra yellan yella mgal-nneγ ass-a
  • Amulli wis kraḍ γef tmenγiwt n MHENNI Ameẓian
  • Tamurt n Leqbayel, Lqaεida teṭṭef deg walal-is
  • KRA N WIN ITEDDUN ΓEF TIDETT YEṢṢAWAḌ
  • Issin-iyi ad ak-issineγ !
  • Amussu n Timanit yugi ad yettikki deg tefranin n Mayu 2007
  • Nγan Remḍan Ḥaifi assa n 24 deg Furar
  • Ur ten-ntettu, ur ntettu azal nsen
  • Nna Fa ad tuγal ar Munryal deg Furar-agi
  • Ğamal Benεuf: Isalen sγur tiddukla n Numidya & Ahil n tfaska tadelsant n Timidi d Tmerrit 2007
  • 2007 d aseggas n yidles aεṛab deg tmurt Umaziγ.
  • Anwi isekkilen i Tmaziγt ?
  • Tamazγa: Ussan n Wedlis Amaziγ
  • Tidak n Nna Fa
  • Nγan Σisat Rabeḥ
  • Tuγalin n Dda Sliman ar Tmurt
  • Sers iγsan-im deg talwit
  • Agdal n temlilit n Tefrit (Aqbu)
  • Zemmem, qemmem, ṭṭef imi-k susem.
  • Tabrat n Ğamel BENΣUF
  • Tiγri n wedrar
  • Immut win akken i s yennan :"Tamaziγt d yemma-s n tutlayin."
  • Aqbuc n ddabex neɣ nnif n twaɣit
  • Tisusaf mači d-aman kan, rregmat mači d-awal kan.
  • Aγmis "Iẓuran" yuγal-d ?
  • Aqusis Ussnan n Tesdawit n Bgayet
  • Tamaziɣt deg Wehṛan (Win yebɣan iqqaṛ: amek ?)
  • Gilles Duceppe ar tmeɣra n Yennayer
  • Tamkarḍit
  • 20 Yebrir n 1980 : Tafsut n tirrugza
  • spacer
     

    | | |

    Wehran: Kra yellan yella mgal-nneγ ass-a
     

    Axxam umezgun n WehranAss : 05 yulyu ( tasekmut uzarug n Dzayer) 2007. Tamert : 3 n tmeddit. Adeg : Tazeqqa Umezgun Aẓiyan « Σebdelqader Σellula » n Wehran ( T.R.O) , i d-yezgan deg uberreḥraḥ neγ agni ( place) 1u wamber 1954 ( « Plaṣ d arem » i s-qqaren medden). Aneḍruy : Ahanay umezgun ( tamezgunt « Bu Tcacit ulac-it ».
    Amsermed : Tarba
    εt « Tigawt d wawal » n tiddukla Numidya n Wehran. Tagnit : Tiririt n tejmilt neγ asmekti n « Lwennas Matub » ilmend umulli wis-9 γef tmenγiwt-ines.
    Maca,
    Kra ur d-yettweḥḥi s wannect-a ? Tinazalin ne
    γ les affiches d tid-nni uhanay yezrin iḍelli-nni « Mutazewwij fi Σuṭla –- d amunulug n Samir Buεnani--- » At terbaεt « Tigawt d wawal » llan deg ugensu ( daxel),ttheggin iman-nsen deg usayas ( tiftilin…d wanda ara yers ddikur..).
    Γef n tmeddit, d lawan ad yebdu uhanay, alammi d tura i tt-waεellqent « lizafic », kra seg uzayez ( lγaci) ttrajun zdat n tewwurt akken a d-ṭṭfen imukan (yettwaḥettem ad xellṣen 100 idinaṛen akken ad kecmen) ; maca, tiwwura medlent, iigiciten (les guiches) medlen.. d acu-t uxeṣṣar-agi ?! I s-teqsayen lγaci. Sdaxel ttuqten ixeddamen, maca yal wa yeqqar « alday n tewwura d igiciten mačči d ccγel-iw nekkini » !!! « Nutni xaḍen-tt akken ad ḥebsen ahanay-nneγ, ssyen ad gen aneqqis ( rrabul)-nsen belli ulac lγaci.. » i yenna Ğamal Benɛuf i imeddukal-is , yerna yenna : Nekkni ur nteffeγ ara ssya alamma nga ahanay-nneγ γas akka ur d-kcimen lqaci. Γef 16 d 45 n ddqayeq mazal tiwwura medlent, Samir Zemmuri ( d aεeggal n Tigawt d wawal) akk d yiwen « urijisur n T.R.O ssawlen ( s tilifun) i Γawti Σezri (anemhal n T.R.O) ? yenna-yasen-d « Init-asen-d ad ldin tiwwura, ad kecmen lγaci baṭel ( acku yugad ad yeḍru kra).
    Γef 5 n tmeddit i yebda uhanay zdat ahat n 30 yemdanen imi ddeqs deg-sen ruḥen..
    Γef 6 d wezgen i yekfa uhanay, s leḥrara meqqren, yenna Ğamal Benεuf deg wawal-is : « Kra yellan yella mgal-nneγ ass-a.. γas ma kra seg ixeddamen-agi uklalen tanemmirt ilmend ibeddi i d-bedden yid-neγ ; maca, wiyaḍ wwten akk akken ad yettwabṭel uhanay-nneγ : Tiwwura ur tent-ldin ara deg lweqt, « les affiches » i sen-d-nefka ur tent-εellqen ara, alammi d 16 (t) d wamek tent-nεelleq nekkni.. Maca, a sen-iniγ kan « Aql-aγ da, mazal ad nili skud nedder ! Lwennas Matub yuklal a t-id-nemmekti, γas di drus yid-neγ i nella ass-a, aql-aγ nerra-yas tajmilt ilmend ummuli wis-9 γef tmenγiwt-ines. A wen-d-iniγ tanemmirt i kunwi i yeqqimen yid-neγ γas deg wezγal-agi yecban asafu. Ma tessurfem-iyi llan yid-neγ dagi kra « imesseεraben » γas ur ssinen ara taqbaylit, maca, qqimen yid-neγ, ula d nutni uklalen aṭas n leqdeṛ ( dagi yemmeslay-asen-d s taεrabt, meḥsub d ayen akken i d-yenna s teqbaylit i wumi d yules s taεrabt).
    Uguren mazal gran-d imi ugin akken ad ğğen ddikur dinna i uzekka-nni, am wakken ugin xerṣum a t-ğğen din ula simmal ara d-aweḍ tkeṛṛust ara t-yessiwḍen ( ddikur)
    γer usideg n Numidya.

     

    Atlas at Wemsed

     

    Isalen & tidmiwin
    Sγur War isem
    Yelha lemmer ad i3elleq wemdan tinazalin timaynutin, ad yaru
    deg-sent assa yella yiwen n umezgun s tutlayt tawehr´anit ṣaḥbi, azwel-is " Wac bihum Zwawa w Legwer?".



    Sγur Guraya
    Azul fell-awen.
    D acu-t uyennat-agi daγen!! ass-nni, lliγ di Lekmin, ttrağuγ i rrayeε-agi n Aṭlas, a ziγ terwi di " T.R.O" d nekk di "Ṭṭoro"!
    Bγan a tt-id-awin am tinna akken " ma tečča tečča, ma ulac d aqeṣṣer" akken i t-yenna Dda Lmulud.
    Dagi, deg Wehran i tzedγeḍ a War isem amcum, nekk ttγil-k di Kanada! Buhh.. fell-i, buh!!.. a ziγ bbehbaγ..
    Guraya

    Sγur Amucar
    Azul a Librubru.
    Jjmiε liman ar tgerrez tagi. Zik, lliγ win ara d-ineṭqen ini ssiwḍeγ-t γer "lqesma n sidi Flan", ssya d asawen win ara d-ineṭqen a t-id-ssiwḍeγ γer da ( imyura), asiweḍ yella yella, meqqar ad mmucreγ i ubaγur n watmaten-iw. Tudert i Tmaziγt.
    * Sebba i d-ufan (ixeddamen-nni n T.RO) wid-nni yeğğan axeddim-nsen rewlen:" nγil γef 18 (t) mačči γef 16 (t)"

    Sγur War isem
    A Guraya,

    zedγeγ di Lalman

    Sγur amnay
    Izukar n "wihra" atenan di tmurt nnsen. Γur-sen azref a sen-gezmen awal i wid ur nelli d " izukar-inselmen" am nutni.

    Dγa newweḍ-ed ar tagara n temsalt: limer a newwet γef UZARUG n tmurt n leqvayel, ahat aγ-d-iban tafat azekka.

    - Imḍebren n wexxam umezgun " εebdel-qaqa " aki nnsen, d aεraben u d inselmen (meḥsub; wid i ikerhen yawk leqvayel deg umaḍal), u xedmen ayen i sen-d-yenna "allah nnsen"!
    Azekka, ass m' ara nuγal d agdud (ur nteckenkiḍ deg ijuffar n izukar), a nesεu Ixxamen umezgun nneγ, a nesεu ixxamen n yedles nneγ...a nesεu TAMURT nneγ! Ass-nni nezmer a neg ticeqqufin s teqvaylit...

    Ma yella d ass-a, wid yebγan "izzayriyen" dγa a ten-yerwu! Neẓra acḥal iγ-kerhen izukar, maca nekkni nettεemmid i din rebbi nnsen!

    Sγur Muḥ Umuḥ
    Azul. Ayen yeḍran d terbaεt-agi-nneγ n Wehran, d ayen ur nettwaqbal! Aqlaγ yidwen.

    Sγur Ilelli
    A Muḥ n Muḥ, wwet aqabac, si zik n zik, tabεa ulac...

    Sγur Muḥ Umuḥ
    Azul ay Ilelli. Nekk d Muḥ imi-w ifuḥ, ifassen-iw d uffal. "Xḍiγ i ddebza u ddmaγ" i yenna Sliman εazem. Ula d arrac-agi-nneγ qebḥen cwiṭ, ssneγ-ten.

    Sγur Amcum
    A lemmer a d-yuγal Ureẓqi Lbacir i iqeḍεen i lqeyyad ssuq, neγ Ḥmed Umerri, d wigi kan i ilaqen i tegnit am ta; wamag d acu ara yeg Muḥ Umuḥ bu yimi ifuḥ!

    Sγur Laẓ/ waḥidun
    Azul fell-awen (t)
    Tenɣa-yaɣ tatut! Nekk dɣa kra yellan tettuɣ-t, angar kan ddiminu i ugiɣ ad ttuɣ. Ad as-tiniḍ uran-iyi-d fell-as taḥerzet.. akka , yella wa s wacu yettwet! Wa yettwet ɣef ddiminu, wa yettwet ɣef tqerɛtin, wayeḍ yettwet ɣef teqcicin.. "wa yebri, wayeḍ yewwi-t ubeḥri" , ruḥ a sidi ruḥ!
    Ass-nn n wemhad 05/07/07, ɣas ḥṣiɣ yella uhanay di " T.R.O", maca, nniɣ mazal lḥal, ad ruḥeɣ ɣer lqahwa " Uzewwad", di rue de phillipe i d-tezga, lewhi n 300 lmitrat kan ɣef wanda ara d-tili tmezgunt-agi. Ɣef rrebɛa n tmeddit imi iɛeddaɣ a d-kkreɣ, ufiɣ-d iman-iw sbubben-iyi-d 15 neɣ ma ɛecrin n leqhawi! Amek ara xedmeɣ akken ur ttxelliṣeɣ ara ( nniɣ i yiman-iw: rewleɣ-d si ɛecra-alaf n "T.R.O", weḥleɣ di tlatin-alef n ddiminu, --gar-aneɣ kan, ur qqaret ara i wiyaḍ--?!) ? Kkreɣ ukreɣ-asen "ddubelsis"nni amcum, ǧǧiɣ tarbaɛt-nni ttnadin fell-as, yekker deg-sen herwel.. Almi d-yenṭeq Ssi Ɛli ( wagi si tama neɣ lǧiha-nni n Mmi-s n Wemsed, imi taqbaylit-nsen moderne) " Ur t-teẓriṭ-it ara (=ur t-teẓriḍ ara)?! Atan yerra-yas-d Dda Acur ( Ɛacur) wagi n tama-yihin n temyarut Tamaziɣt, At zeddi Muḥ-nni): Ambbwa wa (= Anwa wa)?! Lḥaṣul, yekker yiwen rrwi meqqer: Wa yeqqar " Yenɛel waldin n leqbayel am kunwi"! Wayeḍ yeqqar " Kunwi d leqbayel n sservis, ulac fell-awen littkal"! Ma d nekk, nniɣ-asen " Leqhawi-yagi a tent-nebḍu, yal yiwen ad ixelleṣ ayen yeswa". Dɣa tthennaɣ, bdiɣ cennuɣ tinna akken n Sliman Cabi " Imaziɣen n leqhawi". Ffɣeɣ-d ssyen, uliɣ-d ɣer place d'armes, ufiɣ-d akk leqhawi ččurent: Weɛmuri teččur, Ǧreǧra teččur, Friḥa teččur. Ula d aberreḥraḥ-nni n plaṣ d arm yeččur s leqbayel, a ziɣ mačči kan d nekkini i yettun, a medden akk tettun!..
    "Winna akken ur nesɛi ccfaya
    Ulayɣer littkal fell-as"
    "Tasarut wuɣur tella
    Ɣer tarwa n Bbexta
    Akken a s-d-brun d lmuḥal"
    Ṭṭes di talwit a Dda Lwennas, wamag Leqbayel am nekk ur nuklal ara ad nili d agdud-ik!
    "Bu tcacit yella, aqbayli ulac-it"
    Laẓ/ waḥidun

    Sγur Bu teɣyult
    Azul fell-awen
    Ass-nni n 05/07/07 ɣef leḥḍac (akken qqaren wat Sidi Ɛic), di Lḥasi, tama anda zedɣen Leqbayel
    -- Bu teɣyult: Aya lisidi ( C.D) n leqbayel, deg-sen "ass-a nezha", deg-sen" alur trisiti" deg-sen " nnan-d ala a tin ḥemmleɣ, ur d-qqar ala"!.. mazal-it yettberriḥ..
    -- Taɣyult i bab-is: Ma kečč teqqimeḍ dinna i tili, nekk aql-i ɛebbaɣ, rniɣ addud i yiṭij?!
    -- Bu teɣyult: D acu tebɣiḍ a m-xedmeɣ, d wagi i d lkumirṣ ( taneẓẓut)?!
    -- Kečč aql-ik tettkeyyifeḍ ddexxan, nekk ur ufiɣ ara d talazuqt ( tacwingumt) a tt-ffẓeɣ..
    -- Bu teɣyult: Ax-n talazuqt, meɛni ssefhem-iyi-d d acu i yuɣen leqbayel imi ur d-ffiɣen ara akka ad aɣen lisidi n ccḍeḥ?!
    -- Mazal-iten xuccen. Yernu d kečč i ten-yessegnen a Winnat..
    -- Amek, amek?!
    -- Nsan jeddben s lisidi-nni i sen-tezzenzeḍ iḍelli " Ḥabibi yalleah, buṣi buṣ "n Nansi Ɛeǧrem, "Ana weḥbibi nleggeṭ f nnewwar" n Ccixa Rrimiti, "Malha hadik lbeyḍa" n Cab Xaled…
    -- Bu teɣyult: Ddeqs, ddeqs.. Fiḥel tuffẓa deg wawal! D acu i d tifrat-ines tura waya?!
    -- Taɣyult: Lkumirṣ, neɣ Leqbayel-agi yegnen akka?!
    -- Ula d nekk d aɣyul, imi ttaruǧuɣ tifrat sɣur teɣyult!..
    -- Tugareḍ aɣyul ( ḥaca aɣyul n tidet). A d-iniɣ tid i txeddmeḍ ?!!!
    Bu teɣyult: Yelha sser a taɣyult……
    " Taddart ma a s-d-tebru i ctacta ( zzayla)
    Nekk seg imezwura
    Ara s-d-iḥuccen mebla acetki ah" Gen di lehna a Dda Lwennas, niɣ ( yak) d kečč i d-yennan
    "a d-iniɣ kan ṣṣeḥ :leqbayel ur ttkileɣ ara fell-asen"
    Aya lisidi n leqbayel! Ass-a nezha, Nnan-d ala a tin ḥemmleɣ ur d-qqar ala..
    Aɣyul, (ssurfet-iyi yeɛreq-iyi yisem-iw) bɣiɣ a d-iniɣ Bu teɣyult

    Sγur Guraya
    Bunjuɣ li fi ( les filles)
    Nekk ass-nni ɣur-i tameɣra, ttwaɛerḍeɣ s axxam n yaya; tefka yelli-s, isem-is " Aya". Aya yuɣ-itt yiwen uferṭeṭtu, d aqbayli, isem-is " Nunu", d mmi-s n yiwen upaṭɣun ( amɛellem), yesɛi cci, d amalh n ttrika i yesɛa. Akk medden ttɛuddun-t d atlemsani, ur yessin ara le kabyle ( takbaylit), yetthenna meqqar, yeǧǧa lhem i wid i s-izemren (awer kkren!).. D acu ara went-id-iniɣ "a li fi": Lvila-nni llah llah deg Maraval, takeṛṛust-nni " Kaṭkaṭ" amzun d "lavyun" ( ṭṭeyyara), d acu n ddhubat i iɛelleq, wama llbus-nni : ala lmarkat-nni n Ṭṭelyan, rrwayeḥ-nni n "paɣi" ( Paris) yal yiwet ( rrwayeḥ) deg-sent ugar umelyun i teswa… Ih.. tesɛa ẓẓher "Aya"-nneɣ, mačči d yir tawenza am nekkini! Laviɣiti ( tidet) kan: ammer ufiɣ a yi-yernu yid-s, a yi-yaɣ ula d nekkin, ad iliɣ d takna n Aya, maɛlic ad qebleɣ " lapuligami" ilmend n cci-nni, kullec iǧuz!..
    " Cnu tuɣac n tayri
    Tuɣac n tayri
    Ḥwec-d awalen isehlen
    Awalen isehlen
    Ḥemmleɣ-kem teǧǧiḍ-iyi
    Ah, teǧǧiḍ-iyi
    S lmusiqa xfifen
    Akken ara ceḍḥen
    Iha, iha ad tɛeǧbeḍ i teqcicin
    Iha, iha a tent-terreḍ d tiderwicin
    A tawaɣit-iw, tenza teɣribt-iw
    Tidi n leɛtab-iw, yeswa-tt icirriw
    A tawaɣit-iw…" Akka i yenna wemnaṭri-nni n Uleḥlu.
    Unvwaɣ ciɣi Amnay, bay!
    Guraya.

    Sγur Amucar
    Acu ara d-iniɣ?!
    Yenna-yas wedɣaɣ: -- ad fsiɣ.
    Yerra-ya-s-d ukerra ( "akerra" d adɣaɣ n wakal):-- nekk, ihi ula ay d-iniɣ!
    Amucar

    Sγur Aṭlas Nat Wemsed
    Azul fell-awen
    "Fkiɣ-as rray i Muḥ, al.. la..l..la..la
    Ihudd ( "yebna" i yeqqar ucennay)-iyi axxam iruḥ
    D rray-ik a gma"
    D acu i d anamek i yesɛa wawal-nni i d-tenniḍ " ssneɣ-ten qebḥen"?!
    D acu-tt leqbaḥa-yagi ɣer ɣur-k keččini?!
    1) Ur iwulem ara a d-nini " aḥḥ!.. ɣas ma nettwet, ilaq-aɣ ur d-nettnazaɛ ara, a tt-naɣ kan mkemmda, ad nexmet ad nessusem?!
    2) Ur ilaq ara ad neg kra n wermud ( leqdic) ara d-yesmektin azamul Lwennas Matub, neɣ kra n wermud ara yeffɣen i wahil n "Dzayer d tamaneɣt n yedles Aɛrab", neɣ kra n wermud ara yeffɣen i taɣult n lfuleklur: ccḍeḥ, timeskanin n yecbuyla, tiẓerbiyin… Imi amezgun ( ladɣa amezgun-agi amugez)mačči kan yexḍa i tigi, maca yettdeqqim wid i ɣ-iḥekmen, at ičumar akk d wik i k-yecban ( ssuref-iyi ɣef wawal-agi aneggaru, ahat ur tuklaleḍ ara a k-t-id-iniḍ imi tettaruḍ s teqbaylit)
    3) Dɣa ma terziḍ-d ayen d-nettaru dagi deg wesmel (wissen ma d ayagi i d-qesdeḍ?!), dagi d ayen nniḍen. Maca, yal yiwen yettgensis ( yettmetil) iman-is kan, nekk ttaruɣ ayen i ttḥulfuɣ d wayen i ttwaliɣ, s yimmad-iw d aqbayli, mačči d ayen nniḍen ( ur lliɣ di kra n tiddukla n ukabar..)
    Asmi i neqbeḥ s tidet ur d aɣ-teḍri ara akka, a Muḥ Umuḥ!
    Qqim di talwit a zeddi Muḥ.
    Aṭlas Nat Wemsed

    Sγur Samir Zemmuri
    Azul fell-awen(t)

    Deg wayen yerzan uguren akk d iɛewwiqen i d-nettmagar sɣur yemḍebbren n "T.R.O":
    Lemmer d lebɣi, yili tazeqqa umezgun tawuri (axeddim)-ines d taẓuri, mačči d tagelda akken i tt-rren kra seg yemḍebbren-ines. Lemmer yelli cwiṭ leɛqel, yili ad ttwaldayent akk tewwura-s i yal amdan, neɣ i yal terbaɛt umezgun i yezmren a d-tefk kra i yidra n wesnefli n yedles s umata, amezgun ladɣa; ur tettwalday ara kan i yiṣemṣaren n tneẓẓut ( ttjara), neɣ i wid kan yecban iculliḍen ideg yesnuffus udabu d ijufar-is! Lemmer d lebɣi daɣen a d-ttwaldayent akk tewwura n tzeqqa-ya i trebbuyaɛ yecban tagi-nneɣ " Tigawt d wawal" imi anagar nettat i iqeddcen di taɣulta-gi umezgun Amaziɣ, yernu s wulac n wallalen. Lemmer d lebɣi daɣen amek ara ttwamedlent tewwura deg wudem n terbaɛt yecban tagi-nneɣ i d-yewwin semmus (5) warrazen i lwilaya n Wehran, yernu tgenses ( tmettel)-itt akken i wulem, maca, ur ḥṣiɣ ara zemren ad fehmen aya yemḍebbren agi n T.R.O!
    Ayen i ilaqen a t-nẓer ɣef uselḥu neɣ asefrek n tsudut-agi n T.R.O :
    ixeddamen n T.R.O ttwaxlaṣen sɣur ddula, yal aggur ttawin tajerniṭ-nsen; ugar ɣef waya, ttawin 45 ilaf iṣentimen i yal ahanay (spectacle). Ma yella d imaririn n tusudut-agi n "T.R.O" ttawin 200 alef iṣentimen i yal ahany, ugar ɣef tjerniṭ-nsen i ttawin yal aggur. Aṭas n ihanayen ḍerrun s drus n yemhanayen ( imferrjen—spectateurs), neɣ tikkwal ulac maḍi; ddeqs ihanayen ur d-ttilin ara imi ulac akk imhanayen. Deg waṭas n tikkwal ula d ineɣmasen akk d yemnadiyen ur ten-ttaǧǧen ara ad kecmen s tnubgiwin, alammi i d-teḍḥa tzeqqa-agi umezgun d tilemt, tessewḥac, amzun d tafekka bla tarwiḥt!
    Seg Wehran: Samir Zemmuri " amarir amsadur ( Comédien Professionnel) yella yakan di T.R.O."


    Sγur Tufiq Ɛemmuc

    Azul fell-awen.
    Ahanay-nneɣ ɣas akka deg wuguren nga-t s leḥrara d wul, imi nugi ad nefk mayna zdat wid i ɣ-yugin.
    " Ma nnan-iyi-id s anda tleḥḥuḍ
    A s-niniɣ nekk d Amaziɣ" I yenna Lwennas.
    Tufiq Ɛemmuc (d aɛeggal n terbaɛt " Tigawt d wawal" n Wehran)

    Sγur Bu ccfaya
    Azul.
    I Amnay
    Ɛebdelqader Ɛellula iɣef semman tazeqqa umezgun aẓiyan " T.R.O", nɣan-t irebraben di 1994, deg waggur n remḍan, deg yiḍ imi iteddu ad yessermed asarag di teɣremt n tẓuri d yedles n Wehran ( P.A.C.O). Isem-is ɣas yettunefk i tzeqqa umezgun n Wehran, ma di tidet ulac wi t-iqalen, ula d wid-nni i yeččan tagella d lemleḥ seg ufus-is ur t-zgilen ara. S tidet kan yif aṭas seg wid-nni-nneɣ, leqbayel-nni n sservis. A k-iniɣ daɣen: amur ameqqran si tkemmict-nni i d-yusan ass-nni d "aɛraben", lemmer mačči d nutni yili ur d-iḍerru ara uhanay-nni.
    Ɣef wakken sliɣ " Ɣawti Ɛezri yerfa aṭas ɣef ixeddamen-ines, yiwen seg-sen yesṭaxxer-it ( winna akken i yugin ad yeldi tiwwura, yenna-yas nniɣ-ak-n : ldi tiwwura, ldi-tent,i lemmer i d-yeḍri kra. Wayeḍ yenna-yas: rnu ara d ifak waggur-agi teṭṭixxreḍ.
    Ɣurk ansi i treffuḍ ay Amnay, nekk ur lliɣ ara seg wid yettḥaddan aɛraben, maca, tidet d tidet.
    Bu ccfaya.

    Sγur Muḥend Lɛerbi n At Waɛrab
    Azul
    Abba..abba.. abba!.. Iraḥ-d ccyaḍ. D lawan n ttraḍ ger Librubru n Wehran! Ad teqwu tɛekkazt gar-awen!
    Ur d-tenniḍ ara a Bu ccfaya; Acḥal i d azal n wedlis-agi unezgum? Ansi ara t-id-naɣ, ma ɣer "Ɛac ssya" neɣ ɣer tgelda-nni-nwen n Numidya?! Ini-yaɣ-d daɣen ma mačči difandi i tɣuri?!
    Ilaq a s-ternuḍ daɣen ciṭ n Biblisiti, akken ad yenz, axaṭer Leqbayel ḥeqqren s tmuɣli, alamma tenniḍ-asen"tewwi sin warrazen tnezgumt-agi:

    - Arraz n weḍris amyifi (Prix de la meilleure texte) di Bgayet-2004.

    -Arraz usensayes amyifi (prix de la meilleure scénographie) di Tizi-Wezzu–2004
    Akk d waṭas n rregmat dagi ( Wehran)

    Muḥend Lɛerbi n At Waɛrab ( si tmurt n Waɛraben)


    Sγur Ǧamal
    Azul i kunemti d kunwi
    Tanemmirt i wesmel-agi d-yeldin tiwwura-s i yakk imdanen, akken yal yiwen seg-neɣ yezmer a d-yefk takti-s, tidmi-s.. Tanemmirt daɣen i wid d-irezzun ɣer da.
    "Fiḥel ma zziɣ i wedrar aɛmam" akken t-nnan yakan. Ayen iḍerrun yid-neɣ dagi ( Wehran) neɣ anda nniḍen, mačči d cwiṭ!

    "Regmeɣ-k a gma ur ttsetḥiɣ
    Ayen akken i d ak-nniɣ
    Iḥuza-k ur d iyi-yezgil" I yenna Lewnis At Mangellat
    Qqaren " wi ur neqbiḥ, leɛmer yerbiḥ" a Muḥ Umuḥ, wissen ma ad neqqim neɣ ad nruḥ!
    Kra si twuɣa yugaren tadyant-agi iɣef nettmeslay ass-a:
    1)Tadyant n ccreɣ n gma-tneɣ Zamus Ssaɛid ( Daɛi i s-neqqar nekkni s imeddukal-is, imi d aselway n tiddukla Numidya n Wehran) attan di ccreɛ unnig n Dzayer tamaneɣt, imi dagi ḥekmen-as s useggas n lḥebs akk d 20 alef idinaṛen, wissen dɣa amek ara tefru?! Sebba i s-d-sbubben , nnan-as " tessawleḍ-d i iberraniyen akken ad kkin di Tefsut taberkant"! I tura ad tedduḍ neɣ anef-aɣ ad nruḥ a Muḥ Umuḥ?
    2) kra seg yismawen Imaziɣen ar ass-a, ar azkka, mazal-iten megdulit deg waddad aɣarim n tɣiwant n Wehran: Snat teqcicin ( ɛad d tullas, qrib ad jewǧent) mazal-itent war isem ( ɣas sɛant ismawen : Kahina d Tinhinan) . D acu tenniḍ a Muḥ Umuḥ?!
    3) Asideg ( axxam neɣ tazeqqa) n Numidya werɛad i s-d-gin lekwaɣed, ugar n 16 iseggasen-aya d nekkni d tazzla ɣer Lwilaya, ɣer Ddayra, ɣer "O.P.G.I" ( takebbanit n tmezduɣin). D acu tenniḍ a Muḥ Umuḥ?!
    4) Tiddukla Numidya n Wehran ur d as-d-tettunefk ara ticcert-nni n "tideggi" (agrément) almi i yemmed useggas d 12 wussan ( si 18/09/1990 alammi d : 01/10/19991) Sebba-s d yiwen wawal-agi " aselmed n Tmaziɣt" i nsedda deg umagrad yerzan iswiyen n tiddukla-yagi. D acu tenniḍ a Muḥ Umuḥ?!
    5) Lewhi n kraḍ ( 3) wagguren tura: Yiwet tmeṭṭut d taxeddamt deg yiwet tkebbanit n ddula ( ddula n yebki, la taḍuṭ, la ayefki), akken i terra s teqbaylit i win s-d-yessawlen s tilifun-nni amaṭṭaf, akken s-d-yesla yiwen umassay ( imḍebber) n lbiru-nni, tluɣ-d tegnewt-is, yesṭaxxer-itt-id seg uxeddim, yura-yas-d di tebrat-nni n wesṭixxer " Izɛaj bi llehja l amaziɣiyya" ( am win ara s-yinin " terẓiḍ-aɣ iqerray-nneɣ s tantala –--asqewqew— n Tmaziɣt) . Truḥ ɣer ubugaṭu, yerra-tt ɣer uxeddim-ines, maca, yesruḥ lkaɣeḍ-nni neɣ yesruḥ-it akken ad yessedreg anza-nni. I tura d acu tenniḍ a Muḥ n Muḥ?! Nekkni aql-aɣ da, ma d kečč abrid i k-yehwan aɣ-it.
    Yenna-yas "a mmi wwten-aɣ". yenna-yas" a baba ɛeqlen-aɣ"
    S iḥulfan n tegmat
    Ǧamal

    Sγur Hemmu
    Tanemmirt a Ğamal.

    Sγur Muḥ Umuḥ
    Azul fellawen
    Nniγ-awen wigi d čaqlalat, ssneγ-ten qebḥen nezzeh, nezzeh.
    Lliγ ttruḥuγ-n di yal ṣṣif ma ara yili din llars ( lεers), kkateγ din aberquq , azitun akk d ukuskus. Ssneγ dda Σebdella at Ḥaman, yernu acḥal d lmeṛṛa I dawen-yaqqar: Ur ttqazamet ara ddewla, ur ttawit ara ẓẓerb γef wacciwen. Kenwi ipa mayan, ad tezzim ad tezzim, ini tuγalem γer ucetki-nwen!
    Muḥ Umuḥ s ccemma imi-s ifuḥ

    Sγur Muḥend Lεerbi N at Waεrab
    "Sslam n yuc " akken t-nnan Yemẓabiyen.
    Σerqeγ deg wadeg, ideg ilaq a d-aruγ i ukessar ( ddaw tnezgumt-nni), nekk uriγ-d dagi i usawen; ma tzemrem γas rret-tt deg wemkan i s-ilaqen.
    Γur-i daγen yiwen westeqsi i Bu ccfaya: Acḥal i s-fkan d idrimen ( d tunṭict) γef wedlis n tnezgumt-agi?!

    Muḥend Lεerbi N at Waεrab si tmurt n Waεεεraben

    Sγur Aṭlas
    Azul a Dadda Ḥemmu
    I lemmer a d-iniγ tilufa yugaren tid i d-yenna bu tqerruyt-nni n Ğamal, a yi-d-tiniḍ ula i nekk tanemmirt?!
    Iban usigna-s tekkat, kullec s wudmawen, a ddin rrebbb!!!!

    Sγur Aṭlas
    Azul a Dadda Ḥemmu ameεzuz.
    Γurk ansi treffuḍ fell-i ḥemmleγ kan ad sqecmεeγ yid-k, acku lemmer ur k-ḥemmleγ ara ur ttnecraḥeγ ara yid-k; yernu niγ teẓriḍ nekk d aqerruy n texsayt a Dda Ḥemmu.

    Buddeγ-ak tazmert, talwit d wussan yelhan a Dda Ḥemmu, ay amγar azemni, a bu cclaγem annect-ila-ten
    Aṭlas

    Sγur yir nettat
    azul
    Zaama ur teẓrim ara belli aaraben ur ken-ḥemmlen ara!Wi k-innan a lḥağ ḥuğğ-d, wi k-innan eğğ-d arraw-ik:ccah deg-wen
    imi tamurt n leqbayel wessiεet.
    Nefka-asen tamurt nsen, lehna ad nečč akal.Taqbaylit teḥwağ arraw-is.Bien fait pour vous amnesiques!!!

    Sγur Mmi-s n Wemsed
    Azul fell-am a llεali
    Lhant rregmat-im, ẓidit deg yimi-m, d tiqqit n tamment, lemmer γas ad aγ-d-ternuḍ kra seg-sent! Ččḥeγ fell-am nezzeh a tagi, imi tsemmaḍ yir nettat i yiman-im a tucbiḥt, tuḍrift. Γur-m azref di kra n wayen i d-tenniḍ, d wayen ara d-tiniḍ alamma temmuteḍ ( sslama-inem, ad mmteγ nekk wala ma temmuteḍ kemm; εni nessager tulawin i kem-yecban?!!); d nekk i d yir netta, tqeẓẓaḍ-iyi, uklaleγ ugar.
    Ğğiγ-kem di talwit d liser. Tacḍaṭ n lejdud fell-am
    Mmi-s n Wemsed "meskin"

    Sγur Ğamal
    Azul fell-awen.
    I Muḥ Umuḥ
    Teqqareḍ qebḥen warrac-agi, wali ṭrac amek yeḥdeq mmi-s n Wemsed!
    Irwala-k ( ur ttḥawal) učči, lemmer a k-teḍru am win akken iγef yenna Uleḥlu " Σemmi Ḥmed tuzzel tεebbuṭ-is"

    I Yir nettat
    Tbuṣaḍ ur tenγiḍ a tagi i d-yerzan γerda

    Ğamal


    Sγur Guraya
    D isem-im ay d awl-im a Yir nettat. I truḥeḍ kan a d-tessufɣeḍ aɛraben-nni yellan di tmurt n Leqbayel, neɣ xerṣum sseḥbes rray-nni yesṭenṭunen di tmeɣriwin-nwen, imir-nni mmeslay-d neɣ ḍebber fell-aɣ, ahat ad yecbeǧ fell-am. Maca, kemm ur teḍlimeḍ ara a Yir nettat, xuḍi d yir nettat ay telliḍ; ay iḍelmen d ičebčuben-agi-nneɣ ( mmi-s n wefsed) i yeqqlen d tijeḥlumin uyaẓiḍ, abeḥri i d-isuḍen ddan yid-s!
    A nnger-im, a tuqqiṭ-im a Yir nettat
    Guraya


    Sγur amnay
    Meḥsub d Izukar-nni n wihran xir n LeQbayel n tmurt!!

    Dayen, Guraya tufa-d d anwa i d iccenga-is: d arrac d tullas-nni n tmurt n leQbayel! Atnan γur-em a tuḥrict, mi twalaḍ yiwen n yiwet seg tmurt, ruḥ sγim-as-d a t-nγen wat-taεrabt d tneslemt!

    Sγur a
    Arnu εeggeḍ alma yeggers ugerjum-ik : taḥya les xuruṭu akk d "bu-tefliqa"! - U wac bihum leqbayel mεa laεreb ?--

    A nnegr-im a taγeddiwt (akken yeqqar Ssaïd).

    Sγur yir nettat
    azul
    annaγ teqqarem nekkni d atmaten, ulaclxilaf ger awehṛani d weqbayli...atg; ihi ccah !ccah !ccah !ccah!
    Tettum asmi teṭṭaḥem iṛumyen nutni qqren-as:wac bihum leqbayel mεa nnṣaṛa?
    Asmi iğadaṛmiyen neqqen deg warraw nneγ nutni čeṭṭḥen ; assa twehmem deg wayen i wen-xedmen?
    Ur yellid acu i teẓram mazal lxir ar zdat!
    maεna akken i d-tenna setti:Aydi iḥemmel wi t-ixenqen!!!

    Sγur Mmi-s n Wemsed
    I ( ɛerḍeɣ ur zmireɣ ara a d-ssufɣeɣ awal-nni n " yir") Netta
    Azul ay agerruj. Ayen d-tenniḍ akk d ṣṣwab, anagar ṣṣwab i d-tenniḍ. Ɣas ḥṣu d akken seg selliḍelli ur ɛriḍeɣ tagella ( lqut), ma gnen waman d yesɣaren nekk ugint ad medlent wallen, d axemmem kan deg wayen I d-tenniḍ. Atentad teɣtasin i ṭṭfeɣ:
    1) Ass n wemhad (lexmis) a d-dduɣ d terbaɛt-agi-nneɣ umezgun ara n-yasen ɣer At Meɛɛuc ( Bgayet= rruḥ n Leqbayel), a ten-ǧǧeɣ dinna, nekk a n-aseɣ ɣur-m, ini-yi-d anda telliḍ ( azen-d ɣer dagi , aql- ttraǧuɣ ɣer zdat tewwurt n wesmel, ɣurk seg Umucar—Amaziɣ n 2007—a kem-yessiweḍ i zizi-s aǧadarmi n lɛar – ur kem-ɛniɣ--); ɣas ad iliɣ ɣur-wen d ameksa – wi yecqan—wala ad iliɣ seddaw tecḍaṭ "izukar".
    2) Yernu kra yellan a t-ǧǧeɣ da, ur mmesriɣ rrbeḥ-nsen, a n-aseɣ s ccurṭ ( shorte).
    3) Gezmeɣ merra assaɣen i yi-icudden ɣur-sen, ula d tayri-nni n m tḥennikin-nni n "ssibar".
    Ttxilem ur ttcuḥu ara s tira, rregmat-inem lhant!
    Mmi-s n Wemsed meskin

    "Yir tagmat am kalitus
    Iṭij-is messus
    Mebɛid I terra tili" Iḍes n talwit a Si Muḥed U Mḥend.
    I Guraya d imeddukal-is
    Ma yehwa-yawen mserwit neɣ myuddamet ifḍisen gar-awen ( kunwi, Amnay, A, neɣ wiyaḍ…), nekk " ṭṭumpi", ur d-cliɛeɣ ara. Maca, tella yiwet werǧin a tt-yennal waḍu asemmaḍ neɣ kra.. skud lliɣ nekkini zdat-s, deffir-s, s idisan-is; acku qebleɣ ad ččeɣ ɣef ddra-s tirṣaṣin, ma yehwa-yawen ad nesker ṭṭrad " fratrisid", a t-nesker! Mačči kan d idammen ɣer tgecrar, ma yehwa-yawen d asif n " ladyari" ara d-iḥemlen alamma d tigecrar, tfehmem neɣ ala?!!
    "Nettat"-agi d tilemẓit, d lall n 22 neɣ n 24 iseggasen deg usemmud ( leɛmer)-is, ɣas ma ur tesɛi hedd, aql-i yid-s; ma tenwam a tt-tḥeqrem imi mazal tejwiǧ, tɣelṭem!
    "Tagnit mi ara d-tessiwel
    Ay ul ur qebbel
    Tilisa deg wayla-nneɣ" Ṭṭes di talwit a Dda Lwennas.
    "Ufiɣ-d Aɛrab di tferka-w
    Sserɣeɣ-t-id s weḥlalas" I yenna Dda Lewnis
    Mmi-s n Wemsed ( Uṭunumist uṭunum)

    Sγur Mmi-s n Wemsed
    Bγiγ a d-iniγ nettat mačči netta deg ucerriḍ amenzu.

    Sγur Guraya
    Azul. Qqaren " azger ma yeṭṭukek cenna, i weγyul ayγer yerna"
    Wi k-yennan leqbayel d ixṣimen-iw? Wi k-yennan nekk mačč d taqbaylit, nekk ḥemmleγ iwehraniyen?! Neγ ula d kečč tseḥḥer-ik ( tessečč-ak iḥeckulen) Yir nettat almi i k-terra d yir netta ay Amnay?!
    Guraya

    Sγur yir nettat
    azul
    A mmi-s n Wemsed!a wer tawḍeḍ ma ak-d-ṣiḥeγ!!!Nek sεiγ argaz yerna ḥemmleγ-t maεna netta d aṛumi mačči am kečč a bu ccemma!!!
    I leqbayel yumnen s tdukli akk d izdayriyen nniḍen ; aha-kwen-id deg wewṛiḍ!!!D lmuḥal aεṛab ad iqbel taqbaylit !!Tifrat d timanit i tmurt nneγ , kunwi qqimet di Wehṛan tennaγem yid-sen ma d nekkni aqlaγ di Fṛansa nebεed fell-awen!!!


    Sγur amnay
    Mačči d nek imu tsečč iḥeckulen maca i waṭlas d jeddi-s amsed.
    Arnu beεdeγ fell-as anager n wayen yebεed igenni γef tmurt! Arnu nek ttcumuγ am leqbayel nneγ merra. D bu-ccemma arnu n tidett.

    Nek yiwi-yid nnif af leqbayel n Wihran, iγaḍ-iyi lḥal; amek almi i wwḍen izukar ur sen-ğğin ara ad uraren ula d taceqquft (almi s uεeggeḍ d imenγi)??
    Leqbayel teddren deg wihran ugar n tmiḍa neγ snat. ugar n 150 iseggasen, nutni (leqbayel)di Wihran u mazal izukar d ukasan nnsen, ran a sen-kksen ula d tameslayt nnsen.

    Ulayγer ma isexṣer yiwen /yiwet, a s-ternuḍ kem ar wasif. azawan n izukar i d-ikeččmen ar tmurt n leqbayel mačči dayen i nra; nekkat mgal n waya.

    Yir netta (akken teqqareḍ daγ kem a "tasedda"!)



    Sγur Tufiq Σemmuc
    Azul fell-awen
    I Mmi-s n Wemsed
    " A bu tcacit, yeɛreq ṣṣwab ulac-it;
    A bu tsegnit, ayen ssɣerseɣ kečč xiḍ-it"
    Nekkni, ass n lexmis aɣ-yaɣ lḥal di Ṭruna taɣiwant n At Maɛuc ( Bgayet; tameddit ad nurar dinna tamezgunt-nneɣ " Bu tcacit ulac-it", ad nens dinna alamma d iḍ n lǧemɛa ara d-neddez ssyen iḍarren-nneɣ. Attekki-nneɣ a d-yili ilmend n teẓrigt tis-7 n tfaska umezgun " Ɛezzeddin Meǧǧubi, ara tessuddes tiddukla " Imnayen n tɣerma " n Ṭruna. Qqim kečč ad tfuḥeḍ dinna di Lḥasi, a mmis n wemsed.
    Tufiq Σemmuc

    Sγur Ǧamal

    Azul
    A Mmi-s n Wemsed! A ziγ d nniya kan deg-k! Amek ara tamneḍ tadyant n teqbaylit yuγen arumi?!
    Ad kkreγ kan a ten-agmeγ zeddigit, qbel ad luγen. Ma ulac ad ḥeḍreγ i twaγit!..

    Tamawt: Wissen ma teslam s wayen iḍerrun d watmaten-nneγ Imaziγen n ( Umur alemmas) Merruk? Imi ddeqs n twuγa i la izerrin din: takriṭ, tiyita d wetεeddi γef imeγnasen n tmaziγt akk d wid Umussu Adelsan Amaziγ ( M.C.A) deg iγaramen isdawiyen , ladγa deg Imteγren—Racidiyya— sγur imeγnasen ibeεtiyen.. Walit asmel : www.asekka.net
    Ǧamal

    Sγur Laẓ/ waḥdun

    Zur wudem-im a Yir nettat, welleh ma tettsetḥiḍ! La treggmeḍ deg yemdanen i kem-yifen, yerna imi-m ifuḥ ugar icemmamen-nni iɣef tettmeslayeḍ! Megdul fell-am a ɣ-d-temmeslayeḍ ɣef timanit n tmurt n leqbayel d kemm di Fransa. Win yebɣan kra a d-yas ɣer da, mačči a d-yeskiɛwiw ssyen am wuccen!
    Laẓ/ waḥdun

    Sγur Muḥend Lεerbi n At Waεrab
    Ur yeḍlim ara winna akken d as-yennan
    " Sewweq a Lwiza
    Sewweq letnayen
    Yenza nnif, yenza
    Uɣen-t yedrimen"
    A yir lweqt ideg d-negra, neḥḍer alammi tulawin reggment deg yergazen!!! D acu i m-d-yegran d sser?! Tezzenzeḍ nnif-im, tefkiḍ-t d asfel , tuɣeḍ arumi akafriw, aɛdaw n tmurt, aɛdaw n lɛuruba , n lislam akk d tmaziɣt!!!!
    Qeḍran ma yezwar s imi,i tamment i wumi
    Muḥend Lεerbi n At Waεrab

    Sγur Bu ccfaya
    I Mmi-s n Wemsed
    Amek, amek?! Tenniḍ " Uṭunumist" yak akka i d-tenniḍ, ur γliḍeγ ara?! Seg melmi akka i tuγaleḍ d ameγnas n tedsimant?! Ass d amreksist, ass d aprugrisist, ass nniḍen wissen d acu? I iteddun fell-am a lqaεa!..
    Ma d kemm a YIR NETTAT? A m-iniγ kan : Win yufan dderya n teḍsa, ad yeḍs ad yernu…
    Bu ccfaya


    Sγur Guraya
    Azul fell-awen
    Aḥeqq Akal aberkan d Ssidi Mḥend Ubelεid ma yuklal Mmi-s n Wemsed ayen akka i la iḍerrun yid-s. Kullec seg m iḥeckulen-agi i d-yekka. D talfsa m sebεa iqerra! A ssadat d lewliya nendeh yes-wen
    I Amnay: Ula d kečč d izem.
    Guraya

    Sγur Mmi-s n wemsed
    Azul ay "agerruj"
    D acu ara m-iniγ?! Tefkiḍ-iyi tiyita tṣeḥḥa, teǧǧiḍ-iyi d aceqlal, d aceqquf! Ifut ḥemmleγ-kem, tzedγeḍ ul-iw, ur zmireγ ara a kem-id-ssufγeγ seg-s, acku ma qelεeγ-kem-id a d-teddu yid-m tedsimant-nni! Ihi γas tjewǧeḍ, ur yi-tettalaseḍ ara a kem-ḥemmleγ, asirem-iw meqqer, ahat yiwwas ad yemmet urumi ( argaz-im)-nni?!!
    Ma d wigi i la ireggmen akka deg-neγ, γas anef-asen ad ssgelfen am yiḍan. Aql-i sbeddeγ-d taseqqamut n tullin ( s tefransist funitik qqaren-as " lkumiti n lisutyan" ara yilin yid-neγ.
    Mmi-s n wemsed

    Sγur yir nettat
    azul
    Greγ-d lemεahda n Ṛebbi ur uγeγ la aqbayli la iziker!!S tefṛansist "t'as aucune chance" a mmi-s n Wemsed!Ma d wiyaḍ akken s-iqqar yiwen lğaṛ-iw:
    "Itran ur d-cliεen deg tsusaf n yemqerqar".

    Sγur Mmi-s n Wemsed
    I nettat
    Azul a agerruj
    Ass n 08/08/07 ad tili yiwet temlilit γef tedsimant di Bgayet ( deg yiwen usensu, ur d-qqareγ ara isem-is), timlilit-agi mačči n M.A.K, maca d ilelliyen ara tt-igen. Ma tebγiḍ a d-taseḍ, ini-yi-d a kem-id-mmagreγ, a kem-bbibeγ γef teεrurt-iw alamma d Bgayet.
    S tayri tameslubt:
    Mmi-s n Wemsed, ṣṣber ulaḥedd

    Sγur yir nettat
    azul
    Aqli di "la cote d'azur" akk d weεziz n wul-iw!!!!Awer tawḍeḍ ma an-mmunseγ fell-ak ar Bgayet a yir rgaz!!!!
    Axi leqmayel!!!!!!

    Sγur Mmi-s n Wemsed
    "Ḥemmleγ mi a d-theḍreḍ
    Kra a d-tiniḍ ad iyi-yeεnu
    Ḥemmleγ mi a d-teḍseḍ
    Tağsa-m tecbeḥ d asefru
    ...
    Tin i kem-icuban
    Ḥṣu kan mazal d-tlul
    Tin i kem-icuban
    Yiwwas wissen ma a d-tlul
    Tinna akken ur d-nlul
    Γer γur-i d kemmini
    D ul-iw la itezzun
    Yessetḥa a m-t-id-yini"
    Ala awal-agi n Simuḥ i izemren a d-yessekfel ayen akken i m-yeffer wul-iw. Cebḥen imeslayen-inem, cebḥent rregmat-im, tcebḥeḍ ula d kemmini
    Mmi-s n Wemsed

    Ḥṣu kan mazal d-tlulTinna akken ur d-nlul

    Sγur yir nettat
    taḍsa-m tecbeḥ d sefru; i s-yeqqar si muḥ mačči "tağsa-m" ẓret d acu i d-teqqarem"a le brobros".
    A win meḥḥneγ di lğeṛṛa-w
    Ur yelli d acu i yi-txedmeḍ
    Akka i yura di twenza-w
    Beεd-iyi ahat ad trebḥeḍ

    Sγur Yiwen uderwic
    kemm a yir nettat d Newara

    Sγur Mmi-s n Wemsed
    Azul fell-awen (t)
    I Aderwic ( ameslub) ur nettsetḥi
    Γas ur k-ssineγ ara ( ur ttnadiγ ara a k-issineγ ula di tnafa), yessefk a k-s-ttwellheγ γef kra n temsal, ahat ur tent-tessineḍ ara:
    Qqaren " Tayaẓiṭ turew, ayaẓiḍ yeqreḥ-it uqer…ruy-is"! D acu n tuḥsift i yi-tettalaseḍ imi i yi-tessxerbeḍ tirga am buberrak?! D acu I k-yewwin γer wayen i k-yexḍan?! D Nettat, neγ d Newwara neγ d Lunǧa, neγ d tayeḍ i k-kečč d acu i k-tuqeε?! Lemmer tesεiḍ cwiṭ n leεqel ( ansa ara k-yekk leεqel ay aderwic?!) yili γas tεeqleḍ-tt d Newwara, ur d-teqqareḍ ara isem-is; i lemmer tura ad as-d-yebru wergaz-is, d acu ara trebḥeḍ kaččini?.. Yerna, d acu ara d-yawin m txenfurt-nni n Newwara γer waggur n yiṭij ( nettat)? Yenna Si Muḥ:
    "Ay aggur lemmer a tt-teẓṛeḍ
    Deg-s ad tasmeḍ
    Tugar-ik
    Deg yiman-ik ad tḥeqreḍ
    Γas ma tcebḥeḍ
    Tif udem-ik"
    Anagar kan ma triḍ ad tesluγeḍ tamda, akken ad tafeḍ abrid keččini!..
    " Ula ay k-yewwin s imeγban
    Ayen akken ibubben d leεtab
    Ur s-nekni, ur s-nkennu" I yenna Dda Lwennas.
    Ihi, γas ruḥ čači anda di " .dz" neγ anda nniḍen.
    Ma tebγiḍ tagmat, aql-i da, maca beεεed γef tmeddakel-inu ( Nettat); ma d ayen nniḍen i tebγiḍ zemreγ-as " Wi-tt-yezzewren deg yergazen, ulayγer yefsi arkasen"! Ihi, fernet d acu tebγam a
    "Leqbayel uẓmmum
    I itetten cilmum
    Tekksen nnṣib i yefrax" i yenna Si Muḥend U Mḥend, uceylelleh.
    Mmi-s n Wemsed

    Sγur Mmi-s n Wemsed
    I Nettat
    Azul a tayri-w
    "Teḍsa-m tecbeḥ d asefru" mačči taǧsa-m; maca, anda-t leεqel, aql-i am winna iẓeṭlen s lkif!
    " Walaγ iṭij-nneγ yecreq
    Γummen-t-id widen yusmen" I yenna Lewnis. Fiḥel ad terfuḍ γef uyennat-agi I m-ibeddlen isem, yessef ad teḥṣuḍ d akken llan wid ikeccmen gar yiccer d weksum.
    Ferḥeγ aṭas imi tessezriḍ ass-im di teftist n " Kut d azur", meεna lemmer γas ur d-tebdireḍ ara " aεziz-im" ( xerṣum ttu-t ddqiqa, acku nekk d bu tismin), akken a d-xayleγ nekk yid-m i nella; nekk d Anẓar ( ayuc n waman), kemm d Tislit n wenẓar.
    Ferḥeγ imi yi-tcubaḍ deg uxemmem, yiwet lεeqliya i γur-neγ: Nḥemmel tadsimant ( "luṭunumi") i sin, nḥemmel ccna n Lewnis akk d Si Muḥ i sin..
    Γas kemm tuεreḍ cwiṭ i ṣṣyada, maca, d rrehṭ-agi-inem iḥemmleγ, wama tidak-nni I isehlen ulac deg-sent lbenna! Taεrabin sehlent maḍi, qqarenγ-asent awalen-nni i yeqqar Si Muḥ:
    " Acḥal tin i wumi nniγ
    Tin ḥemmleγ d kemmini
    Am kemm ur telli tayeḍ"
    Aql-i ttraǧuγ alamma tefna ddunit.
    "Ul-im d aẓru n tnicca
    Buddeγ-as lmina
    A s-tt-andiγ ar d ifelleq"
    Ǧǧiγ-kem (kan di tira, wama ul-iw γur-m i yella) di talwit, ay ul-iw.
    Mmi-s n Wemsed

    Sγur War isem
    A mmi-s n wemesed,

    s uqeṛṛuy-iw ar lammer d nettat i lliγ, ar deffkeγ fell-ak ula d James Bond d asfel, mačči kan d arumi afuḥan n yimi.

    Tenγiḍ-a& s tedṣa ay ageswaḥ

    Sγur War isem
    Riγ ad aruγ mmi-s n wemsed

    Sγur yir nettat
    azul
    Ma mazal-ik tselleḍ i simuḥ; ijaḥ ṛṛay-ik!Simuḥ nsell-as asmi nella di tseddawit di Buzerriεa!!!
    Ugadeγ asmi ara kem-in-awḍeγ
    zzman ad ikfu ccγel-is
    Deg wemkan-im ar n-afeγ
    D tamγart icab cceεṛ-is
    Ula d nekk ad imγureγ
    Kulwa a d-yelhu d yiman-is.
    Neγ akkens-iqqar akken muḥya:
    Sbeṛ ad ifat lḥal!!!!!!!!!!!!!!!!!!!!!!!!!!

    Sγur War isem
    A mmi-s n wemsed,

    akken walaγ, yir nettat-agi d izlatin n Lunis i tḥemmel nezzeh, ssuref-iyi ad s-kecmeγ iman-iw ger yiccer d weksum, acku tgezmeḍ tasa-w.

    Ihi ata d tawil n tuccent-agi:

    - Zger fell-as asefru kečč s timmad-ik ( ameskar n usefru yessefk ad yili d mmi-s n wemsed ).

    - ( Wwiγ-d war isem ad iwanes ) d azwel n usefru.

    - Asefru yessefk ad yeffeγ am wagi n Lunis, akken t-yura γef Tasaεdit. Dacu kan kečč aru-t s tira n wassa mačči s tin n iseggasen n 70.

    T ecεel deg ul-iw tmes
    A mek a tens mebla nettat
    s eg urfan yuzef yiγes, ixef-iw tuzen-d lmeḥna-s.
    A yen akk i ihedder yiles
    D eg iles-iw tefhem teslat
    I wul i tt-yebγan yuyes
    T aggara s lehduṛ tenγat.
    ------------------------------------------------
    T eğğiḍ-d rrehba meqqret
    A ss-mi d-iy-innan medden
    G ar-aneγ lemḥibba a temmet
    H elkeγ leḥbab ur εelmen.
    Z iγ ul-iw yeggul yeḥnet
    A y ggul γef tin t-ibeεden
    L ayes n lḥubbi-w yettwet
    T enγiṭṭ abrid meṛtayen
    -----------------------------------------------------------
    D i leεqel-iw yersed wagu
    Ḥ ed ur yεlim acimi
    I ḍes fell-i ur d-yettrusu


    S i lğerḥ-iw mebla ccwami.
    A y ixef ijeṛben ttru
    Ḥ ader ssuṛ ad ak-yeγli
    R uγ almi snedfeγ azṛu
    A ssebba-w d kemmini
    ---------------------------------------------------------
    Wali isekkilen imezwura seg usawen d akessar, ad tafeḍ
    yura: ( Tasaεdit taγzalt di sseḥṛa ).

    Kečč ssufeγ-d s usefru-k:
    ( Yir nettat ......... di teftist n Kut d Azur).

    Γuṛ-k ad tγilleḍ ttxil-k riγ kra γuṛ-s, yak teẓriḍ nekk d amaγaṛ
    i lliγ yerna s wexxam-iw d warraw-iw.

    Awer d-γγlin-t fell-aneγ teqjemyaṛ seg igenni!!!

    Afud igerrzen ay ageswaḥ


    Sγur War isem
    Riγ ad aruγ tizlatin

    Sγur War isem
    Mmi-s n wemsed meεduṛ, ul-is tesneṭ a tayri.
    Yeččali ger teftist n Kut d Azur yak d Sid Lhewwari.

    Yewweḍ taftist n tuccent, ira ad yessexsi times i wul.
    Rwaḍi n tatut feccent, γas yir nettat deg-s teggul.

    Tayri irennun ifadden, teskaw-iten i umdan a teğğ.
    A tidet ssnen yakk medden, in-as i tafat ad feğğeğ.

    Amcum ageswaḥ yettγaḍ, Wehran ihedder s yiwen yimi.
    Si Lḥemri γeṛ Lmerṣa a tesleḍ: Wac bih Zwawi d Urumi?

    Sγur Mmi-s n Wemsed
    Azulen i wid ḥemmleɣ.
    Iḍelli usiɣ-d, nwiɣ a d-afeɣ kra n tririt sɣur gma-tneɣ « Aderwic », maca, yefren abrid n ṣṣwab d yiseɣ, mačči win n tidderɣelt, taɣennant d tuzert uqerruy ; a s-iniɣ tanemmirt tameqqrant ɣef waya .
    A ziɣ d allaɣ i telliḍ a War isem, mačči d ajeɛquq kan! Yernu d amedyaz-nni n tidet. Tecbiḍ dda Saɛid At Mɛemmer ( Tamziɣt tessawal-as “ Ssayd”, acku tenwa “ ɛ”-agi yekka-d si Taɛrabt, ur teẓri ara si Tefniqt i d-yekka ugar n 20 iwinsen --- leqrun-- -aya; maca, i “ P” –nni i tesseqdac ( tappurt,Reppi,--- ansi i d-yekka?! Ɣas ma d aqeruy n texsayt i lliɣ, maca, aqerruy-iw ɣef tuyat-iw, zemreɣ-as) d Ukerdis ( wagi, yiwwas i ɛerḍeɛ ad ɣreɣ isefra-ines, uɣalɣ teṭṭef-iyi tergagayt, ugadeɣ seg iqudam-nni n Ɛeẓrayen “tarbaɛt n Wejda”! Yernu a yi-ddmen, ad ruḥeɣ d asfel ur ẓriɣ tucbiḥt-iw “ Nettat”.) d “wid akk i ijebden leqlam” akken i sen-isemma dda Sliman Ɛazem i wid yettarun.
    Jjmiɛ liman, s uqerruy n Amnay, ar bateɣ amek i d-tufiḍ awalen-nni “ Taɣzalt di ṣṣeḥra” di taɣect-nni n n dda Muris ( akka i s-yenna yiwwas dda Ɛbelqaḍer --- baba-s n Lewnis--- i yiwen wergaz: winna d “Muris mačči d Lewnis”. Ssneɣ baba-s, yemmut ɣas akken, lewhi n sin iseggasen-aya, ssneɣ daɣen ayetma-s Ǧilali akk d Ǧamal, zedɣen dagi deg Wehran -- saint Pierre--)?! Lemmer yeɛni a ɣ-d-terrandiḍ an sservis, u a yi-d-treḍleḍ yiwwen usefru sɣur-k, ad yili deg-s “ ssuksi” ulaɛud ahat yes-s ara d-yiḥnini wul n tmexluqt-agi.
    “Nekk d aqerruy n texsayt
    Amek ara ɛeǧbeɣ i Nettat
    Zdat urumi-nni i tḥemmel
    A wi yufan iman-is d lbelɣat
    A yi-tels lalla-s n lxalat
    Yes-i di “ Ccunzilizi” ad tehmel
    Ma d tura aql-i am ttirbulat
    Tackumin-is ɛyant
    Lɣerḍ tewwet a t-tezgel”
    D acu twalaḍ deg usefru-ya? wissen ma a s-d-yezg deg wul neɣ a tt-yerẓ deg wejgu n weɛrur? “ untulika ṭṭunpi” anda yebɣu yezg-as-d, awi-d kan a tt-iḥaz. Afus di texsayt, ma ur d-yewwi udi, a d-yawi iɣi.
    I kemm ( a Nettat) ay ul n wul-iw
    “ A tin i wumi beddleɣ isem
    Akken a t-seggmeɣ d asefru
    Teǧǧiḍ-iyi-d ala ssem
    Ur yettzad ur iḥellu
    Ḥkiɣ i lehmum lhemm
    Ma ixuṣṣ wul ad as-nernu
    Xtareɣ ayen yelhan i kemm
    Iɣeblan d-yegran inu”
    Mačči kan d isefra isefra n Lewnis ara m-d-awiɣ, ma yehwa-yam a m-qqleɣ d iḥiql ad smirjiḥeɣ di “ṣṣunṭr Pumpidu”
    Ameɣbun-nni

    Sγur War isem
    I mmi-s n Wemsed!!!

    Mačči yiwet mačči snat, yalta amek d wacu s-tekkat,
    igenni wis sa ( 7 ) ad tsami.
    Alluy teḍfer tesseknat, azekka-s aderγal iwalat,
    fiḥel asemγeṛ deg imi.
    Γas YIR NETTAT d yir nettat, aẓar-is d awezγi teččat,
    d kečč a tefren γef Uγumi.
    Ma tra a s-necnu Umengellat, yak annecta yecnat,
    ad as-d-nawi acimi.
    Acimi? acimi? acimi?

    Tin i wumi tbedleḍ isem, mi tefkiḍ i iγeblan awal.
    Acuγeṛ akka tessusem? Σni yebda d Uγumi ccwal?

    D tamγaṛt icab cεeṛ-is, ay argaz tcedha lhiba-k.
    Ma yella gziγ tamedyazt-is, yenγatt lweḥc n lγiba-k.

    Asirem yugi ad yessusem, d luḍa i yerra asawen.
    Itekka γef tεekkazt n War Isem, afus deg ufus ay Izwawen!!!


    Sγur Mmi-s n wemsed
    Azul


    Lemmer lliɣ d amedyaz
    Ahat ad fsiɣ cckul
    Yernu ur lliɣ d ameɛdaz
    I yebɣa a t-id-yini wul
    Ihi, ulayɣer tuddza umehraz
    Amnet fiḥel ma neggul
    Aql-i am win yeččan urwaẓ
    Ur ttlummut amexlul


    A War isem
    Yeččuren d asirem
    Mačči am nekk yekbel layas
    Lhemm yeqqel-iyi d azrem
    Yexmet yessusem
    Yegguni-iyi ad iyi-yeqes
    ……..
    Mmi-s n Wemsed yewwi-tt deg yifer-is
    Ad ixelleṣ i yexdem jeddi-s
    La cciccihen ( si ccah) deg-s medden
    Meɛḍur d aleqqaq wul-is
    Mačči d lɣerḍ-is
    Ay s-iǧeben d “ipixpuxen”
    D ayen yeqreṣ ṭṭbel-is
    Rrẓen wacciwen-is
    I s-d-yegran d imeṭṭawen
    Amek tura kečč a War isem?! Tebɣiḍ a yi-terreḍ d amedyaz war lebɣi, neɣ tebɣiḍ ad tesseḍseḍ deg-i madden?! Yernu ɣef wakken ttwaliɣ teṭṭfeḍ-tt di ẓẓmi, wissen ma d “taɣaṭ” i k-ɣaḍeɣ, neɣ d ula d keččini yehba wul-ik?!!
    Ayen akka i yi-d-tesmektayeḍ s Wehran, di tegnit ideg ul-iw yeksa di Lpari “ Tamdint n walhinen akk tneglusin ( lejnun d lmalayek)” I yenna Ḥmed Cawqi?!
    A ziɣ tessneḍ Wehran akken yessefk! Lḥemri, Medyuni, Tirigu, Lekmin, Sid Lhewwari.. Ḥqa tessneḍ awal i d-yeǧǧa Sidi Lhewwari “ Li maklac ṭṭɛami, ma crebc ccrabi, u ma xdac bnati, ma nesseḥqahc fi dari ( win ur nečči tagella-inu, ur neswi tissit-inu, ur nuɣ ara yessi-inu, ur teḥwaǧeɣ deg wexxam-inu”.

    Nniɣ-ak tikkelt-a mačči d tayri-nni n zzhu, d tayri-nni n tisselbi a War isem a mmi!
    Ddiɣ ẓriɣ , weǧin mlaleɣ-d taqcict yecban Nettat-agi; ɣur-s ywet lɛeqliya txulef akk tiqbayliyin, lefhama, idles, d tameɣnast n tedsimant, ahat ula d di ṣṣifa ur txuṣṣ ara..
    Ur ẓriɣ ara amek ara tekfu tedyant-agi? Si tura ugadeɣ-tt!
    Ssarmeɣ-as kan tewzel n leɛmer i wergaz-is, daya
    Mmi-s n Wemsed

    Sγur Mmi-s n Wemsed
    Ladiniti truḥ, truḥ, d acu i d-yeqqimen?! Tenna :“ ṭṭixxer i cemma” (Aqbayli melba cemma, ur d-yegri deg-s wacemma) akken akk neṭṭaxxer i cemma! Mazal kan a yi-d-tini “ Kkes aserwal, els jjippa am imezdaɣ-nni n likuṣ!..
    Nsettet ur nɛedda ada, nesqazzeb ur nɛedda ara, neqqel d imedyazen ur nɛedda ara; d acu i tebɣa tura Nettat-agi?! Mazal kan a s-iniɣ “ Ḥemmleɣ-kem a ddin n yemma-m!
    Atan ɣur-m usefru, tebberkaḍ aɛluleq fell-i:

    “ Ladiniti truḥ, truḥ ladiniti”
    A War isem
    Berka asmesxer
    Aql-anaɣ nenṭer
    Mačči d tagnit uɛekki
    Nekkini ṭṭbiɛa-w texṣer
    Yečča-iyi demmar
    Nettat fell-i tettihi

    Teǧǧa-iyi am uṭerbuq
    Weḥleɣ deg wezbuq
    Ansi ara d-tekk tifrat
    Lemmer ad tafeɣ di ssuq
    A tt-id-awiɣ deg usenduq
    Ad as-semmiɣ Nettat

    A wi yeqqlen d amcic
    Yid-s ad iɛic
    A s-teslufuy yal ass
    Neɣ ad yili d” akanic”
    A t-id-trebbi s ttnefcic
    Ad yili di leɛnaya-s

    A wi yeqqlen d ateqcir
    A s-yili deg uqejjir
    Ad as-yennal tifednin
    ….
    A wi yeqqlen d amacwar
    Ad tesfeḍ yes-s tinzar
    A t-tettawi deg ufus-is
    Ma yumes a t-tessired, a t-tefser
    Ma yesɛa ẓẓher
    Ad ines ɣer yedmaren-is

    A wi yeqqlen d aserwal
    A t-tettlusu deg uzal
    Deg yiḍ ad yili d tama-s

    A wi yeqqlen d apunṭakur
    Ɣef wammas-is mechur
    Ad izuxx s yiman-is

    A wi yeqqlen d apijama
    A t-tettlusu dima
    Ad yissin merra lesrar-is

    D abudi ( body) a wi yeqqlen
    A s-d-icebbeḥ idmaren
    Ad yili yeqreb ɣer wul-is



    Ugadeɣ a d-iniɣ akter
    Ad bduɣ asexṣer
    Yif ma ḥebseɣ jeddi-s
    …..

    Ḥemmleɣ tayri-w ma tḥemmel tayri-m
    Mmi-s n Wemsed

    Sγur yir nettat
    azul
    tadyant n weqcic agi iwumi fkiγ axessaṛ tugar tin n wemqerqur iεecqen itri.
    Ayen i k-ixḍan ;xḍu-yas
    Ma tebγiḍ lehna i wul-ik
    Ṛuḥ ad ḍefṛeḍ tullas
    tid i yellan d lemtel-ik
    Yir nettat tesεa aεessas
    yecbeḥ ; yeγra xiṛ-ik
    yezga dima ar tama-s
    Γur-ek i d-teggareḍ iman-ik
    neγ m'ulac ad teqwu "la casse"
    ad iddifiguri aqadum-ik


    Sγur War isem
    Yir nettat tesεa aεessas
    yecbeḥ ; yeγra xiṛ-ik

    A mmi-s n Wemsed,

    akka walaγ, tegray-ak-d kan a s-tecnuḍ akka:

    Xxtiṛ aqcic la yeqqaṛ d ṭbib neγ d lkumisaṛ
    neγ d win yettfeğğiğen am lefnaṛ d lemtel-im!!!

    Zziy-as sakin s weεrur, zger γer tebṛat tis kraḍ tin a t-ssaliḍ s imeslayen-agi:

    Ma nexdem akken yexdem neγleḍ, ntezzi ntenneḍ,
    nettuγal ansi d-nekka.
    Lqum-nni n zik yecceḍ, tawacḍa tseffeḍ,
    Muqel-t γer zdat tura!
    Tiγṛi nesla mi ntetteḍ, tezwar kul ( yal ) tayeḍ,
    γuṛ-wat a s-tebrum assa!!!

    Zik wa ihedder-itt i wayeḍ, assa di lkaγeḍ,
    a tt-id-afen ineggura.
    ------------------ ---------

    Ḥala ayagi ideg yella lewqam ay ameddakel ayen nniḍen akk
    d asebteṛ aberkan n iḥulfan-nneγ yerna ayen k-yugin ccwiṭ, agi-t ataṣ.

    Ttu ttxil-k tigi yesεan iεessasen-agi yekkaten tiqqaṛ, m´ulac ak-yerreẓ iγsan-ik, kečč d ameεlal!

    Ini-yi, dacu tenniḍ deg tekti-agi?

    Taneγlaft n yedles n tmurt n Lanjiri, tella seg tid-ak yettrun, teṛwa axenfeṛ d ucetki akka am nukni, tuγal tercel ( tejweğğ )
    yakk d unabaḍ ( Butef ), ssεan-d Ledzayer tamanaγt n yedles
    aεṛab, yak akka?

    Nekk meyzeγ-as, ufiγ-d imeslayen-agi:

    Γef Tğilbant yekkfa imeṭṭi, sseεd-is yekker,
    deg-neγ ulac anwa ur newhim.
    Tercel ( tejweğğ ) yakk d Wejtuṭi, sεan-d aqcic d agayaṛ,
    yugar jeddi Yebṛahim.

    Uḥeqq jeddi-k Wemsed ar telha tisselbi.

    Sγur Mmi-s n Wemsed
    I Nettat
    Azul ay ul-iw, azul a tayri-w
    Skud treggmeḍ deg-i, skud trennuḍ tkeccmeḍ s ul-iw, ay ul-iw! Simmal rennuɣ ḥemmleɣ-kem “ ju vuz am” a ddin n yemma-m! γas ma tikkwal teččḥeḍ γef wul-iw i kem-iḥemmel, akken i t-yenna akken Lewnis:
    Kerheγ ul ur nesεi ara ul
    Keheγ-t imi kem-iḥemmel
    Γas d ṣṣura-w yeddukul
    Lehdur-iw yugi a sen-isel
    Tiṭ tekreh-itt tettmuqul
    Ul iḥemmel-itt yedderγel
    Lhemm-ik mazal iḍul
    Imi teffreḍ zdaxel
    ---- I War isem: Wa yufa (d nekk) , wa yestufa ( d Nettat, tuzyint-agi-nwen timnefcect); wayeḍ yesmendag isufa ( d kečč)--- Azekka a k-n-rreγ γef imeslayen-inek n wass-a, ar War isem
    “Aṭlas” i terriḍ d ṭṭlam uṭellis,

    Sγur War isem
    A mmi-s n wemsed,

    acuγer akka terriḍ War isem am yir tamγaṛt ur nḥemmel ara
    ad izdigen waman di tala? Tidderγelt-agi γef YIR NETTAT, tetteddu a k-ter d YIR KEČČ ay ameddakel.
    Yessefk a k-yezderγel wemdan iẓri n tidderγelt, m´ulac ad yekker William Shakespeare ad yaru γef " Romeo war Julia".

    Tikkelt-agi ggulle& uḥeq jeddi-k Wemsed ar d-iniγ tidet yellan:

    1)- D tidet ayen d-tenniḍ yakan fell-as, YIR NETTAT tzad di tmusni, ula d nekk greγ tamawt usawen anida d-yeffeγ usefru
    " A baba " n dda Ssεid, tessaweḍ almi tergem ameskar n usefru yerna tenna-yas " Awer yaweḍ" rnu tessen Makiavel
    ( akka i tesla yeqqar-as Uγumi i Niccolò Machiavelli ).

    Yak tegziḍ tura anida tekker tmes?

    2)- YIR NETTAT ur teddir ara yak d Uγumi, ahat tettargu annecta, maca akken ssneγ Iγumyen, ur ḥemmlen ara yir nutenti.

    Tecfiḍ ahat γef tceqquft-nni n Muḥya, anida d-yettmeslay γef yiwen, winna i wumi tenna setti-s ( yaya-s ) ulac dacu yettaken anzi γer lğennet, dinna a mmi ur trefdeḍ, ur tesrusuḍ yerna učči-k ḥala udi d tamment...atg.

    Argaz Yettεeggiḍ fell-asen deg axxam, yeqqar-asen mmuteγ, tura yessefk ad ttwameḍleγ.
    Imawlan-is εewqen deg-s, yuγal yufa-yas-d Dr. Ssi Wakli d tawil.

    Kečč daγen yessefk ad tafeḍ Dr. Ssi Wakli dinna di Wehran i
    YIR NETTAT-IK.

    Teẓriḍ amek?

    Nekk tura nnig 20 iseggasen ur kcimeγ ara Wehran, maca ahat ad yili wayen i wumi cfiγ.

    Ẓriγ tesneḍ la rue Philippe ( turiḍ-d yakan fell-as kra dagi ),
    ṣub deg-s, ḍfeṛ sakin tiseddaṛin n lğmaε d akessar ( anida akken tettfuḥu lqahwa), aweḍ ḥala ma d lkiṛan-nni yettawin γer Leεyun ( zdat Nnexla ).

    Ṭṭef yiwen deg-sen lkiṛan-nni ḥala ma d Kakubatṛu neγ
    Bu Zbil ( Ismawen d-yeğğa Ṣbelyun ), terseḍ.

    Lḥu deg webrid γef uḍar metwal Bu Sfeṛ ( anida yella lbeṛğ
    n Cεadli ), ngum ad tawdeḍ γer lkazaṛna γef tama-k tazelmaṭ,
    yella yiwen udewwaṛ qqaṛen-as " Dewwaṛ Nnaqus ", siwel-asen-d tamacahut n YIR NETTAT yettargun tuγ Aγumi,
    a k-id-yessemlil BABA INUBA d kra n Dr. Ssi Wakli dinna, ad tafeḍ tifrat i tendict tageṛdit.

    Uh, uh, uh, uh, semḥet-iyi, nekk d ameddaḥ ur netteḍḥi,
    Ur nḥebbes di tikli.
    Yettad-den tabburt, tabburt, ayen yewa n tidet a t-yini!!!









    Sγur Dda Qiqi
    Aεlxir fell-am a Yir nettat
    Usiγ-d ad ẓreγ anta tayi i iseḥḥren akka Mmi-s n Wemsed?!
    A ziγ d amerṣum-nni tidet, ur ijaḥ ara baṭel!!!
    Lḥaṣul, amek tura kemmini?! Kiskisi yeεni deg wawal ẓiden ma tenniṭ-as-t? kiskisi yeεni di tmaḥḥat ( neγ snat) n « rryan di tu » ma tefkiṭ-as-tt?! Nniγ-am a yelli εzuzu, “ wi yebγan lewqam, yezwir seg wat wexxam”; a d wayi ( Mmi-s n Wemsed) i yezwer lḥal, axaṭer d amzir am kemmini
    Dda Qiqi

    Sγur Ğamal

    Azul fell-awen (t)

    “Γas ma ttmeslayeγ s tefransist, ttaruγ s tefransist; maca, anagar kan s teqbaylit i zemreγ ad ttruγ neγ ad ḍseγ”A kka i yenna wemyaru amussnaw : Lmuhub U Σemruc ( “Yugurten n lebda”), yules-as-d daγen umazray ( win yettarun amezruy) Lmulud Gayed ( la sen-nettazen tamalla, imi i sin yid-sen wwḍen s anda ara naweḍ).
    A ziγ nezmer ad nemḥemmal s teqbaylit! a ziγ nezmer ad nemyergam s teqbaylit! a ziγ nezmer ad nemseččaw am wakken i nezmer ad nemyegr irebbi gar-aneγ s teqbaylit!!
    Amzun aql-aγ di tmenna-nni n Dda Lmulud ( amussnaw aneggaru) “Assen ad teḍru yid-neγ am win: yeffuden yeswa, am win yeddreγlen iwala; am win ikerfen yelḥa”.
    Acḥal tecbeḥ tedyant-agi n tayri gar Mmi-s n Wemsed akk d Yir Nettat ( γas d tayri-nni i d-yekkan seg yiwet tama kan, maca , tama nniḍen tefka-yas-d azuɣer. D tagi i d tayri n tidet ɣur Leqbayel: Taqbaylit werğin tessebgan-d tayri-ines, teḍra-yas am tjeğğigt-nni i dlen isennan, ala win i iḥemmden ad azzlen idammen-is ara tt-yawḍen. Taqbaylit ( tura, mačči akk tiqbayliyin, s usemḥissef i d-nniγ-aya) tezga tezdi lqedd-is, tbedd s zzux am tzemmurt-nni ur nekni i unaγur d lburr; angar kan ma yessekna-tt wayen d-turew!
    Tadyant-agi tebna γef kraḍ isegbaren : Mmi-s n Wemsed d anegmar neγ d aṣeggad, Yir Nettat d d maḥlal/ lγerḍ/ neγ d iswi ur nerkid, tettneḥwaṣ, tjebbu-d tettuγal, wi izemren a tt-yennal? Am tzerzert ( taγzalt)-nni n tniri (ṣṣeḥra), mmi-s n yemma-s ma tt-yeṭṭef! Wis-kraḍ d War isem ( amedyaz) i wumi teḍra am wemγar azemni: Kra n win yeḥwağen ccwer yaf-it, maca, yezga lebda imal γer tama umeεlal akk d win yenṭerren. Yernu d amedyaz-nni n tidet! D urar i yetturar s tmedyezt ( “tamedyezt” mačči tamedyazt akken t-qqaren akken, acku aneggaru-ya d isem n temsefrewrt), yettbeddil si tewsatin ( leṣnaf): “seg wusu d tduli akk d tsumta” akken i s-isemma Dda Σebdella i tmedyezt n Si Muḥend U Mḥend ( tamedyezt m kraḍet iseḍra) γer temkuẓin n Σumar Lxeyyam… Nekk alammi d tikkelt-a i t-ẓriγ yessefray!
    Ula d inagan rewlen ( qesdeγ-d Bu ccfaya d terbaεt-is), amzun akken ugaden ad ḥeḍren i taggara!!
    Yegra-d kan a d-iniγ daγen: Ma llan wid ur nebγi ad yili wannect-a deg wesmel, ladγa seddaw imagraden yerzan tilufa yellan d tixxuṭranin ( yesεan azal) akka am umennuγ γef izerfan-nneγ “ TAMAZIΓT”; ahat d lḥeqq-nsen, maca, ula d wagi daγen d amennuγ yugaren yakk imennuγen, acimi?
    Anda-t umennuγ yugaren aseqdec n tutlayt-nneγ, εad deg wayen yerzan asufeγ ineggaẓen ( aqraḥ neγ lewjaε) nneγ akk d tinin iḥlfan-nneγ s tin-nneγ!!
    Yiwwas steqsan γef sebba i yeğğan Lewnis At Mangellat ad yecnu tayri, yerra-yasen-d:
    “ Zik ttsetḥiγ a d-iniγ, acku imiren meẓẓiyeγ; tura ttsetḥiγ a d-iniγ, acku dayen meqqreγ?!!
    Ssurfet-iyi ma ssγezfeγ awal
    Ğamal

    Sγur War isem
    I mmi-s n Wemsed,

    atan usefru-w aneggaru γef tmacahut-agi n war taggara, ssarameγ kan ad yeglu s wayen ideg yella lewqam.

    Dda Ğamal yemmeslay-d usawen γef inagan ( Bu Cfaya d terbaεt-is ), akken walaγ rewlen acku ssnen imeslayen-agi:

    " La ssteqsa-yaγ wid-ak yessnen, zgiγ wehmeγ γef wayen akk i d-ttmeslayen.
    Ur umineγ, mi d-qqaren: Yibbas ad t-zuṛ lkaf
    Assen kul amcum ad taf.
    Aseεdi d win yemmuten di liser".

    Wali ihi asefru-agi ukessar, ssaked isekkilen imezwura seg usawen d akessar, ad tafeḍ lbaḍna yeffren!

    Seg assa d afella atan ad ssusmeγ.

    " WAR ISEM YESSEN AD YESSUSEM"


    I KEMM A YIR NETTAT


    M´akken s-tefkiḍ azuγeṛ, tefsiḍ tiyersi i usirem.
    Muqel amek i m-iga leqrar deg ul-is werğin nessusem!
    I wacu s-tesweḍ lemraṛ, dacu n txidas yuqem?
    -
    Sslan yes-s d ugemmaḍ yenteṛ, εni yeεuẓẓeg wul-im kemm?
    ----------------------------------
    Nnaγ yak tidet telha, ur d-ggrint tmucuha.
    ----------------------------------
    Wali tura ayen yellan, ttxil-m ttu ayen ur nelli!
    Ečč aksum akken iran zlan, igezzaren n tmura n tlelli!
    Mmekti-d Σebḍella Ucalan, ssteqsi anida yettili!
    Ssaked uṛγu n izilan d tidi d-yecfen tili!
    Eğğ ad ddren yess-m waklan n tayri tkukraḍ iḍelli!
    D Aγumi neγ anwa i t-ilan, mmi-s n Wemsed d aqbayli.
    -----------------------------------------
    I wacu turart-agi, am tinna n tusnakt s wurar?
    Ḥend-nni yeqqel ass-agi, d netta i yeṭṭfen imurar.
    Ečč deg wexxam inebgi, anef-aγ ttxil-m nenteṛ!
    Ma deg aman d yiγi nreggi, anwa i d ixef-ik ay aẓar?
    Mmektaγ-d mi yerẓa tuggi win iran ad yer aḍar.
    Ečč aql-aγ la d-nettheggi, glu s weεwin s idurar!
    La yettqittiṛ ineggi γas akken yeqquṛ yifer.
    -------------------------------------------
    Yak nnan rregmat d awal, tisusaf daγen d aman kan.
    I wacu tugadeḍ cwal? Ur yelli seg at wulawen yerkan.
    Rnu ma d yid-m yemlal, ad yagar di tezmert Marikan.
    ---------------------------------
    Nugmed si lḥila n lbaḍna n tayri m-wafud igerrzen.
    Eğğ am tecbeḥ tmeγṛa d nukni ad am-tt-iderzen!
    Tamurt tif tid n beṛṛa ula d nettat tesεa irgazen.
    Tasekkurt deg lḥaṛa mačči d aẓekka i s-γzen.
    Aṭlas tin ur t-neẓra ad tγil am akken d waγzen.
    Tindict tura m´ur tefra aqeṛṛu-m anwa a m-t-ikemzen?







    Sγur Mmi-s n Wemsed
    Azul a War isem
    Qqaren « Iruḥ wul ad yekkes lxiq, yufa leḥbab d imuḍan” Yeḥlelli-d wayen i ugadeɣ acḥal-aya! Kečč ad tessusmeḍ, Nettat ad truḥ d wergaz-is, nekk a d-griɣ wehd-i am bururu! Acuɣer ara tessusmeḍ? Anwa i k-id-yesserfan ɛni?! Nettat tekla la tettcekkir deg-k: “War isem igerrez wayen i d-yenna” ( kečč i tt-yettdeqqimen s isefra, terniḍ tessawaleḍ-as “ Yir NETTAT” la k-d-teqqar: “ igerrez wayen i d-yenna” ; nekk i s-yesqizziben, ula d “Yir”-nni kkseɣ-as-t, akken yak la yi-d-teqqar “ Yuɣ-itent, yenṭerr”! A ziɣ ɣas ɣrant, mazal-itent di tidak-nni n zik: Ḥemmlent win i tent-yettdeqqimen!
    S tidet kan isefra-k lqayit nezzeh, ur ssawḍeɣ ara aswir-nsen; nekk yuɣ lḥal d aqerruy n texsayt i lliɣ; wissen nettat ma tefhem kra seg-sen, neɣ tettaṭṭaf kan s lewhi?
    Weqbel ara kemmleɣ di temsalt-agi, riɣ a d-greɣ yiwet tamawt s wazal-is, attah: Kečč a War isem ur telliḍ d taqadumt n Lalman! Cukkeɣ dagi deg Wehran i tzedɣeḍ, txeddmeḍ di Sunatrak di Rrziw, tugadeḍ lemmer ad faqen fell-ak a k-id-awin berra; tufiḍ-d tagi “ Aql-i di Lalman”! acku taqbaylit-agi i tettaruḍ, akk d tmeslayt i tettmeslayeḍ, ur telli d tin n Lalman ay ameddakel!
    Tebra ar kečč ar aqcic lɛali a War isem, cubaɣ-k ɣer Dda Kamal Nat Ẓerrad ( wissen ma tessneḍ-t?) ula d netta ur yessimɣur ara iman-is, ɣas d amussnaw i yella, maca, yettqeṣṣir yid-neɣ, yettak-aɣ azal, ɣas yeẓra-yi sserwateɣ kan , akken yakk werǧin i yi-d-iḥeccem zdat medden, neɣ i yi-d-yenni “ ssusem akin fell-aɣ”. Yernu jjmiɛ liman a lemmer mačči d netta ar yiwen deg-neɣ yili ur yessin ad yaru isem-is s teqbaylit.
    Tamsalt qbel taneggarut iɣef ara k-n-mmeslayeɣ d ta:
    Nekk ḥemmleɣ ad nnecraḥeɣ ɣef yiman-iw, acku ala dagi i ttafeɣ iman-iw, wama anda nniḍen ala ayen d-irennun iɣeblan i wul. Asmel-agi ɣer ɣur-i yugar “ apsikulug” d wagi kan i d ddwa; nniɣ lemmer ttuqqten imukan yecban asmel-agi, yili ahat ula d taqcict-nni-nneɣ ( Fuziya iɣef d-yettmeslay Ǧamal) ur tettnuɣu ara iman-is ( twalaḍ ula d timenɣiwt n yiman d lɛib a tt-id-yebder weqbayli, acku ulac tissas ara yerẓen yir leɛwayed-agi ur nemɛin), tḍegger-d iman-is seg wunnig wis-4 di la rue de Schneider, ɣas ma di twacult-is ur tt-ixuṣṣ wacemma, maca, yal yiwen deg-neɣ yeḥwaǧ a d-yekkes seg wul-is ayen i t-iqerrḥen! Ɣef waya a sen-iniɣ i wid yettarran iman-nsen d iɛessasen n leɛwayed akk d teqbaylit: Mmird ( merde) fell-awen! Mmird ɣef leɛwayed-nwen! Mmird ɣef uberbur ( lbirbir)-nwen! Taqbaylit tella, leqbayel drus-iten! Tamaziɣt tella, imaziɣen drus-iten! Timmuɣnest tedda d Dda Muḥend Aɛrab Besseɛɛud, tedda d Masin Uḥarun! Tamussni tedda d Muḥend Ssaɛid Bulifa akk d Dda Lmulud At Mɛemmer! D lqella n yergazen i yerran Ɛli d argaz .
    Mmi-s n Wemsed werǧin i yeffir tid-is, iteddu ifesser-itent abrid abrid, turew-iti-d yemma-s deg waddaynin, tenza deg wudem-is leḥya; ma d wid-nni yettarran iman-nsen ḥedqen, ssnen, ttsetḥin, a sen-iniɣ akken i sen-yenna Uleḥlu :
    “Ay at lmexx yeblukin
    Ɣer ɣur-i ruḥet ad tẓemmrem
    S nnif-nwen yettiqqin
    D lḥerma m ijerbuben”
    Ferḥeɣ nezzeh imi d-tbedreḍ “Ɛebdella Ucalan” Akurdi n PKK, d amɣid-nni n tidet a War isem a mmi; nekk yal mi ara ccumreɣ ttuɣaleɣ d aẓelmaḍ ( azdukli), mi ara sɛuɣ ameṣruf ini ttiɣ-tt d ayeffus ( asihran).
    Imi d-tenniḍ akken “ ad ssusmeɣ” tesmektaḍ-iyi-d ɣef wasmi akken i tettḥellilem ( tettḥawatem) Mass Yiwen: Uɣal-d a Yiwen! S.T.P a Yiwen! ur ttruḥu ara a Yiwen!..
    “Annar akka i yettwarwat, NETTAT wi yebɣun yaɣ-itt”
    Ar tayeḍ a Zizi War isem ( I “Winna” ayen akka ur d-iban ara?!)
    Memmi-s n Wemsed

    Sγur Mass Nuγmun
    Mesyu (Mass) Nuɣmun (Aɣgaz) n Madam (massa) Nuɣmun Yiɣ Nettat
    Azul (salut) a libaṛbar, bɣiɣ a d-iniɣ « les berbères » d acu kan nekk ur ssineɣ ara mliḥ takbaylit ; paɣsku nekk d aɣumi.
    Akken ttwaliɣ tɛeddam tilas akin ! Tameṭṭut mazal-is deg yiri-w, kunwi tettmeslayem fell-as!.. Ilaq ad tesḥṣum Iɣumyen uɛren nezzeh, neɣ ɛni tettum? D nekkni i wen-yefkan tamxixt i lewhi n 132 iseggasen, u mazal ar tura nettak-awen tiɣrit: nxeddem d udabu-nwen i d aɣ-d-yettaken lgaz d wayen akk nebɣa; nerna nettaɣ tulawin tiqbayliyin, amedya n “ma ciɣi”( taɛzizt-iw) Yiɣ Nettat.
    S tidet kan, zemreɣ a d-iniɣ ur ttafeɣ ara am nettat la di tɣumyin, la di tiyaḍ.. tecbeḥ, tezzyen, teɣra, tefhem, yernu tessen ad tniwel: seksu, aɣrum n twackant, taḥbult n tmellalin; ula d tuččiwin n Iɣumyen tessen-asent: sbagiti, lmaqarun, ppizza.. S umata ula d lecɣalat n wexxam tetwel nezzh deg-sen, tbedd akken ilaq, Ɣebbi ( Rebbi) ḥrez-itt. Tessen daɣen ad tecnu s tekbaylit, isem-is akken tezlit-nni n Lewnis? Ih! mmektaɣ-tt-id: “Nettat d lḥubb-iw, ur yettmettat ṭul leɛmer-iw”,tessen daɣen ad tecnu s tɣumit, ladɣa Anriku Maṣyas “Juli fi (filles) du mun peyyi( pays)”; alammi i yi-d-tenna nettat d wamak ẓriɣ d akken “Muluǧi, Idit Pyaf, Iẓabal Aǧani” d Leqbayel! D acu kan werǧin i yi-d-temmeslay ɣef wugur-agi i tesɛam kunwi s Leqbayel, yeɛni am nettat am Leqbayel nniḍen akk, ulac win tt-yeṭṭfen di ẓẓmek.
    Tegra-d di temsalin i ɣ-yerzan nekkni: Libruṭun, Likurṣ, tigi rzant kan nekkni, ur neḥwaǧ ara win ara d-yegren iman-is.
    Di taggara, a s-iniɣ i (isem-is kan ḥqa?!) Ih, su (ce) fils du Amsed, la Tête de putiɣun : Ad thenniḍ iman-ik, ad teṭṭixxreḍ itmeṭṭut-iw, ciɣi Yiɣ Nettat neɣ a k-n-azneɣ “purṭ-avyun” : “Carl Dugul” yeččur s “limiraj” ad sskenfent jiddi-twen akken ma tellam din di Lḥasi ( puits)!
    Adyu ṣalu
    Mass Nuγmun si Paɣi

    Sγur Mmi-s n Webṣel
    A ziɣ yuɛer wergaz-agi-inem a Nettat ! Ɣef dra-m yebɣa a ɣ-yesseknef akk di Lḥasi! Wa ya yemma, wah, wah !..
    Kkawen ifadden-iw seg wayen ɣriɣ da, ar azekka kan ma zemreɣ a d-iniɣ kra; wama tura aql-i gugmeɣ!
    Tarewla temneɛ bab-is
    Mmi-s n Webṣel


    Sγur yir nettat
    azul
    Ayen i d-yura mmis unurmun; d "l'humour" nni à 2 balles!!!Yuγal wudem-iw d azeggaγ deg leḥya!!Di leεnaya-k a wagi ,wexxeṛ akkin timeccacin-ik...Qqren bni-ziker "ma naεṛef-k; ma taεṛef-ni"!!!Naγ m'ulac ad ḥebseγ tira deg wesmel agi.

    Sγur Amnay
    « Mesyu (Mass) Nuɣmun (Aɣgaz) n Madam (massa) Nuɣmun Yiɣ Nettat »

    Hi hi hi...almi grarbeγ si taḍsa!
    I wacu i s-terriḍ "γ" deg wadeg n "r" a yaγgaz n wihran, a mmi-s n wemsed, teččiḍ iles-ik neγ dayen nniḍen???

    Aha tura kečč; anef-as i teqcict aqi nneγ tγankil. Xas d yir nettat, maca seg-neγ.
    Wa yeqqar i wa.


    Sγur Mmi-s n Wemsed
    Azul.
    Aḥeqq jeddi amsed ma d nekkini a bu tqerruyt!

    Tekki da akken a d-tiniḍ kra neγ kra.
    Zdi-t deg Facebook
    Copyright 2006 imyura.net
    Just how well will this year�s Air Jordan gamma blue 11s retro do give that it�s a colorway we�ve never seen before? We can�t exactly imagine an Air Jordan XI sitting on shelves for too terribly long, but we have a feeling they won�t fly off shelves as quick as previous years� �Concord� and �Bred� releases. The sneakers will land a bit earlier than we�re used to seeing them-December 21st is the due date. Stay with us after the break for extra images on the �Gamma Blue� Jordan 11 gamma blue 11s and watch for them soon at shops like Nohble.Gamma Blue 11s}Jordan 11 Gamma Blue}Jordan 11 Gamma BlueGamma Blue 11sJordan gamma blue 11jordan 11 gamma blueJordan 11 Gamma BlueJordan 11 Gamma BlueGamma Blue 11sJordan Gamma Blue 11Gamma Blue 11sJordan 11 Gamma BlueGamma 11sGamma Blue 11sGamma Blue 11sJordan Gamma Blue 11Gamma Blue 11sJordan Retro 11 gamma blueGamma Blue 11sJordan Gamma Blue 11Gamma 11sJordan Retro 11Jordan Retro 11 gamma blueJordan Gamma Blue 11Gamma Blue 11sJordan Retro 11Gamma 11sGamma Blue 11sJordan 11 Gamma Bluegamma blue 11sgamma blue 11gamma blue 11s for saleJordan 11 ChristmasJordan 11 ChristmasGamma Blue 11sJordan Retro 11Retro 11 2013Retro 11 Gamma BlueJordan Retro 11Jordan 11 2013Jordan Retro 11Gamma Blue 11s For SaleGamma Blue 11sjordan retro 11jordan 11 gamma bluejordan 11gamma blue 11sGamma Blue 11s For SaleGamma Blue 11sGamma Blue 11sGamma Blue 11s