A yaqjun d-yekren deg uxxam-iw,teččiḍ teswiḍ seg ufus-iw.

Tturareɣ idek alama d iḍ, tettuɣ d aɣarṣiw i telliḍ.

Am uɛeggal deg uxxam-iw ik ḥesbaɣ, giɣ-ak amḍiq deg ull-iw.

Fkiɣ-ak ayen yellan di tezmart-iw, teččiḍ am keč am iyaḍ.

Hemlaɣ-k tifet ak wiyaḍ, laman dgek ikka idurar.

Adlis n Warek d Wasin d sa (7) rradmat uqmen Max d Moritz, arrac-nni imcumen iγef yura Wilhelm Busch s talmanit adlis s talγa isefra i d-yesmuḥyet umedyaz Sεid At Mεemmer γer tin n Muḥya. Adlis-agi ulac tawacult di tmurt n Lalman ur t-nesεi ara, yettwasmuḥyet neγ yettwasuqel daγen γer wugar n 400 tutlayin-nniḍen, aseggas-a dγa yura-t yiwen ula s taεrabt.
S. A. M. yesmuḥeyt-d ayen akk yura deg-s umeskar, tazwart, rradmat neγ tiqurar d yakk d taggara.
Tzemrem ad twalim dagi isebtaren imezwura, tazwart d rradma tamezwarut:

Sεid At Mεemmer. Izerfan umeskar akk d ayla-s.
ISBN: 978-1-291-34736-4

Asmuḥyet

Warek d Wasin

Max und Moritz - Heinrich Christian Wilhelm Busch
 

Ameskar n wunuγen d Wilhelm Busch

(* 15. Yebril 1832 di Wiedensahl;

† 9. Yennayer 1908 di Mechtshausen)

Qqaren-d yella yiwen n uxxam zik-nni, deg-s tamɣart d mmi-s d teslit-is. Tamɣart-nni d teslit-is am umcic d uɣerda neɣ, ugar, am temɣart d teslit…di Tmurt n Leqbayel n zik-nni : a wufan tamezwarut d Lalla, tislit-is d taklit kan.

Dɣa ulac d acu ur (d)as-tesbubb temɣart i teslit-is d ihwah, akken kan ad as-yebru mmi-s. Yal tameddit n wass, ad d-tcellef fell-as leɛǧeb, ad as-d-tales i mmi-s ayen tga d wayen ur tgi, ayen d-tenna d wayen ur d-tenni.

Ẓriɣ, aṭas i yenwan ur yezmir yiwen ad d-“yefk rray-is” ɣef usefru acku, akken qqaren “Asefru d iḥulfan … n win/tin i t-yennan”.

Tamezwarut aya d tuccḍa n tenfalit ! Nekki ad d-iniɣ: Asefru mačči d iḥulfan! D asenfali n yiḥulfan s wawal!!

 Acku lemmer ulac awalen, lemmer mačči d tilin n tmeslayin, yiwen ur yezmir ad d-yessufeɣ, ad d-yesken iḥulfan-is. Annect-a mmeslayen-d fell-as At tesnilest! War timeslayin, ama d tid n wawal, ama d tiyaḍ, iḥulfan, taktiwin d wayen akk ila umdan, ad qqimen deg wadan-is kan.

Mi d-yemdel tawwurt n uxxam, bdan imeṭṭawen tteγlayen-d deg wallen n tmeṭṭut-is, fsusit di tazwara, maca ttnernayen di teqseḥ almi qqlen d acetki :
- Ttxil-k a Nnadir ẓer d acu i txeddmeḍ, ttxil-k uγal di ṛṛay-ik tettuḍ tiktiwin-ayi tiberkanin i d-yeγlin γef uqerruy-ik…
Maca imeṭṭawen-is d tmeslayin-is nnerfadent deg igenni am tagut n ṣṣbeḥ, Nnadir ur asent-yesli ara. Lḥess-nni i d-εellent tektiwin yennejmaεen deg wallaγ-is akked wul-is rrant timedlin fell-as, ur t-ğğint ara ad isel i kra nniḍen.
Iεel tisura deg lğib-is. Tura ad iεeddi γef wergaz-nni umi yezzenz axxam i wakken ad as-tent-yefk, s yinna ad yeṭṭef abrid-is γer tmurt akken i as-iεel leḥsab deg tazwara. Akamyun i iεebban lqec n uxxam yezwar, yegra kan ad ilaḥeq netta d tmeṭṭut-is.
Yeldi tawwurt n tkerrust, isers kra n lqec d ameẓẓyan deg-s, umbεed yerkeb, yessekker amutur. Ur yefki ara ula d azgen n tiṭ i tmeṭṭut-is yellan tneggef deg berra. Yezmer ad iruḥ ad tt-yeğğ mebla ma tuqeε-as akken i yezzenz axxam-is, yeṭṭaxxer-d deg lxedma-ynes yezmer ad tt-yeğğ ula d nettat. Ula d nettat teẓra annect-a acku yenna-as-d ussan iεeddan:
- tebγiḍ ad tedduḍ, tebγiḍ ad truḥeḍ axxam n baba-m.

Warek d Wasin d sin warrac imcumen, γeḍlen-d isiḍ deg imezdaγ n Tewrirt yettwattun, ulac rradma zeglen, tiqurar akk yellan uqmen-tent, ur ğğin yiwen di talwit, la nna Faṭi tağğalt, Beẓẓi bu lkuca, dda Qiccu, wala Mass Semmus neγ wiyaḍ. Ma d taggara, abbaḥ, aql-i ccarweγ si tura! Win iran ad iẓer tidyanin timeqqranin iwumi yekkren ssfagat-agi di sin yakk d wamek teḍra yid-sen taggara, ad iγer adlis akken ma yella!

...

Ahya Ssimra d azwel n yiwen n wamud n tullisin id yefɣen ussan-a (Maɣreṣ 2013) deg tmurt sɣur Tizrigin Tira. Tullisin-a yura-ten-tt umaskar Nufel Buzebbuǧa. Γas akka yezdeɣ deg tmura n yinig, Nufel yettaru s teqbaylit. Amud-a, yesεan 8 tullisin, yura-t s tutlayt n yal as, maca nezmer daɣen ad neḥulfu belli yella waṭṭas unadi di tutlayt. Daɣen, tamawt ma negra-tt, ad naf belli di tira n Nufel yella lebni amaynut, yemgaraden ɣef wayen neqqar ɣer umyura nniḍen. Ahat acku tamusni n tutlayin akked tirmit i yesεa di tsekliyin tiberraniyin i yeǧǧan lebni n tira-s ad yili akka? 

Tulist tettawi-d γef yiwet n taddart, taddart-agi tetteffer leεwayer-is, leεyub-is zdat tudrin nniḍen tefka-d udem yelha, yeṣfa, deg-s ulac acu ixuṣen. almi ula d tudrin nniḍen umnen-tt γilent d tidet, rran-tt d amedya n tezdeg, d nnif, d lḥerma...

Yiwet n tikkelt yenulfa-d lεib deg-s, lεib ur tezmir ara ad teffer, neγ ad tesedreg. lεib-nni i d-ikeflen leεyub yefren. " lεiib d talalit n warac iεegggunen " taddart tuggad nger " la mort symbolique " wala nger n tidett. fran-tt di rray ad nγen tulawin id-yesεan arrac-agi akken ad sefḍen deεwessu id-yeγlin γef taddart. tudrin nniḍen usant-d akken ad ḥarben γef yesit-sen, yekker cwal dγa tiweḍ γer lmuḥal yuzel yidim, taddart tenger deg-s ur d-igri ula d amcic...