AMUSSU ADELSAN AMAZIΓ N INELMADEN
G TIZI N IMNAYEN
A L ΓU
Azul d ameγnas ,
Di tazwara. azul ameqran i inezbayen n tidet n ugdud amerruki , azul n tγensa d tẓiḍert i yinekraf isertanen n Umussu Adelsan Amaziγ (MDM) illan g yikurmuten n timmuzdert : Tucka, Sidi Sεid d Warzazat.
Ayyuz i akw winna ikan tudert d idammen-nnsen i tmentilt tamaziγt, salen ar akkan (Meεtub Lwennas, Saεid Sifaw, Manu Dayak, Bujemεa Hebbaẓ,Lγaci….atg)
Ibeddi nga assa g tesnawit n Zayd u Ḥmad (Med V) g Tizi n Imnayen, yusa-d d wass amaḍlan n tutlayin timezwura, 21 febrayer acku nra ad nini i yinelmaden ula medden is iga wawal amaziγ tutlayt-nneγ tamezwarut, d wis ur nri asselku ittegga udabu aεerbeẓri i tmaziγt ula Imaziγen, am uyenna gan isemxan d yiḥeẓẓaren n udabu i yimeγnasen-nneγ ayenna ran ad gen yan ibeddi amalway dat “umni” amerruki ass n 14 febrayer 2009.
Day, ar nettini i Lmexzen ad d-irẓem i yinekraf n Umussu Adelsan Amaziγ d ad iwdu asselku ittegga i Imaziγen ula i tmizar g tsul tedder tutlayt tamaziγt: Anẓul Ugmiḍ, Rrif, Tiniri…
Seg tama yaḍen, da nessutur ad tili tutlayt tamaziγt d tutlayt tunṣibt g tmendawt n tmazirt-nneγ tili g akw iγerbazen d tsuda, ar diγ nesγuyyu γef yiselmaden imeksenmaziγen g tesnawit-nneγ isxuben aḍu i yinelmaden isawalen γef tmaziγt.
Ar nesskan tiwizi-nneγ d yimussuten n yinelmaden imaziγen g Ulennif, Bumal n Dades, Tinγir, Walmas, Nnaḍur…atg
Ittug g Tizi n Imnayen ass n : 09-02-2959 / 21-02-2009
“ Skud mazal tarwa n leḥlal
Ur as-nkennu i lqid ”
Amawal:
Amussu: mouvement;
inezbayen: résistants;
tamentilt: cause;
tasnawit: lycée;
amaḍlan: mondial;
aεerbeẓri: arabiste;
amalway: pacifique;
Anẓul Ugmiḍ: Sud-est;
tunṣibt: officielle;
tamendawt: constitution;
tisuda: institutions;
imeksenmaziγen: amazighophobes;
